Hopi Antiano tin ‘schuld’


Sintá den trein bayendo kas mi a topa un Kurasoleño ku tin 26 aña bibá na Hulanda. Ami ku no sa ken e mener aki ta, a keda asombrá. Trein tabata yen i el a kuminsá un kombersashon ku mi. For di nos kombersashon mi a saka un punto ku mi tin ku kompartí ku bosonan. E mener di:

Hopi Antiano ta den debe grandi akinan. Antiano ta gusta hasi grandi p’esei. Tin hopi Antiano ku ta na ‘voedselbank’ akinan. Nan ta tuma kuminda pa nan por keda na bida. Bo ta mira ami aki, mi no ta tuma nada si mi no tin sèn pa paga. Bo ta bai tuma kos despues bo no por paga, deurwaarder ta kla pa yega bo porta. Tur kos ta kaba na deurwaarder akiriba. Hulanda di ántes tabata hopi bon mes. Bo no mester a paga pa kabel, awor aki sí bo mester paga pa bo por haña kanal pa bo wak. Awor e lugá aki ta un sistema hinka den otro pa pone bo kai den debe. Bo mester ta fuerte. Tambe bo tin e Antianonan ku ta biba malu, ku ta hunga grandi. Nan ta bai Karnaval na Kòrsou, bai aki bai aya, ora nan bin bèk nan ta blo bashí. Òf bo mes sa nan ta kònkel kònkel, fia serka hende pa nan por bai. Pero serio, e lugá aki a daña hopi hende”

– esaki ta loke e mener a konta ami

E mener aki, kual mi a lubidá di puntra su nòmber, tin rason na hopi kos ku el a bisa. Naturalmente no ta Antiano so ta haña nan konfrontá ku e problema di traha debe. Pero mi ta bai splika dikon ami ta pensa ku hende tin e posibilidat di traha debe fásil.

Awor aki nos ta biba den un mundu ku luxe ta na promé lugá pa mayoria hende. Nos kier:

“E mihó telefòn

Kèts nobo promé hende

Kas mas grandi ku mi amiga

Bai fiesta ku mihó dress pa impreshoná otro Antiano

Nos hende muhénan kier ta Beyoncé

Hòmbernan kier ta Lil Wayne”

Shonnan e kosnan aki no ta kai for di shelu pa abo si bo no traha duru pa yega na nan. E artistanan ku nos ta sigui i kier ta manera nan, nan a traha duru i tabata tin suerte pa yega kaminda ku nan ta aworakí. Ami ta pensa ku mester stòp di biba den mundu di fantasia ku media i moda ta pusha nos aden. E telefòn ku bo kier bo no tin sèn awor aki pa kumpr’é, spar òf warda te ora bo tin e. Debe ta hinka bo den un buraku ku hopi biaha bo no por sali afó.

Klaro ku tin biaha no tin otro manera i bo mester fia pa bo por yega na bo kosnan. Pero e orei bo ta traha debe pa nesesidat, no pa luho. Esei ta e diferensia. Mi sa ku ta difísil pa keda pensa asina den un mundu ku tur kos ta bai asina lihé i abo tampoko no kier keda atras. Pero kiko bo ta preferá; drumi anochi ku yen problema na bo mente paso bo no sa kon paga i deurwaarder ta bin kue tur bo kosnan òf drumi trankil paso bo sa ku bo a paga tur kos? Mihó bashí i mi por drumi trankil anochi.

Studiantenan paga tinu, paso esaki ta un di e pakiko studiantenan no ta logra na Hulanda aki. Nan ta haña nan ku debe ku nan mester stòp ku nan estudio i te asta nan ta haña nan purá ta bai nan pais bèk.

Mi intenshon no ta mustra dede riba ningun hende. Nos tur por haña nan nos konfrontá ku debe. Buska semper un solushon promé ku bo mester yega na e desishon di traha ‘schuld’ riba bo nòmber.

Ku Amor,

Richailine Elisa

Attachment-1

Advertenties

14 thoughts on “Hopi Antiano tin ‘schuld’”

  1. Pabien ku abo komo hoben por pensa asina. Y tambe e manera ku bo ta formula e problema ta hopi bon. Kon bin ku abo sa tur e kosnan aki. Mare tur hobennan por a pensa asina. Bo ta un ehempel positivo. Mi ta spera bo por inspirá hopi hende rondo di bo.

