E bon, e malu i esun fastioso


Tur aña algu ta hot and happening riba enternèt i awe m’a kis 5 trènt ku a pasa den aña 2015. Mi no ta bisa kua ta kai den e bon, malu òf fastioso. Bo mes disidí den kua kategoria e trènt ta kai.

Trènt #1 : Waisttraining 

Ten mi ten tabatá 90-60-90, awor kosnan a bai un level mas haltu. Ta sintura di maribomba, i ku pechu i ku atras ta manda. I eigenlijk tambe kabei stail di Kardashian. Ma un pregunta den chikí, ta ki ta pasa ku e organonan despues di e treinin di sintura di bòter di Coca Cola? khloe_kardashian_waist_trainer_1auck82-1auck8t.jpgTrènt #2 : Bubble Nails 

Yeah, what Britney said …

bubblenails2.jpeg

bubble2.jpeg

Trènt #3 : Kylie Jenner Challenge

No tin sèn pa hunka filler den lep? Geen probleem. Ata un manera, stail di #diy, pa bo tambe keda ku lepnan yen manera Kylie. Easy peasy

Trènt #4 : Baking / Cooking 

I mi no ta papiando di Martha Stewart. E kushinamentu aki ta pone hopi puiru riba bo foundation p’asina e keda para, i bo tin un beat face manera nan ta bisa awendia. Jamer si ku hopi bes, bo ta parse mas drag ku fab.

Trènt #5 : Clown Contouring 

Awendia nos makiyahe mester keda on fleek. Pa yuda loke bo mama a dunabo, nos ta pinta algun strepi èkstra riba nos kara. Hasi nanishi mas smal, frenta mas resaltá, kachete nèt punta, cheekbones for daaays .. Sky is the limit.

Tin mas trènt ku mester yega den e lista? 

Danki pa lesa, komentá riba mi blògnan. Ta seif den e selebrashon di fin di aña. Disfrutá i bai poko poko.

Happy Sunday and till 2016!

Nef