Hòmbu bon bistí blo bashí


Ku un tristesa profundo mi mester anunsia ku no a sobra masha hòmber na tinu. Si antes nan tabata para komo pilá di famia awe nan ta simplemente un sét di porkeria. Homber sin skol, trabou, na pia, gatiero i mort’i bashí marka “bula bula”. Muhénan ta haña nan mes ta drumi na tur dos banda di kama paso hòmbu na tinu no tin ni awe ni mañana.

Kada bes mi ta keda asombrá di mira kon atras nos hende hòmbernan a bai. Ta mané kos ku a inyekta un virus den nan seleber pone nan pèrdè kunes. Te ku un generashon pasá tabatin palu di machu. Hòmber trahadó i ku amor pa famia.

Na 2016 nos islanan ta pèstá ku kòmkòmber.

Hòmber nasé pa broma so

Si tin algu ku e generashon aki ta bon ta dje anto esei ta broma. Anto broma ko’i loko. Laga nos tuma féésbuk komo ehèmpel. For di leu bo ta ripará nan. “Profile pic” ta modelá outo di amigu, bòter di alkohòl i sigá den man. Tambe tin esnan ku gusta probechá di nan mayornan su debilidat. Hòmbu baka grandi bibá den kas di mama sin pariba ni pabou pa kue. Mamai su penshun ta paga bòter di Moët den diskotèk i ta uza esun di Papai pa pone gasolin, paga “chino” na Veeris òf karchi di telefòn. Den grupo di amigu tur siman riba kaya sakando “selfie” den outo fiá di tanta. Laga nos no brua kosnan den otro. Mi no ta papia aki di hobennan pero hòmbernan ya madurá ku mester ta den otro faseta di nan bida.

Ta falta di mayornan ku “idea”

Naturalmente bo no por tiré kompletu riba 1 persona pero na mi pareser mayornan ta hunga un ròl grandi den e asuntu aki. Tur mayor tin e mihó deseonan pa nan yu. Esei mes ta pone ku kosnan por sali kompletu for di man. Bo ta haña bo ku un mama ku no ta haña niun damita digno di por frei su “prins”. Nan ta eksigí asina tantu lubidando ku nan “prins” mes no tin nada di ofresé. Blo ta puntra e yùfrou di kua bario e ta bin, si e la slag cum laude pa su master i na unda su mayornan ta traha. Aya banda e yu hòmber di 39 aña ta hunga Playstation fo’i mainta te anochi. Su instragram ta kargá ku videonan kortiku ta grita “fòk de kòps” i su soño ta un arma outomatiko pasá den awa di oro. Tur muhé e ta kumindá ku “se” i den fiesta e preferá di zwai ku yabi di outo den man ku pidi un hende pa balia.

Hòmbernan ku a bai sea Hulanda òf Merka pa studia pero a bin Kòrsou bèk despues di 15 aña sin nada. Mayoranan ta sinta gaña ku sea e dosentenan tabatin rabia riba nan yu òf ku “e la kaba masha ten pero e no por haña nada na su nivel”. Tin ta bai asina di leu di bisa ku ta “kos nan a tira” den e yu su ko’i bebe òf ta brua su èks a laga hasi pa strobé.

Bo mes por komprondé ku di e sistema aki nooit van je lang zal ze leven e yu hòmber ei por bin bei.

Si bo paga tinu bon tur kaminda ta grupo di muhé bo ta mira. Ta nan mes ta bai fiesta, balia ku otro i trit otro. E hende hòmber mes ta sea pará den Saliña ku un jug yen di Zulia óf na kas ta bebe sòpi yuana. Mas i mas bo ta tende hende bisa ku riba nos islanan hòmber na tinu a kaba, loke a sobra ta yu di warawara.