    Liked by 1 persoon

  2. I reflekta, opserva: no ta e kosnan of e biahanan ku ta hasibu felis. O.K. un ratu kortiku so, semper mester bini mas, i mas i mas … . Solamente bo kurason profundu por bisabu e kosnan ku ta hasibu felis pa semper i sigur sigur no mester di krrea debe pa nan. Stop di biba pa otro hende, biba bo mes su bida uniko i magnifiko! E ora ei bo ta duna universo un chens pa kopera!

    Liked by 1 persoon

    1. Schuld di duo no ta un reden pa tuma shuld pa bijvoorbeeld un auto of tv nobo. Bo por mira shuld di duo meskos ku un fianca pa tuma kas. E ta un shuld ku kasi tur hende tin pa un miho futuro.

      Liked by 2 people

    2. huld di duo no ta un reden pa tuma shuld pa bijvoorbeeld un auto of tv nobo. Bo por mira shuld di duo meskos ku un fianca pa tuma kas. E ta un shuld ku kasi tur hende tin pa un miho futuro

      Liked by 1 persoon

    3. Hopi antiano tin laga nis bisa studi schuld.ta claro cu si Nan no por paga nan kamber nan school i nan boekinan icuminda panja sapato jas si Nan no tin trabao.
      Anti no lubida cu Hulanda ta na bo sens pero e ta kits dobbel back. Esei ta in sistema pa tene bo abao. Nan sa cu ora bo kaba di bai skool bo ta traha anti asina nan ta exigi bo plaka back no ta importa nan cuantu los bo tin di paga

      Liked by 1 persoon

      1. Tambe manera radio di Hulanda ta bisa de mafia is Nederland binnen gedrongen. Si bo no por paga bo debe nan anti e ta bai incaso e debe ta bira grandi despues e ta ba rechter e debe ta subi atrobe. I in debe cu ra 100€ a bira 700€.esaki ta stile di ladronisia cu e gobierno Hulandes ta permiti. Esaki ta kosnan cu mi mes a pasa aden

        Like

      2. Ami a hanja mi cu ladronisia di e tele2 cu a duna mi in abonnement pa 5€ door cu despues mi tabata tin di paga 100€pa luna door di bel mentu ma sera e telefoon. Pa mi no mester paga mas ma korta e kaartji tira afo ma stop e abonnement ba telefoon plus schriftelijk dus cu in carta mi ta batin e abonnement basta anja mi por stope ki ora mi je. Pero nan a keda manda papel pa mi paga ma paga in bez mas pa lastu biaha. Nan no kier a stope ami a stop di paga nan i asina ma hanja mi cu incaso rechtzaak cu mi mester a paga 400€ mi no a page nan a kita 1000€ foi mi inkomen. Ta pesei mi ta bisa e rechter nan tambe tin nan malafide praktijken anti advokaten des duivels den hulanda .anto despues cu mi a kere mi ta kla cu tele 2 cu rechter a laga nan kita 1000€ nan a bolbe manda in acept giro di 100€ pa mi kaminda mi no tin abonement mas serka nan . E ora ei ma manda in kaarta skibi riba e envelop aan de hoeren zonen van tele 2 ma manda bisa nan si Nan misji cu mi sen in biaha mas mi ta bini cu mi Martin klaba nan kabez. E ora ei ma hanja in hende
        di instancia a bel nan para nan te awe mi no a tende mas di nan paso sigur lo ma bai sera pe joegi di putananei despensami e palabra ei paso ta diabel nan ta pero in dia nan lo kima den fierno pa Nan maldad nan. Awel nos debenan ta bini di inhusticia hopi los mas ta pesei si mi tin di bai corsow laga debe mi ta hasie paso e contentu cu mi a pasa na corsow nan no por kita foi mi. Anti ora mi bai keiru korsow ta ku mi plaka. Nan ta horta mi aki banda mi ta bai korsow bi goza of nan ke mi keda den e fierno aki i bira di kabez bai psychiater. Hulanda je hinka nos toer den kaminda di problema paso ta hinter hulanda tin e problemanan aki rechter advokaat incaso b.deurwaarders een pot naat. Hulanda malafide praktijken. Vroeger een paradijs nu een plaats voor rovers…….

        Liked by 1 persoon

  3. Bo ta traha pa paga aki na Hulanda. Mi mes ku a nanse akinan a kumisa kansa di paga net ora bo ta kere bo ta sobra un bon sen pa bo hasi algu pa bo mes (no pa hende) tin algu ku bo tinku paga. Maske bo traha hopi duru pa bo sen kon ku para nan ta buska algu pa tuma e sen ‘di mas’ ku ba kobra. Ta asina Hulanda ta. Mi mes ta pensando pa bai biba Korsou maske ku ma nanse na Hulanda. Mi no ta keda stranjo mes dikon hende ta hasi malu pa traha sen!

