Kaaaaarnaaaaaval a la van guardia!


Kaaaaarnaaaaaval a la van guardia.
E ta zona manera e palabranan di Obispado na kuminsamentu dje aña.
Ta parse. E no ta si. No brua e kosnan.
Ta bendishonamentu dje marcha di karnaval.
Karnaval.Dushi yu.
Mi ta kòrda e anochinan doepshie doepshie asina ku mama.
Mira’ki, drumi, lanta, kabishá, bai un sleim di soño nèt ora ku nan ta saka e ganadó. Karnaval na skol. Mi mama a laga mi bai na maskadera ku mi piskánan undimenshonal òf ku un shirt ku tur e produktonan lokal kòrta i di plak riba e tishùrt. Ke men ku ‘sweetart’ ku ‘manal’.

Jingle di Djennwasabi.

‘Areglista, kompositor, kantante, bailarin. I e refrein ta bisa……
Até barku ku yama karnaval. 
Lòs lòs. Lòs lòs lag’é bai.
Mester tira salu den funchi, pe tota. 
Adrenalina ta subi. Sanger ta kushi. Shonnan. Karnaval. Laga mi tende. …..T’ami ta ora. Awor ta mira ora.
Un pia un pia mané un trambia. Awe yama awe. Ta kon bo ke pa awe yama e ora ei?
Elia ta manda bu bai da waka bin bek. Ata. Kua pia? Pia drechi? Ki ba hasi kuné? Awèl ba hal’e. Hale halele oei oei. Trabou tin. p’esun ku ke tra.
Bazjan karpata…….a kumpra zet’i koko…….grupo katibu…’

E delaster anochi di Tumba niun hende no ta eens ku e ganadó. Semper tin un kos. Ku hende den hurado ta malu. Muzik ta malu. Ken ta malu kua ta malu.
Al fin tur hende ta jump dushi asina riba e mesun tumba ku nan no a gusta. “ e no ta zona malu malu tòg bo sa”.

tumba.jpg

E dianan ayá no tabatin teenerparade. Ta gewon ta doe mee ku marcha di hende grandi.
Dos biaha ma partisipá ku e grupo di MIL. No puntra mi na kiko nos a bisti.
Ata no. Un biaha nos a bisti na verkeersbord.
Mucha mi ta kòrda kla kla. Dilanti di brùg di ponton. E tempu ei sak’é bum bum tabata na moda. Esta de moda. Mira’ki ta sak a sak…pone bòrchi abou i saka e bum bum bou di koreografia di Dennis.
Otro biaha nos a bisti na basora di bari den karnaval. Ta bisa mester a bisa e hendenan kant’I kaya, paso je zag het niet.

Na mas grandi m’a partisipá dos biaha ku E ke men E grupo di karnaval ku mas ambiente ku ta Takitin. Heerlijk. Nos no tabatin problema ku karnaval kuminsá mas lat. Bar ta habrí. Kiko ta e problema.? Heerlijk. Rib’e seru, bou dje seru, den e seru. Ku  pindanan kontentu komo banda


Nos a bisti un biaha na piñata. Ai regalitonan ta kita kai fo’i den trempan fo’i centerpiece. Ata nos awor ku lijm den saku pa drecha paña. Semper ku bo prèkè. Pero e ambiente. E ambiente. Den Marchena. Nos amiga Larissa ku semper ta bisa “ smile, nos ta pasando dilanti di Telecuracao”. Mihó ma skucha di dje. E ta sali nice nice na televishon. En kambio ami…Larissa a introdusí duckfase. Seriously. Subi riba mashin di ijs. Ai no yu.

Ma yega di para na banda. Hòmbu, aden ta konta. Aden t’e kos.
Pero na chikí na banda. Ku tanta. Ku galiña, ku pastechi. Stul di palu, parasòl.
Anto kana. E kanamentu tabata e kos. Wak ken tei. Wak ken ta wak bo. Keda kana bai bin.
“ mi tei dal un rònchi bin”.
Marcha ta e kaminda ku bo ta topa tur hende. Tambe e hende ku bo no ke mira. Òf e hende ku masha dia bo kier a topa. Paso bo ta mirami aki!
Ta e temporada ku bo ta bira wak den hanchi. Mira hende boka abou. Ku otro hende boka ariba.
Ku bo ta hole mas pishi stèrki stèrki òf boka di alkohòl fresku fresku.
Mira polis sasia nan set di poder i bati hende pa mata ku klòp.
Marcha ta e kaminda ku bo ta mira e bòdinan di mas hodidu shorotá den e catsuit di mas bògòrò. Bunita ku bo ta sinti bu bon den bo gordo. Bunita.
Marcha e kaminda ku tin mas disfrás pafó ku paden den grupo.
Tur hende ta kontentu. Pasando de mil maravia. No tin problema. A lubidá tur. Pa un ratu.
Te ora nos lanta djárason i e kos dal nan den nos kara.
Pero pa aworakí. Felis karnaval. Que lo pases superrr.

m1nz9a5a37i7