Advertenties

9 thoughts on “Hòmbu bon bistí blo bashí”

  1. Oompie Stroopie rason bo tin, anto no esnan di 30 y 40 so pero 60 plusnan tambe cu ta invita bo pa sali y ora nan mester pin nan a lubida pincode. Otro biaha ta bisa bo ta abo tin euro toch?
    Of cara secu ta pidi bo “drecha mi, no”. ” Ki bo a cushina awe?”
    Of ta bisa bo pa topa nan den club djies pa nan no tin cu paga entrada pa bo y nada di treat. Bo ta mira nan texaya banda cu cup den man y nan ta bisa bo ta amigu a treat nan.
    Masha tempu hombernan a bira parlala.

    Like

  2. Hahahaha .rason mi ta duna berdat hopi tin asina anto kiersa ku nn tin ku bin drumi serka bo riba mi kama pa sex ku mi .
    Fuck nn .pesey ami semper a depende di mi mes ku mi plaka den mi saku sali bai unda ku mi kier trit mi ku mi yu na kwa restaurant ku mi kier mi no mester di homber sinberguensa anto bashi pa pompa ku ne.

    Like

  3. Y riba dje hopi di e escrupulanan aki cu hopi biaha ta desespera pa muhe y no por haña ta chinga e marikonan.. Nan ta obliga di bira kwedo di mariko.asta mariko nan ta pidi cen pa chinga.. Esta berguensa..

    Like

  4. Tur loke mi por bisa ku duele nami kurason, pasombra mi tambe ta hende homber, pero hopi di kosnan ku a bin dilanti ta un berdad nos hende homber no por ninga. No laga nos bai diskuti hasi ku nota berdad loke nos mester hasi ta drecha nos image di hende homber nan responsabel bek pan para tras di kosnan kuta bai robes pasombra bopor bisa mayoria di nos hende homber nan ku a traha por tin un yu muhe anto nos ningun ke pa nos yu muhe tin tipo di homber nan manera a trese dilanti, mi nota perfecto pero hopi di kosnan ku a bin dilanti di e hende homber nan ei, ami sa kumi nota asina si no.

    Like

    1. Danki Dios abo no ta sina dus tin speransa ahinda… soltero? 😉
      mare sikiera e homber nn ku tin yu muher por pensa asina..paso si pasa nn yu muher e orey si nn ke bira HULK.
      E muher nn tambe a danja hopi pone ke pipita di homber bon nn ku a sobra tambe a hanja miedu bai skonde.
      Mi ta keda ku speransa si anke dia pa dia e kans ta bira mas chikitu 😉

      Liked by 1 persoon

  5. Eens in de blauwe maan bo ta toka e tema di hende hòmber. Eens een keer bo kièr papia over di e tersionan ku ta keda pasa e legasia di porkeria na Korsow. Pero….kiko oompie ta hasi? Bira tira falta riba e mamanan. Pasobra den bo kabes aparentemente semper hende muhe tin falta. Di un of otro manera. Ora bo ta papia di hende muhe bo ta “breack down” e tema kompletamente pa e muhe mira tur banda di su mes. 360. Ora hende hòmber ta na beurt, awo ta mama ta falta. Mamai ta traha excuses. Pero unda papai ta pa bisa Indjo pa e pick up su game? Ta mamai su falta atrobe. Paso papai NO TEI. Unda papai ta? Bientu…paso papai aparentemente no ta hunga un ròl den edukashon (den bo kabes) Tatanan ku a djis spuit sigi bai. Tatanan drogadikto. Tatanan muheriego ku no sa di para na kas i sinja nan junan kon “palu di hòmber” mester ta. Hòmbernan machista ku no ta bin kas wak si nan ju a traha nan les pero kore bak snèk wak si Consuela a kome awe. Abo tambe e machismo ey no a bula. Paso semper un muhe mester karga e falta den bo kabes. Kon ta para ku e hòmbernan su responsablidat? Skibi algu kritiko over di hende hòmber di Korsou. Ki ora hende hòmber ta bira e experiment manera bo ta “dissect” hende muhe? Bo blog ta humoristiko en alles pero ora bo bisa A soru di bisa e B tambe!

    Like

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s