Spik awe, slag mañan !


Eksamen sentral a kuminsa djaweps ku a pasa aki na Hulanda pa tur hoben na skolnan sekundario. Te fin di mei, ta sodamentu tin. Pa alumno. Pa mayor. Pa dosentenan. Pa e prome grupo ta nan delaster teket rumbo pa nan independensia. Despues ku bo slag, nòrmalmente bo futuro ta na bo pianan. Habri, p’abo yené manera bo ke. Sea bo ta bai studia òf bo ta bai traha. Of whatever. Pa e di dos grupo, ta un di e milestones den e bida di nan yunan. F’oi di nan promé stap, nan ta dokumentá i koester momentunan ku nunka mas lo bolbe bèk. Pa e di tres grupo, ta un momentu di midi lokual a invertí tur e añanan promé. Wak, na mi skol mes, ta henter un handleiding tin rònt e periodo di èksamen aki. Mester hasi tur lokual tin den nos poder, pa sòru ku e alumnonan no wòrdu molestiá. Tjin tjan kos nan konsentrashon a kita. I nos persentahe di slag ta aangetast. Mi mes no a para ketu, kuantu organisahon ta eksistí. 1996 no ta om de hoek mas.

Binti aña pasá, mi tambe tabata den e bankinan na voormalig PSC (Kolegio Alejandro Paula). M’a drùip e aña promé, pasó ma balota e èksamen. M’a pensa: dat doe ik wel ff. Strike! Niet dus. Reality check mesora. Anyway, mi no ta kòrda ku e organisashon tabata asina reglá, manera mi ta mirando e delaster añanan. Mi ta kòrda hasta den barak(klasnan riba blòki semènt patras den kura), nan a laga nos traha èksamen. Kalor inmenso, pasó no tabatatin fèn. I hopi zonido dor ku e bentanan i porta mester a keda habri, pa niun hende kai flou mei mei di prueba. Pero un kos si, skol no tabata hasi wega den dje. Esaki tabata reglá tot in de puntjes. Ta pa niun hende spik.

anti-cheating-boxes
Credit Images

Wie spiekt, krijgt een 1 !

Spik, kijk af, lur riba e papel di bo bisiña t’e bo wowonan bira skil. Ta tin alumno ku tabata master den e ‘arte’ aki. Jùist pasó skol tabata asina streng riba dje. Tende, ta yen forma m’a yega di mira. Henter un buki, skibí riba bèl di pia òf kualke otro parti di bo kurpa. Skonde buki òf anotashon den toilèt. Hinka spiekbriefjes den bo (pèn) Parker. Tempu ku tabata por ainda, bèl famia na Hulanda p’a bo haña sa kiko nan a puntra den e prueba. Tabatin alumno ku tabata mira spikmentu, manera un spòrt. Un reto, pa wak kon leu nan por yega sin ku dosente gara nan. Ami mes, tabata muchu kobarde i nerdy pa purba algu asina. Mi tabata mas un spektador ku partisipante.

I abo, bo tambe (ta) tin triki pa spik? Of bo tabata mas Sheila sinta mira? Share bo spiekverhaal kumi. 

Happy Sunday!

Nefferth

Advertenties

Auteur: Nefferth Bernadina

www.mode-plus.com

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s