‘Hulanda mi kier bai’


Ora nos ta biba na Kòrsou nos ta tende hopi kos bon di Hulanda. Hopi hende ta hasi manera akinan ta e lugá kaminda nan por solushoná tur nan problemanan. Wèl no ta asina!

Bibando na Kòrsou bo mester a tende e siguiente frasenan aki di un hende òf famia ku ta biba aki:

1.jpg

‘Bin biba Hulanda serka mi, mi ta yudabu ku tur kos’

‘Hey akinan tin masha bon skol mes’

‘Hulanda no ta wega’

‘Akinan lo bo tin kos di hasi sigur’

‘Bo ta haña masha sèn mes di kinderbijslag’

‘Paña ta masha masha barata mes’

‘Ku 5 euro ba kome’

‘Si bo tin debe nan ta yudabu paga tur’

‘Hendenan ta tene kuenta kubo na Hulanda’

‘Tur kos ta mas fasil akinan ku na Kòrsou’

‘Einan bo tin hopi mas libertat’

‘Hulanda ta mas grandi ku Kòrsou, dus einan bo por logra hopi mas’

 

Asina mi por menshoná hopi mas..

Tur hende ta bisabu bai òf tin ta bisabu no bai, pero niun no ta splika dikon. Ami ta pensa ku tur hende tin nan mes eksperiensianan i mi realidat no ta esun di abo. Pero na Kòrsou nos ta gusta mira riba otro kere ku loke esun ta hasi nos tambe por òf nos no ta puntra nos mes kon e a hasi’é.

Dia ami a disidí di bin biba Hulanda tabata basta disfisil pa mi a tuma e desishon ei. Mi a pensa: ‘Mi no kier laga mi mama’. Si tabata pa ami, ami lo no a bin biba akinan. Dor ku mi ta hasi un ‘acteursopleiding’ mi a hañami ta bin pa mi kumpli mi soño di bira aktris. Hopi kos mi a tende di Hulanda pero niun hende no por a splikami ta kiko tur mi mester sa pa mi ta bon prepará. Úniko kos ku mi mama por a bisa ami ta: ‘Einan ta hasi hopi friu i bo mes tin ku bai hasi TUR kos’. Mi tabata sa eseinan kaba. Pero mama, kiko ta tur kos? Esei e mes no por a splika paso e mes no a biba akinan nunka.

Aparentemente hopi hóben no ta bon informá. Ora nan yega ta desepshon i hopi di e hóbennan ta pèrdè riba kaminda. Tin di nan ta kambia di estudio mas ku tres bes, otronan ta legumai skol kuminsá traha i manera nos tur sa, tin ta bai pa e bida ‘fasil’. Naturalmente tin hóben tambe ku a kaba nan estudio ku éxito i ta asta trahando komo profeshonal akinan.

Falta di informashon ta e yabi prinsipal dikon nos studiantenan no ta logra nan metanan.

Mi sa tambe di sierto hóben ku kier bin Hulanda pa skapa di mayor, pa mas libertat i pa tur e frasenan ku mi a menshoná ariba. Ami ta bisa semper: si bo ta bin Hulanda sin un meta, sin un soño, nó bin. No ta pa kibra niun hende pero akinan no ta asina fasil manera e ta zona. Si bo no ta fuerte na mente i alma, kere ami, bo ta dualdu masha lihé. Akinan tin tentashon di tur sistema i di tur banda. No bini Hulanda pa skapa di un problema paso asina e problema no ta resolvé. Tambe esunnan ku ta bin paso famia a bisanan bin biba. Dushi, despues di un luna nan mes ta hasi tur posibel pabo sali for di nan kas. Hulanda ta: ‘Ieder voor zichzelf, God voor ons allen’.

Akinan bèrdat tin hopi posibilidat ku Kòrsou no por brindabu, pero abo mester disidí kua di tur bo ta bai tras di dje.

Ku amor,

Richailine Elisa

 

Advertenties

Auteur: raedreamer

Mi a sali Kòrsou na aña 2011 pa bin studia na Hulanda. Un soñadó mi ta yama mi mes, paso dia mi a sali mi pais mi tabata tin soñonan grandi sin pensa den kuantu kos mi por pasa aden pa logra esna’i. Awor aki mi a lanta fo’i soño i mi kier kompartí mi eksperiensianan ku mas hóben. Realidat no ta asina bunita manera bo ta soñ’é. Mi a kaba e aña aki ku un dimi estudionan kual ta un acteursopleiding, mi ta ofisialmente Aktris. Culturele en Maatschappelijke Vorming ta mi di dos estudio, i esei mi ta trahando riba dje pa kaba tambe. Dos opleiding den un mi a hasi. Ku mi blog mi ke konsientisá hóbennan ku ta bin biba akinan òf ku ta biba akinan kaba. Sí bo no ta bin biba akinan, e blog aki tambe ta pa abo paso mi ta bai toka hopi otro temanan ku por siña òf yuda abo tambe. Pa ami ta hopi importante duna mi aporte na yuda forma nos generashon nobo. Mi no por kambia mundu, pero si mi por yuda mi mes pueblo. Ora bo ta leu bo ta wak hopi kos otro i sigur loke por mihó. Mi stima mi paraiso chikí..

