Mama kontra Tata


Imaginabo un Kòrsou den un situashon di emergensia médiko terribel. Un epidemia ku ta afektá muchanan di Kòrsou lagando mitar di nan sin man o pia prome ku nan kumpli 16 aña di edad.  Unda ku bo bira tur hende lo papia di dje. Den korant, na radio i televishon tin un avalancha di informashon kiko tur por hasi pa evita ku mas viktima lo kai. Komunidad kompletu lo yuda pa mitigá e efektonan i purba para loke ta pasando sin kousa mas daño.

ArgumentE epidemia aki ya ta eksistí. Aunke ku e no ta visibel manera perde un brasa o pia, mas ku mitar di muchanan yu di Kòrsou bou di 16 aña ya a sufri daño emoshonal ku lo laga nan marká pa restu di nan bida. E epidemia ta e kiebro di relashon o separashon entre mama ku tata. No spesífikamente divorsio paso ya hopi pareha no ta kasa mas prome ku haña yu. E viktimanan ta e muchanan ku ta bini for di e relashonan aki.

 

absent

Drenta kualke skol secundario i puntra e muchanan lo siguente: Bo mayornan a separá o divorsia ora bo tabata chiki? Bo mayornan a bringa pa “voogdij” di bo i bo rumanan? Un di bo mayornan a trata na ponebo bai kontra e otro mayor? Bo a pasa mesun tantu tempu (equal “quality time”) serka o bishitando bo mama i tata? Un grupo grandi por kontesta SI riba pregunta 1, 2 i tres. Lamentablemente aparte ku e kontesta riba e delaster pregunta ta diferente, muchu mucha sa tambe kiko ta nifiká ser tratá komo un pion den e guerra entre nan mama i tata.

Hold on

Kòrsou tin hopi tata ku ta faya mi no ta ninga esey, pero tambe tin muchu mas tantu mama ku ta trata na skòr punto i denigra e tata usando e yu ku nan dos a traha. Si bo duna tur e mamanan aki un machete i mandanan kap un brasa di nan yu kita afó, nan lo ninga. Pero tòg hopi di nan ta kontentu pa amputa nan mes yunan emoshonalmente djis pa deprivá e tata e plaser di ser tata. Nan kièr mira e tata roga nan pa e por wak su yu. Ku nan sentimentunan vengativo nan kièr forza e tata pa atmiti nan presencia ora ku e tata simplemente kièr kumpli ku su deber i pasa tempu ku su yunan. Nan no kièr aksepta ku e homber a “move on”. Paso nan mes a keda pega den pasado nan lo keda purba chantagiá e tata i chike ekonomikamente pa medio di e muchanan.

E la bisa e tata ku e fiesta pa e yu ta na Cas Abou, pero ku e tata no por bini henter e fiesta sino e ultimo ora so. E tata sin koi kareda a pidi un amigu hibe na orario stipulá. Ora e la yega ku regalo bou di brasa a resulta ku niun hende no tabata tey. Después di 3 yamada e mama a kontesta i bisa na bos haltu: “E fiesta ta na Caracasbaai,” “Bo ta mira ku atrobe bo yu no ta prioridad” “si bo no yega aki den mei ora, mihor bo no bini mas!”

E mucha, tur otro mucha invitá mas tur e amiganan di e mama a tende i forma nan opinion di e homber!

DIVORCE-KIDS-

Ta tristu pero berdad ku divorsio ta laga hopi tata pará na rant di un abismo. Hopi ta kai aden i tin ku e mama mes ta pusha. Nunka mas e yunan ta miranan bèk. E mama tin tur poder. Wes por dikta kiko ku e kièr, pero si dia ku e muchanan mester bai serka nan tata e mama bisa ku e muchanan ta malu o ku nan no kièr mira nan tata, no tin nada ku Wes por hasi e momento ey.   Ta difisil pa kue e mama será. Pero kisas a yega ora pa un wes hasi esaki i asina manda un señal pa tur sobrá ku ta hunga e wega horibel aki.

family-divorcedivorce-

E úniko víktima di e komportashon aki ta e muchanan.

Si resulta ku bo no por keda ku e kasa o partner, no lubida ku pa semper bo lo keda un mama o tata!

 

Advertenties

Auteur: Endilo Lourens

Un Yu di Kòrsou biba na Singapore ku for di e punto di bista personal lo kompara e situashon di Singapore ku esun di Korsou indikando di un manera positivo e lesnan ku Korsou por siña y ehekutá pa drecha e kalidat di bida di Dushi Kòrsou.

One thought on “Mama kontra Tata”

  1. Nos a diagnostika e malesa, menshona tur su sintoma nan. Pero ke ubo di e remedi? Kua ta e solushon pa e kasonan aki? I prinsipalmente, ki dia nos lo kuminsa traha riba nan?
    Lo ta great di lesa un blog ku algun posibel solushon. Asta si ta algun solushon komiko. Nos hende muher nan ta fuerte, pero nos mester kuminsa husa e forsa ey den un direkshon positivo pa kaba.

    Like

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s