Palabra no mester ta hopi: Danki!!


Ami no ta un hende ku gusta sinta i wak bèk pa largu. Paso simplemente no ta ey mi ta bayendo. Sí mi ta haña importante pa sa di unda bo ta bini. Esey sigur sigur por sirbi komo un mapa riba e ruta di bida. Publikando mi blognan riba Takimetabeba.com mi sa hãña diferente komentario positivo di famia o konosinan. Siman pasá mi a haña un message for di un huki ku mi no a spera. Un di mi yùfrounan di skol a mandami un nota positivo i drecha henter mi dia. Na mes momentu  e la ponemi para ketu, wak bèk i rebibá mi temporada na skol.

Ta konosí ku edukashon ta kuminsa na kas i mi mayornan a hasi un tremendo trabou pa ku esun dimi. Aunke edukashon por ta kuminsa na kas, e no ta kaba eynan si no. E ta sigui na skol. Komo mayor tur hende kièr e miho pan nan yu. Mayornan kier mira nan yu krese bira un palí muhe o un hombre respeta den komunidat. Niun hende no kièr kria yu di warawara.

“The direction in which education starts a man will determine his future life,” – Plato.

 

Mirando bèk un sonrisá ta subi mi kara ora mi konta ku mi a sinta den klas di mas ku 30 yùfrou o mener di skol durante mi añanan di kleuter te ku ora mi a kaba MIL.  Un pa un nan tur ta hendenan ku a yuda formá i guía mi. Ik was absoluut geen lieverdtje pero nan niun no a give up I a korigimi ora tabata tin mester.!

Yùfrou Mayra di Kokolishi tabata para na porta di skol i hasi seña ku mi mama sintá den auto. Duim ariba tabata nifiká ku “awe a bai bon” i un man plat na su frenta tabata nifika “deremate! awe Endilo tabata un dolor di kabes” (después di un dia di un man plat semper ta sigui un siman di duim ariba….. no puntra dikon.)

Na Berg Carmel, strafwèrk a kai serka yùfrou Isebia, Rasmijn i Gravenhorst. Wever i Koeiman tabata sakami i ponemi djis banda di porta. Asina mi por a sigui volg tur kos den klas pero sin stroba sobrá. Hopi biaha mi askapa djis paso mi puntonan tabata haltu. Dushi tempu!

Na MIL Colon a hera di kima ya ku mi a resulta den klas ku Oompie Stroopie. Eynan yùfrou Casimiri a sakami foi klas un biaha prome ku mi a drenta. Yùfrou Janssen a bisami e famoso “Drumi Dushi”. Yùfrou Lanoy a ponemi sinta te dilanti den klas i serka Echteld mi a basha abou ken tur a spiek. Ku mener Foendoe mi tabata pusta ku mi lo skòr un 10 prome ku mi mira e prufwèrk, Mr De Windt ta tin sufisiente pashenshi ku mi i e kuentanan di Hallman te ahinda mi ta kordanan. Cardoze, Bitorina i Van Dongen ta kon ta hasi lubidanan?!

Maestronan ta sakrifiká basta pa por duna lès na e maximo di nan abilidat. Ta konosi ku nan falta material i ku e klasnan ta muchu grandi. Asina mes nan ta presta!.

Pesey awe for di profondo di mi kurason mi kièr yama danki na tur ku ta tin mi den klas! Danki.

Mi ta masha agradesido. Hopi di nos lo no a yega kaminda nos ta awe solamente basá riba edukashon di mama ku tata. Nos a logra tambe pa motibu di guía di skol.

 

Komparti nomber di bo skol, bo yùfrou favorito I yame danki den e comments

Advertenties

Auteur: Endilo Lourens

Un Yu di Kòrsou biba na Singapore ku for di e punto di bista personal lo kompara e situashon di Singapore ku esun di Korsou indikando di un manera positivo e lesnan ku Korsou por siña y ehekutá pa drecha e kalidat di bida di Dushi Kòrsou.

One thought on “Palabra no mester ta hopi: Danki!!”

  1. Danki nami bon basis na kas dimi dushi mayornan y hanja na Pire College. Y danki na defuntu jufrou Griffith di Triniteit College ku a sa di kere den mi te final dimi logro. Dios dune sosiegu eterno.

    Liked by 1 persoon

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s