Basta di hasi drùk!


Bo sa mi tin basta dia ta sinta analisá e situashon di nos komunidat na Korsòu aki. 

Nos ta un isla chikitu i bo ta nota esei na nos bibá. Bo jega un kaminda mester tin un hende ku konosé un hende ku konose bo of bo konosé bèk. Nos ta racha tur wikènt na mes un kaminda nan, nos tur ta chill na mes un truk di pan en fin mayoria bia nos ta go with the flow. 

E yegada di internèt lihe i smartphone a trese nos mas serka di otro. Bo por imagina bo tambe ku den un komunidat chikí manera Kòrsou ta un bes bo ta konektá ku tur hende. Bo ta sa drechi tur hende i tur hende ta sa drechi dibo. 

Pero un kos ku a kuminsá iritá mi e ultimo tempu aki ta e fenomeno di hasimentu di druk online. Ki mi kemen ku esei? 

E ridikules di broma online den diferente manera pa sea haña atenshon, lanta sensashon of hende haña duele dibo. 

Aki ta sigi un kompilashon di e iritashonan di mas grandi ku danki na internet a pone mi realisá kon ridikulo nos por ta. 

Kondolensia 

Un famia of ser kerí a fayesé i bo tin doló. Bo ta share algu sentimental pa kubo ser kerí i hende ta nabo support i ta ponebo sinti bon. Mi por kompronde esei 100%. Pero un artista ku di baina bo konosé un piesa di dje, ta dal abou muri. Bo ta kla pa skibi RIP, mi tabata fantiko grandi dibo….oh ki dolor. Basta di hasi ridikulo! ku e hende a fayese ta komprendibel pero bo no ta ni famia ni konosí. 

Bario pa bario….

Esei ta Kòrsou!!

Nos tur despues di nase den   St.Elisabeth,Kraam kliniek i Advent ziekenhuis a lanta den un bario. Algun di nos den barionan humilde i algun di nos den barionan poko mas previlegiá. Pero despues ku nos a sali foi kai mamai nos tur a skohe pa biba un kaminda ku nos ta sinti nos bon i na kas.

 No ta tur hende por affort di por biba den Sunset Hights, Girouette i Coral Estate. I pesei tambe niun hende no ta interesá den kua bario bo ta biba i kiko ta sosode eiden.  Esei no ta hasibo ni mas ni menos. 

Si bo ta biba na Montaña no tin nodi kambie hasie Cas grandi Zuid. Of si bo ta biba Tera Kòra no tin nodi bisa ku ta Grote berg naast. Mi kemen si bo ke reklamá of menshoná algu riba facebook tokante bo bario bisa precies gewoon ta kwa bario niun hende lo no tumabo na malu. 

E ala di manteka.

Ku e jegada di facebook i instagram  ,hopi di nos a jega serka di bida personal di hopi celebridat, artista i millionarionan. Aparentemente nos a realisá ku nos bida ta poko laf i ku nos tambe ke kompetí. Nos mester tin auto nèchi pa broma kuné( pero su tanki ta mas empty ku full) . Nos mester show outfit of  the day nobo ( pero e label ta keda pegá pa nos hiba bek). Algun di nos a asta lubida ku tin wasmashin i nos ta burla di esnan ku ta ripití nan outfit. Nos tin ku broma ku nos mesa den VIP, pero nos frishidel na kas ta mane laman ( awa so tin). 

Ban live.

I por ultimo e baimentu live. Foi dia facebook a pone e bendito kònopí ei tur hende ta sinti nan asina importante di ke bai live. Si bo tin algu importante kubo ke kompartí ku nos live, dal bai! lo ta leuk pa nos wak. Pero no bai habri e koi sin motibu, no ta interesá nos kiko abo ku Deka ta papia of ku bo ta kobando den nanishi. I pa di dos wak rondo dibo prome bo bai live. Nos no ke mira dròl di pupu den wc, yu nanishi tur na katara of djòki kologa na waya den bo kamber. Djis stop it.

Bron: http://www.socialmediatoday.com

Mi sa ku internet ta leuk i e ta great pa nos por kompartí tur kos ku otro. Pero prome bo post of bisa algu. Para ketu i pensa. Ta algu ku lo mi a share of hasi den bida real? 

Ban stòp di hasi ridikulo poko, al final tur bèrdat lo salí na kla tòg! 

Advertenties

One thought on “Basta di hasi drùk!”

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s