12 thoughts on “‘Hulanda mi kier bai’”

  1. Bon tópiko i bon skirbí. Hopi relevante i nesesario, pero mi a sinti falta di e splikashon ku bo mes ta skirbi ku niun hende no ta duna, hesta pa e persona bayendo ta bai biba Hulanda, ta bon prepará.

    Liked by 1 persoon

  2. Ta berdat loke e juff a bisa…pero tmb ta berdat ku tin famia si ku ta keda humano…mi mes tin tantes ku tin mas ku 20 anja ey riba i te ahinda nn a habri man tuma famia i keda yuda nn te ora nn para riba nm pia…dimes no ta tue hnde ta meskos pero tin bon ahinda….loke ami ta mira di hulanda ta bon estudio pa nos yunn aki e kos ey a perde su way…i komo mama bon ke mira bo yu perde su kaminda di skol i esey hulanda ta duna e chens na nos yunn…pero kermi mi ta komp e juff bn bn …..

    Liked by 1 persoon

  3. Hopi bon skibi…!!! Pero pa djis pone agrega algun kos aserka, mi ta spera e jufr aki permiti.

    Pa studiante nan ku kier bini. Ami ta bisa ku ta un bon opshon. Pero tene kuenta ku lo siguiente.
    Na momentu ku bo yega aki na Hulanda. Tin un opvang di 3 dia te asta 1 a 2 siman. Despues di e periode aki, zoek maar lekker uit. (Brutu bisa pero ta e realidat). Na momentu ku ta buska kontakto ku e decaan/mentoren nan, nan no tei. Ervaring ta papia…!!! Bo ta asta topa nan den stad, nan ta bira kara aya banda of drenta un pakus pa desvia di bo…!!!! Esei ta djis un samenvatting pa bo siña I ta prepara pa e prome siman nan.
    Tin hopi si ku ta interesa pa sa kon ta ku bo. Pero e hopi(lesa tiki ) ku ta interesa tambe tin su bida, estudio, trabou den banda, ku no por duna tur hende atenshon. Ta pasa e info pa e decanen nan prof di instansha konserni, pero nunka mas bo ta tende di nan.

    Pa sigui riba e bida aki na hulanda, tur hende ta bisa bo. E bida ta dushi, mas libertad, trabou ta fasil pa hanja etc etc… Awel laga mi bisa asina aki. For di e tiki ku bo ta gana banda di e studiefinanciering ei, bo mester paga hopi kos ku inkluso bo kuminda. E supermarket nan di mas barata ku mi a konose 17 aña pasa, ta kai den kategoria ku Albertheijn AH tabata kai 5 a 7 aña pasa. E.o: lidl, Aldi, Hoogvliet.
    Pa ku e salario: laga nos pone bo tin un salario di €1500,-. No kibuka, esaki ta un salario den kategoria di minimumloon bruto… Dus ora belastingdienst i tur e aftreksom nan wordu kita e ta bai para rond €1175,- of porta menos netto. Ban pa paga un kas awendia di minimaal €450,- of mas. Tambe koriente i gas rond min. €45/50,- of mas. Televisie en internet €50,- of mas. Levensverzekering van € 95,- of mas si bo ke ta bon Segura. Esei tambe ta un bon. Verder ta rekomendabel pa tin un inboedel verzekering. Ku lo kosta entre €15,- a €30,-. Atrobe pa bo ta bon di dek pa ora algu pasa ku bo apartement/kas. Awa ta pa kwartaal i ta ongeveer rond €50,- of mas. Ja bo ta kore den vaste lasten van ongeveer €700,-. Dus dan heb je nog ongeveer rond €400,-. Pero loke ku ta bini aserka ta, ku mester paga tur anja un X bedrag na belasting betreft afval/reinigingsbelasting oftewel gemeentelijke belasting. Tambe waterschapsbelasting. Tur esaki nan ta yega na un bedrag di ongeveer €450,- pa anja ku lo bo por paga den termijnen. Pero banda di esaki di pga den termijnen komen er weer rente bij. Ahinda bo no a hinka boodschap aden. Netto pa Ami i mi kasa nos ta gasta na boodschap ongeveer €225,-. Ahinda mester kumpra abonement pa openbaar vervoer(bus,trein,tram). Fietsen kan je overal binnen bo stad. Pero si bo ta studie of traha pafo di bo stad lubida…!!!! I no laga ningun hende ganja bo ku mas bo gana, mas ruimte bo tin financieel. Paso unu tur kos kasi ta Basa riba bo inkomen(salario). Kas ta mas karu i tur belasting tambe ta bira mas karu…!!!

