Laga e bara para


Den siman ku a pasa ei mi a habri Facebook i topa un artíkulo di kual OM ta menshoná medida nan nobo ku nan lo ke tuma den tráfiko.

Ma mira nan ke bai kuminsá bèk kontrol riba alkohòl, ke bai pone “flitspalen” enfin un skat di kos. Den prinsipio e ta oké paso nos mester di dje i e lo yuda pa un mihó komportashon den tráfiko. E kos ku a kansa mi chip mes mes tabata e momento ku OM a anunsiá ku ke prohibí bara largu riba motorcycle. Esaki pa “frena” e ponementu di fever.

First things first…

Pa es nan ku no sa, e loke nan ta referí komo bara òf “swing arm” ta un bara di metal ku ta sali for di chasis di e motorcycle bai pega na bo tayer patras huntu ku e “suspension” (shok absorber”). Un swingarm ta djis un parti esensial di bo motorocycle ja ku e  juda tene bo motorcycle den balansa.

  bron: http://www.materialstoday.coma1b94ecc-47c5-4a34-84c8-dc581faeb470

Pa esaki por sosodé, dependé e forsa di motor, algun koredó ta opta pa hasi e bara mas largu  pa por tene e motorcycle den balansa, den kaso ku e bara kòrtiku di nan motorcycle no por karga e forsa di e motor. Si esaki no sosodé e lo por tin konsekuensia grave ja ku e vehikulo por “hop” of “swing” i pone ku e koredó por kai òf okashoná un aksidente.

Básikamente e bara largu ei ta pa seguridat.

Fever

Nos tur sa ku fever a bira parti di nos kultura. Si no ta den Saliña mardugá ta na Koraal tabak of den bario bo mester por haña dos tres chabalitu ta pone fever ku nan motorcycle. Meskos ku tin algun ta hasi e na sitionan será tin algun tambe ku ta hasi e den tráfiko i peligrá nos tráfiko. Awor si ta esei OM lo ke kontrolá mi no tin nada kontra.

Pero ta ki e kos di estúpido boso ta bin ku ne di ke prohibí bara largu? Foi ki ten boso a bira eksperto te pa saka e konklushon ku un regla apsurdo asina lo solushoná niun problema. Arma di kandela ta prohibí na Korsou, esaki a solushoná problema di atrako armá i  asesinato?

Pa pone chèri riba e bolo, bosero di OM mener Serphi kemen e ta bai radio bai splika ku e la kore anochi den kaya wak ponementu di fever i tur motorcycle tin bara largu. I ta pesei e regla aki mester bini. Awor Serphi ki mishi bo den kaya anochi ta wak fever? Bo ta bosero di OM, nos niun no ta interesá den bo opinion personal si no di echo ku sifra pa por “support” bo punto.

Mener Serphi mi tin notisia pa bo….e gai nan kubo ta mira riba motorcycle nai tin hopi aña ta kore i nan sa bon kiko nan ta hasi!  Boso bin ke regla apsurdo ei ta pió ba hasi e paso mayoria a siña nan kenshi bon i e bara kòrtiku lo no stroba nan ku nada.  Al kontrario, lo bo hasi e pió pa koredó nan ku tin motorcycle potente i ku mester di e bara largu aki pa nan propio seguridat den tráfiko i NO pa pone fever manera bo ta pensa.

Algun tep.

Embes di kansa boso kurpa stroba e koredónan di motorcycle. No ta mihó boso hinka tempu den kontrol riba alkohòl den tráfiko? Òf hinka tempu den pasamentu den lus kòrá? Òf es nan ku no ta tene kuenta ku e motosiklistanan den tráfiko i ta okashoná aksidente grave ku tin bia asta morto komo resultado?

E bia aki aserka e koredó nan di motorcycle of kòmbersá ku eksperto riba e tereno promé bo sali pafó papia kos sin pia sin kabes!

Paso al final mayoria morto den tráfiko den 2016 no a ser okashoná pa motosiklista i pio ahinda esnan ku a buta fever.

SERPHI LAGA E BARA PARA!!

z7mzte9

bron:www.reddit.com

 

 

 

Advertenties