Bin i bai bèk


Un tres siman mas i manera m’a drenta avion bini Kòrsou, lo mi bula bai bèk Ulanda fin di e luna aki. Ora mi konta otronan ku mi ta bai bèk, reakshonan ta varia.

E promé grupo ta suponé ku kosnan no a kana manera planiá. Lo mi no a gusta akinan. Pasó ya, mi ta un tiki gemakamabiseerd tòg? “Imposibel, bo por biba 20 aña na un lugá i no bira manera e pais mes.” Si, si, shonnan, ora bo biba asina largu pafó di Kòrsou, bo ta stòp di ta un yu di Kòrsou. (skibiendo ku un tiki di ironia)

E di dos grupo ta nèt kontralí. Si nan tabata por, nan tambe lo a bai kumi. “Kòrsou no tin nada bon mas aden. Atrako mainta, mèrdia i anochi. Gobièrnu ta wak nan mes saku i laga pueblo muri di hamber.” I e grupo tei ketu bai si na Kòrsou.

E grupo delaster ta reakshoná mas suave. Nan mes a biba hopi aña afó. Nan tambe mester a kustumbrá bèk. Tin hasta a tuma sigur un par di aña pa haña nan draif akinan. Otro a bini, bai bèk, bini atrobe i te awor nan tei riba nos dushi baranka.

Mi ta identifiká ku e grupo delaster. Den e aña ku a pasa, mi mester a buska kon pa keda fiel na mi mes i tòg purba di krea un kontakto ku e kultura di aki bèk. Despues di 20 aña, sierto kosnan (t)a kambia. Por ehèmpel, ami a haña ulandes na skol i tabata papia un meskla di ulandes/papiamentu na skol. Awor bo ta tende mayoria biaha tòg papiamentu. Tambe mi mester a dil ku mi “snel,snel-mentaliteit”. Awor mi bai kualke restorant di fastfood, mi ta kompronde ku e fast den e food no ta nesesariamente aplikabel. Of ora mi ke dòwnlot algu, ku mi mester warda un tiki mas largu. Mi por bisa, m’a bira mas rilèks. Mi no a kai kompletamente den island-mode, pero mi ta mas lihé den un chel awor. Mi mester a kustumbrá ku tur e bestia chikínan ku ke kompañami den i rònt mi kas (hei, shon Yuana?!). Mi ta hasta bai sinti falta di e kalor. Un bida sin fèn na Kòrsou ta duru, tuyu!

Dimes mi ta bai sinti falta di e bida na Kòrsou. Mi no ta kompará biba akinan ku e bida di eksterior mas , pasó p’ami ta appels met peren vergelijken. Kada eksperensha tin nan propio sèt di lèsnan aden.

Ku kua grupo abo ta identifiká bo mes? Unu, dos òf tres?

Happy Sunday,

Nef

Advertenties

Auteur: Nefferth Bernadina

www.mode-plus.com

2 thoughts on “Bin i bai bèk”

  1. Pa mi ta konta Oost West Thuis best Mi a biba diferente kaminda No Ulanda so Lo mi no ke a keda sin a experensia esaki E a sirbi ta amplia mi kosementu di otro kultura y fronteras. Desarilla un mentalidad balansa y sina relativa Pero semper mi dushi Korsow a keda mi home sweet home Trahando tur dia pa aporta un pida na su desarollo y salud

    Liked by 1 persoon

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s