Bida ta inhustu


Bo no a pidi Bo mayornan pa traha bo, pero Bo tei

Bo no a pidi bo mayornan pa manda Bo skol, pero nan a pone bo bai

Bo no a pidi pa bo pareha kòrta bo orea, pero até ku un otro den fiesta

Bo no a pidi pa na tira atrako riba bo, pero ata un pistol na bo kabes

Bida ta inhustu no? Pero kiko bo ke hasi tokante e situashon ei?

Kriminalidat a subi, ta ekonomia su falta.

Ekonomia ta malu, ta gobièrnu su falta.

Gobièrnu no ta sirbi, ta ken su falta?

Pero mi no a vota pa nan. Pero mi no vota mes. Pero tur ta meskos.

Si, tur ta meskos. Pero kiko bo ke hasi tokante e situashon?

It takes a village to raise a child.

Tin un par di echadó di baina di 16 aña ta kana rònt.

Kisas nan a nase ku ‘genes ‘ di atrakador? Nan a nase ku genes di materialismo? Nan a nase ku un pashon pa speibel skol i sinta bou di palu huma mariwana?

Tur beibi ta nase inosente. Nan ta nase manera un papel.

Manera un pida A4. Blanku, puru, untouched.

Dor di hopi aña di eksperensia, kos ku nan ta mira, tende, sinti, komprondé, nan edukashon, or the lack thereof, ta hasi nan loke nan ta.

E A4 ta haña koló.

E A4 tur manchá ku enk pretu ei, esei no ta bo A4.

Bo no konosé, bo no a yega di papia kune.

Pero até ta toka bo pida A4, e la mancha un pida di bo papel.

Kos ku semper lo keda riba bo A4.

Anto kiko bo tei hasi tokante e situashon?

Si bo ta pensa ku no tin nada ku bo por hasi, bo ta robes.

Si bo ta pensa ku bo ta safe for now, bo ta robes.

Si bo ta pensa ku bo no tin falta paso bo no a mancha e A4 ayá direktamente, bo ta hopi robes.

Ta paso bo no a hasi nada, e A4 ayá a mancha, ta keda manchá i lo sigui mancha su mes i tur e otro A4 nan rondó di bo.

Si, mi ta tirando falta riba bo. Bida no ta hustu, kiko bo tei hasi tokante e situashon?

Mi no ta verwacht bo pull un superman i salba mundu.

Pero nos tur tin un héroe den nos.

Loke mi ke pa bo hasi pa bo mes ta: tur dia di nobo, purba di mancha un par di A4 ku bo fèrf blanku, òf ros, òf bèrdè neon mes, pero no laga nada skur, nada negativo.

Anto si akaso bo mira otro A4 ta wòrdu manchá dor di otro, hasi algu tokante di dje.

Pone e héroe den bo na trabou.

Dikon? Paso tur papel ta mancha otro tur dia. Asina bida ta.

Awó ki bo ke hasi? Bo ke sinta mira esnan skur mancha esun di bo, òf bo ke ta proaktivo i mancha otro ku koló bunita?

Bo no a pidi Bo mayornan pa traha bo, pero Bo tei.

Bida ta inhustu, pero mester sigui pa dilanti.

Nan di ku e mihó defensa ta atake(offense). “The best defense is a good offense”

Bida ta inhustu, awèl hasi algu tokante di dje!

Tur dia di nobo.

Ku mente sober/clear, bon intenshon i kurason den bon lugá.

Curaçao lo ta un bon lugá. T’aki mi ta Beba.

Chung Moi Pow

cropped-img_2490-0.png