    Dor ku tin asina tantu kos di paga, na un dado momentu bo ta bai raakt in de stress. Awor berdat no ta tur hende ta meskos. Pero pa kuminsa ku un bida na hulanda. Sea prepara pa e ergere manera hopi hende ta bisa. Si resulta otro.. GLORIA na Dios…!!!!
    Loke mi ke bisa extra, lubida ku ora bo yega aki. Ku uitkering ta fasil, kinder- en zorg-, huurtoeslag ta fasil pa hanja. Den mayoria stad, lo bo mester paga un deel bek. 17 anja pasa ku mi a yega aki tabata otro. Hopi kos tabta fasil pa yega na dje… Awendia lubida…!!!
    Tur tur kos bo mester paga. Asta studiante nan a perde nan derechi di biaha pornada durante siman of weekend den e periode di estudio. Mi no ke stroba ningun hende di bin biba hulanda. Pero ta prepara..!!!! Antes envelop ku e acceptgiro tabata kai den brievenbus. Awendia tur kos a digitalisa i si bo no ta disiplina pa wak mail i mantene un budget. Tur kos ta pasa bo voorbij. Asta un makamba ta bisa bo esei… Ta pesei hopi ta bai laga hulanda i buska nan felicidat otro kaminda.

    Djis pense, prepara bo mes mental i emoshonal hopi bon. Prome bo skohe pa desgrasia. I soru pa bo tin Dios. Paso algun kos ta manera e tera rechasa den bijbel…!!!

    Exito na abo ku ta bin biba…!!! Soru di prepara bo mes hopi bon..!!! I e voorbeeld nan duna no mester ta bo experensia…!!! Paso mi eksperensha no ta di abo. Pero e ta e realidat si ku mi a mira durante mi 17 aña na hulanda.
    Tip: soru pa bo ta fuerte pa ku bo budget i keda houd e bij. Pa ku estudio, no laga palabra of situashon di sokete kibra bo ku bo no ta kaba bo estudio.
    I pa hoben nan ku tin di hasi un HBO i no a kana bon. No hanja berguensa. Bai un estudio riba un nivel mas abou despues sigui pa esun ku bo mester a hasi. Paso aki pa motibu di e nivel di Hulandes nan ta kibra hopi di nos. Pero na momentu ku bo baha di un nivel, den un anja di tempu bo por haal e nivel ei i sigui pa esun riba nivel haltu.

    Mi ta spera ku mi por tabata un motivashon i ku esun ku tuma e voorbeeld aki over lo por ta un exito…!!!

    Felis dianan di fiesta…!!!!!🎶🍾🎉🎄

    Liked by 1 persoon

  4. Ami ta biba na Hulanda for di juni 1998 y mi konsego pa tur hoben y major ta ku sin nan kier echt bin Hulanda pa estudio y/of biba, please zorg pa bo ta beheers de Nederlandse taal sino ta moeilijk pa bo por regla tur bo asuntonan bon. Pa estudio tambe importante pa bo Hulandes ta bon. Si bo Hulandes ta malu ta mas moeilijk pa bo volg e lesnan bon. Mi ta maak hopi yiu Korsow na Hulanda mee ku nan no ta kompronde loke makamba ta trata di bisa of splika ora na bai sierto instantianan of ora nan hanja karta di gemeente, belastingdienst, uitkering, verzekering. etc.. Nan tine moeilijk e ora ey y nan no por hasi loke nan tin di hasi pa nan kosnan kana bon. Tapesey mes mi ta juda tur djabierne pa años e tipo di persona nan aki gratis ku lesa, skirbi karta, jama telefoon pa regla nan asuntonan. Mi ta hasië ku amor, pasobra mi ta mira kon gradesi nan ta y kon kontentu nan ta bira. Eno ta kosta mi nada, pero pa nan eta signifika hopi. Y maske ku mi ta slechtziende pa 2 anja kaba y ela bira moeilijk pami, mi ta sigui juda nan toch.

    Liked by 1 persoon

    1. Mita full eens lokual ku e juff aki a skibi , mi a bin biba hulanda awoki ya pa 5 luna kaba i enberdat ta un tiki difisil pa kompronde e karta nan of hasi yamada i puntra informashon korekto . Di e forma aki mi kier a puntra si ta posibel si por a tuma contacto kumi pa mi por hanja yudansa ku sierto karta nan .

      Liked by 1 persoon

  5. Reyron het was goed en duidelijk uitgelegd , ik woon hier 24 jaar . En uit mij ervaring wil ik hier snell weg het is de nl van 24 jaar geleden . Iedereen met zijn eigen ervaring , maar misschien als je hier komt wonen is weer een andere ervaring , maar voor mij is nl niks meer . Alles kost geld

    Liked by 1 persoon

  6. UN DI E TOP 10 MIHO TOPICO DI AKI MI TA BEBA !!! ora bo bisa nan bini, nan ta bin stens riba bo, basha bo ku nan pispis, anto ora bo buska solushon pa nan hanja kas, Nan ta duna bo mal nomber bisa Ba kore ku nan! Ora bo no bisa nan bini, nan ta bisa ta hater bo ta bo no ke nan bai hulanda , bo no ke nan logra. WEL AMI SI A DISIDI ES KU KE BAI KORSOU OF BAI HULANDA NO BIN TUMA ADVIES SERKA MI, PERO HASI BO KOS!

    Liked by 1 persoon

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s