Un kuaresma diferente: Part 1 – Un Kòrsou Sushi


For di dia ku mi a kuminsa blog riba Ta’ki mi ta Beba mi a palabrá ku mi lo ta positivo. Mi a puntra mi mes kon mi por kontribuí na bienestar di mi pais maske mi no ta biba na Kòrsou. Sintá na e otro banda di mundu mi ta konvensí ku ta positivismo i partisipashon so lo por yuda.  Kòrsou ta manera e ta paso e mayoria a laga un grupito disidí kiko ta sosode. Mientras hopi ta sinta komodo tras di nan kòmpiuter reklamá e bachinan den Forti, emisoranan partidista o komedia den parlamentu, tiki ta esnan ku ta aportá.

Netamente esey nos lo tin ku kambia. Nos no por imaginá nos e kambio ni e energia ku Kòrsou lo generá ora e mayoria kuminsá aportá libremente ku ideanan nobo ku ta benifisia henter komunidat sin importa ken a lansa e idea, ken ta skucha ni ken ta goberná. Tur ku stima Kòrsou di berdad ta obligá na kontribuí na su bienestar. Ta ora pa puntra nos mes; kiko bo a hasi awe pa kontribuí na un miho Kòrsou?

brightideaPesey awe mi ta introdusí un konsepto nobo, Bright Ideas, ku e meta pa generá mas ideanan positivo pa Kòrsou. Tur djamars den kuaresma lo mi introdusí un topíko i puntra abo pa bo idea positivo. Loke bo tin ku hasi ta masha fasil, djis laga un komentario atrás ku bo idea positivo.

Awe mi kièr trata e Sushedat di Kòrsou. Loke a inspirami ta e idea ku sr. Stanley Brown a pone online siman pasa. E la splika ku:

Wij kunnen het probleem van een steeds vuiler wordende Curaçao met het steeds terug kerend gevaar en kosten voor de volksgezondheid oplossen door bij de landfill een benzine stationnetje te openen waarbij benzine tegen 50% korting op accijns verkocht wordt aan iedereen die een bepaalde minimale hoeveelheid vuil komt storten. Het zal dan voordeliger zijn om het vuil op de landfill te storten dan in de mondi. Mensen met een pickup zullen aanwezige vuil van illegale stortplaatsen ophalen om voordelig aan een volle tank te komen. Dit zal de regering niets kosten omdat de overgebleven accijns makkelijk de kosten van het benzine stationnetje zal kunnen dragen.
Verder moet Selikor bij plaatsen waar stiekem vuil verspreid wordt gestort , zoals langs de weg naar boka Kanoa, een oprit maken met daaronder een open oude truck met bordjes stort hier uw vuil. De chauffeur van de truck zal dan aan de persoon die vuil stort een bon geven voor een halve tank benzine bij de benzine station bij de landfill en ’s avonds de truck naar de landfill rijden om het ’s morgen rond 10 uur weer op zijn plaats te parkeren. Een halve tank om te stimuleren dat de vuilstorter niet met een lege truck naar de landfill rijdt. Het verspreid storten op minder zichtbare plekken is het grootste probleem voor de opruimers.

E idea aki ta genial pa dos motibu: 1) E ta rekonose ku tur e kampañanan di e ultimo 30 aña pa konsientisá komunidad tokante tiramentu di sushi inlegal no a resulta. Foi chang’e porko te na E Bon Yu di Kòrsou. 2) E ta duna e tiradó di sushi un rekompensá financiero mará na e tiramentu di sushi. Mas sushi bo tira afo, mas grandi bo rekompensa. Pues ta kumbini bo tira na landfill i no den mondi. ford_your_ideas_main

No tene miedu di aportá

Dikon mi ta bisa asina?. Ta pa motibu ku mi ta mira hopi hende kreativo kanando rònt ku ideanan bunita, inovativo i bon pensá sin ta hasi net net nada ku nan. Mi ta kere ta e kultura di miedu ta dominá. Dios sa kuantu idea genial i innovativo a drenta santana paso defuntunan tabata tin miedu di loke otro hende lo a pensa di nan.

No tin tempu pa perde, aportá awe mes!.

 Ki idea abo tin pa frená sushedat riba Kòrsou?

 

Advertenties

Auteur: Endilo Lourens

Un Yu di Kòrsou biba na Singapore ku for di e punto di bista personal lo kompara e situashon di Singapore ku esun di Korsou indikando di un manera positivo e lesnan ku Korsou por siña y ehekutá pa drecha e kalidat di bida di Dushi Kòrsou.

6 thoughts on “Un kuaresma diferente: Part 1 – Un Kòrsou Sushi”

  1. Estimado lektor. mi idea ta pa futuro serkano di nos hoben nan ku ta schoolverlaters o desemplea.
    Kreando e oportunidad pa hoben nan presenta nan motivashon dikon nan lo ke ta parti di un Korsow limpi i alaves parti di un kompania ku ta resikla tur tur kos, e kantidatonan ku wordu selekta lo por wordu eduka den e ramo aki
    for di fundeshi te ku dak. Una vez ku e kompania ta produsiendo por saka produkto nan pa uzo lokal i alavez lo por eksporta e derivadonan di e materialnan.
    E resultado a largo plaso. Un Korsow mas limpi, menos desempleo i al mismo tiempo un area nobo empresial pa hoben nan ku kier studia i traha pero ku pa un of otro motibu a perde nan oportunidad pa desarolla nan mes komo un obrero ejemplar. I no lubida tur lokual ku exporta ta trese divisas siempre en kuando e ta honestamente maneha i atministra.
    Mi ta konsiente ku tin projekto den e area di resiklage kaba, kisas lo ta bon pa buta mas enfasis pa nos hoben nan den e area aki.

    Kiko a para di e kampaña resikla pa spar ??

    http://extra.cw/news/2012-11-01/Lokal/KAMPAA_RESIKLA_PA_SPAR_BOU_DI_SKOLNAN_UN_EKSITO_KU.html?print=1a

    Liked by 1 persoon

  2. Positivo.
    Mi idea ta lo siguiente. Consientisa e pueblo tokante recycling di sushi . E por di diferente manera. Por kuminsa na skol nan, dus nos muchanan . Laga nan verzamel papel y plestik. Y splika kuantu kos por hasi. Asina indirectamente nan ta hasi nan mayornan konsiente . Splika kiko ta e gevolgen di un Korsou limpi. P.e. ku limpiesa ta atrae mas turista pa nos Isla.

    Liked by 1 persoon

  3. Konsientisá e ju di Korsou pa bai supermerkado ku nan tas i si nan no tin unu nan por kumpra un saki di papel na kassa. Un forma di resiklá. Si Gobiernu no tin e guts pa prohibí e sakunan di plastiek nos mester kombati nan di e manera aki.
    Konsientisá e transportadó di sushi ku ta laga mitar bula bai riba nos kajanan mester tapa nan sushi ku un nèt of tapol.
    KONSIENTISASHON ta e magia pa kombatí e problema aki.

    Liked by 1 persoon

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s