    Liked by 1 persoon

  4. Studielening ta un servisio di gobierno ( = belasting = pueblo) pa yudabu realisa bo sono mas lihe. Asina bo por mir’e. Ami a kuminsa studia mas lat, anto mi no a hana studiefinanciering i mi a paga tur kos mi mes (a studia part time, traha part time. hopi mas ana anto).

    Liked by 1 persoon

  5. Aki na hulanda e abusu di mas grandi ta ziektekosten verzekering, tur anja e ta subi, e eigen risico tambe ta subi, anto ora bo bai dokter majoria remedi ta bo mes tin ku paga, mi ta hanja e kos aki inhusticia, vooral ku hende ku no tin hopi inkomen y hende grandi ku tin hopi kwalen, e hendenan aki no tin kompashon ku ningun hende, tristu

    Like

  6. Loke ku bo a kaba lesa aki ta un berdat amargo ku hopi antiano ta pasa a den. Ta pa e motibo aki nos a lanta e hulpverlenner bedrijf aki. Hopi biaha e taal ku kos ta wordu bisa ta un di e dificulta nan mas grandi.
    Silberie Budget Beheer ta papia bo idioma. Pa un scan di bo debe nan y posibilidad na email nos na
    silberiebudgetbeheer@gmail.com
    Pa un afspraak of jama 0614897318.
    Nos no ta priminti bo shelu ku tera, pero si un solushon pa bo por paga bo debe nan. Por ejempel, un plan di pago, un plan di salida di sen pa luna y un plan di spaar.

    Like

  7. Ma lesa e kosnan.
    Foi otro bo kaba skol di korsou bo tin debe.
    Ami a kana eligia martier m.b.o. ku succes.
    Na 3 jaar deurwaarder na mi porta pa e 3jaar ku mi a bai skol na korsou.
    Ssc a splika duidelijk ku si bo bai over bo no tin ku page bek.
    Esei ta punto 1.

    Punto 2.
    No ta tur antiano ta mesun kos kuente kumpra kos karu enz manera ma lesa.
    Bo ta subi ku beursalen esei ta debe kaba.
    Ora bo jega foi bo 800euro bo tin ku paga lesgelds foi dje 250euro.
    Bo tin ku paga awa i lus i koriente.
    Verzekering ku zogenaamd ssc ta bisa e ta paga via bo sen.later bo ta hnja bo ku cvz ku ta bisa bo no ta verzekerd.

    Dus eynan antiano ta hanja schuld.
    Logisch ku studentnan tin debe.
    E dhr ku ta den bus of metro ta papia.tin antiano bobo i tin antiono ku sin bo pensa bo ta jena ku debe ku mal informashon di ssc.

    Ami no ta ganja mi ta biba na hulanda mi tin 100.000 i bo bai wak ta studieschuldnan i lesgeld.
    Ki delitu di ganja e studiantenan ku hulanda ta bon.
    Hulanda ta bon si bo no bin ku ssc i bo tin ku paga bo mes skol .
    Kon di sollicita.
    Kuminsa pidi uitkering.laganan yuda bo ku bbl.
    Ja bo ta kaba skol.
    Ja e trabou ta kita e sen gelijk i dunabo sobra.

    Ssc mes ku a hinka aden no por sakabo.
    Depsues bai wak gemeente na. Ta bisa bo tin te weinig inkomen pa nan juda bo.
    Despues nan mes ta hinka bo den bewindvoerder.e bewind ta hinka bo den mas debe i keda sin. Paga kas i nada.
    Kon bosnan ke pa antiano biba na hulanda bo .
    Ku anntiano ku antiano ta desea i ta bringa otro.

    Ta pp koi voedselbank.eynan e kos ta kuminsa ku antiano mester tuma voedselbank paso ora nos cultuur kaba di pompa nos mes.den ken nos tin ku bai pidi den voedselbank.
    Si no bo ta kuminsa horta i hasi jen kos ku bo no ke hasi.

    Turesting ku bo ta biba bon bon den kas di bo mayornan .nan ta bisa ku i.f.e tabata tin problema financia.wak awor.
    Tesei e pais korsou mester keda bringa otro.
    Wak kon e makambanan ta biba .
    Nos ta manera un slaaf pa nan.
    Ta durf buta un topic tambe ku bo ta sinta den trein of metro of bus.

    Like

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s