Mi mama su bèrdat


Na mi mama stimá,

Ku awa na wowo mi ta skibi e karta aki. Ya mi a purba 2 biaha pero emoshon a pone ku mi no por a sigui. Manera hopi di mi rumanan mi ta sinti un doló inmenso mirando mami su situashon aktual. Mami no ta e mama ku mi a lanta den kas kune mas. Situashon a kambia por kompletu. Na kas mi ta sinti falta di mama su norma i balor nan, e rèspèt pa ku otro ku mama a soru pa kada un di nos balorá, e union ku tabata reina den kas. Na final di kada bishita mi ta yena di emoshon. Ora mi mira mi rumanan destaká na kas i internashonal mi no por keda sin pensa kuantu mas lo a lográ si nan lo a haña bo bon guia?.

Credit: Elis Juliana
Credit: Elis Juliana

Lantando den kura di kas ku 5 tanta no tabata solamente plasentero pero tambe un tabata yuda otro i huntu nos tabata fuerte.  Despues ku mama a reklama ku e otronan no ta kontribuí mes tantu ku nan ta kosta, tur hende a skohe pa nan mes. Nos no ta kompartí un entrada di kura mas, tur hende a lanta muraya haltu pa tapa bista di otro. Mester traha sita ora bo kièr bishita otro. Foi dia mama a drenta e hospital nobo aki, niun di nan no ta interesá pa bishitá. Tur ta wak pa nan mes.

Credit: Google
Credit: Google

Mami, sintá na rant di bo kama mi tin bo man tené, mi ta sinti kada batí di bo kurason. E ritmo ta asina hanshá ku mi kurason ta bati sam sam ku dibo. Ni maske kiko pasa, mi ta primintí di nunka laga bai. Na pia di bo kama tin masha hopi raport kologá. Resultadonan di tur e dokternan ku a examiná bo, kue sanger manda laboratorio i preskirbi un remedi differente. Mi mama stimá, mi sa ku bo no tin forsa pa lesa tur, pero ami tin un bon ratu sintá akinan i mi a probecha lesa algun. E situashon ta hopi kritíko. Mama, e kanser ta plamando. Poko poko pero sigur. Un di e dianan aki unu pa unu mama su organonan lo kuminsa faya. Esaki lo pone mama enfrentá un final hopi doloroso te ora ku e kurason bira friu i e selebre stop. Mami, bo yunan sa kiko mester sosodé pa skapa loke por skapa. “Chemoterapia” ta e úniko solushon. Diferente dokter ya a spliká ku esaki ta e uniko tratamentu ku por eliminá e malesa . Loke ta duelmi mas ta ku mi rumanan no por uní pa tuma e desishon aki. Tanten nos ta diskutí kon pa kuminsa e terapia o ken tin ku paga e tratamentu, mami su estado ta sigui bai atrás. Mi kièr mira mas bida den mama su dianan enbes di mas dia di sufrimentu den mama su bida.

Mama mi ta keda karga e speransa ku bo lo pèrdona mi pa kontabo e bèrdat. No ta kièr mi no kièr, ta por mi no por skonde esaki mas.

Un bista den bo pasport ta kordami bo nomber kompletu. Kòrsou “Isla de los Gigantes”. 

Mama Kòrsou, djadumingu nos lo selebra dia di mama. Bo yunan ta yorando paso no tin niun motibu pa selebrá.

Bo yu (Yu di Kòrsou)

Advertenties

Auteur: Endilo Lourens

Un Yu di Kòrsou biba na Singapore ku for di e punto di bista personal lo kompara e situashon di Singapore ku esun di Korsou indikando di un manera positivo e lesnan ku Korsou por siña y ehekutá pa drecha e kalidat di bida di Dushi Kòrsou.

6 thoughts on “Mi mama su bèrdat”

  1. Emberdat, mientras nos ta preokupa ku nos mama, mientras nos ta lucha pa nos mira nos mama korsou mas miho, tin otronan ku ta bin djafo bin chika nos mama su plaka chemo, bin kier tuma kontrol riba nos mama su patrimonio.

    No ta nos mama su falta ta e yunan mal kria ku nos tin ta yuda hiba nos mama mas atras. Min por bisa ku nos mama ta mal mama i bon madrastra. Paso un ta su falta. Ta falta di e yunan sin berguensa ku e tin ku ta pretende ku ta nan tin ku dirigi su bienesnan, ta nan tin nos den e buraki aki.

    Mientras abo ta kobra boshi plaka sinta na kas ku 2 of 3 bewaker na bo porta bo no ta sinti e dolor di bo rumannan ku si tin ku enfrenta e dolornan di tur dia.

    Hai mi mama den bo dolor mi tin ku puntra bo di unda e yu porko, malkria, sin berguensa pa plaka nan ey a sali? Ta for di chiki nan tbt horta mangel fir di boka di nan rumannan mas chikitu asina?

    Like

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s