Muri dos biaha


Djamars 17 di mart 2015 

Nos ta selebra bo 75 aña. Maske bo no sa mas ken mi ta, tòg nos ta pasa gezellig. Bo tin simanan kaba sin ta papia pero m’a diskubri ku bo gusta skucha golden oldies. Dùs tur bes ku mi tabata bishitabu, mi ta bai riba You Tube i skohe un di bo kantikanan. Mi ta kòrda antes bo tabata gusta Chances are di Johnny Mathis. Un kantika di bo tempu komo tinager. Bo no por kanta e palabranan mas pero bo ta neuri e melodia sin ningun problema. Nos ta pasa hopi great. Prome ku mi bai kas, semper mi ta duna bo un man. Bo tin hopi forsa, maske bo kurpa a bira hopi flaku. E zùster ta bisami: ” Nelson, tiene aun mucha bida.” Mi ta hasta pensa un ratu: “Joh, wie weet overleef je ons allemaal. Zo sterk ben je nog.”

Djarason 15 di aprel 2016 

Un aña a pasa asina lihé. Ku mi mente mi sa ku ta bèrdat. T’ami kurason ta kore patras. E ta keda wanta na kosnan ku no tei mas.

Djamars 14 di aprel 2015

Mi ta sali trabou, nòrmal mi ta pasa semper un ratu serka bo, maske ta pa 15 minüt so. Awe mi ta hopi kansa. Ora mi kore banda di bo “kas”, mi logika ta konsehami di bai kas deskansa. Mañan bo ta pasa serka bo tata atrobe. Un dia sin bai no ta nada.

Djarason 15 di aprel 2015

Mi ta pèrdè ariba. Mi alarma di telefon no a bai. E bateria a baha. Straño? Mi no a kargé ayera henter anochi? Anyway, mi no tin tempu pa deliberá, mi ta fastforward p’ami yega maske ta na un ora desente na mama su kas. Mi ta hibé skol tur mainta. Ora ma rùsh yega na su kas, mama tabata sinta den balkon. Dimes, e ta wardando ribami. Mi ta baha pa yuda kue su tas di skol. “Bèl Jarrod!” T’ami mi ruman. “Dikon?” Mi no ta haña su petishon masha handig aworaki. Nos ta super lat kaba. “Bèl Jarrod. Ta algu tokante boso tata.” Mesora mi ta sinti un klòmp den mi stoma. Mi sa gewoon. Bo no tei mas.

10653815_945751005454286_5359124706187807194_n
I’ll never let go #ripnelson
E prome biaha ku tata a lubida ken mi ta, mi no a sinti nada. Somewhere m’a pensa ku su perdida di memoria tabata algu temporal. Pasó kon bo tata, un hende ku a lantabo, kuidabo, yudabo, stimabo, por lubidabo? Ondenkbaar, e tempu ei p’ami. Segun tempu ta pasa, m’a bin realisa ku di bèrdat, e tata ku ami konose, no tei mas. He was gone. I den mesun rosea, niet echt. Pasó ata mi por a papia kunele, mi por a brasele. Solamente e no tabata sa ken mi ta. Esaki tabata mi prome moarning. P’ami mi tata a muri. Levende dood.

Danki Dios p’a Alzheimer Nederland ku mi por a buska informashon tokante e malesa aki. Mi por a dil ku mi prome doló p’a asina mi kuminsa traha na un rei di memorianan nobo ku un tata demente. Mi ta gradisidu na e momentu presiosonan aki, pasó hopi no ta haña chèns pa wak nan ser keri prome nan dispidi di nos. I was lucky. M’a haña un chèns mas pa rekonekta ku mi tata.

Dikon mi a komparti e parti priva aki ku boso? Pa dos motibu. Promé mi ke enkurashá tur famia ku un ser keri ku Alzheimer, p’a bo no keda lamentá ku e persona no “tei” mas. Te ainda nan tei, huntu kubo riba tera. Bishitanan, buska algu ku boso por konekta kunele. No tene berguensa. Berguensa lo strobabu di forma un relashon nobo ku bo ser stimá. Traha bo memorianan nobo, huntu.P’ami tabata nifiká müzik, dia mi tata a stòp di kana i papia. Semper tin algu ku lo bo por hasi huntu atrobe.

Di dos, mi ke pone e zùster di Stichting Hamiëd na Brievengat in het zonnetje. Mi no ta kòrda bo nòmber, pero semper bo tabata amabel i positivo. Pa yunan (famia) ku ta di bishita, esaki ta algu sumamente importante. Pasó ya e situashon ta hopi tristu kaba. E ta yuda ku tin zùster i brudernan ku ta hasi nan trabou ku hopi amor.

Si bo ke sa mas informashon, bai riba Stichting Alzheimer Curaçao.

Happy Sunday!

Nef

 

 

Advertenties

Auteur: Nefferth Bernadina

www.mode-plus.com

One thought on “Muri dos biaha”

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s