Dikon mi yu?


Tin ora bo no ta kompronde mes ta dikon. Otro ora bo por pensa un pakiko, pero e ta keda un kaso difisil. Paso ki dia nan a kuminsá te pa skohe e pa hasi asina kuné. Hopi amigu e no tin pero dikon anto? Dikon ta mi yu, mi amigu òf amiga ta e viktima di algu asina desastroso? Kiko tin bon na laga un hende sufri te ku e por kita su bida? E hendenan aki mes tambe portá tin miedu ku nan ta hasié kuné? Esakinan ta un par di pregunta ku un mayor òf un amigu di un persona ku ta wòrdu tentá ta puntra su mes.

Mi no ta papiando di e manera di tenta ku ami ku abo por hari tokante di dje. Mi ta papiando di e tentamentu ku ta bai asina leu te ku un mucha por disidí di pone un fin na su bida paso e no por mas i e no tabata sa unda haña yudansa. Si ami ta tenta abo i bo por hari mesun pareu ku ami, no ta problema. E ta bira serio si abo no ta haña ku ta great mas i ami si ta sigi tenta paso ami sí ta haña esei bon.

Na Kòrsou nos no konose kaso di muchanan òf hobennan ku a trata na kita nan bida pa e motibu aki ahinda pero e ta pasa tur dia. Sa nos no sa di dje òf nos no ta tende di dje. Na skol hopi biaha muchanan ta wòrdu tentá pa kiko nan tin bistí òf pa nan aparensia. Nos ta bisa ta kos di mucha i niun hende no ta hasi nada na esaki. Ami a aktua na un skol na Hulanda e siman aki den konekshon ku ‘Pesten week’ kaminda ta konsientisá muchanan tokante tentamentu. Tur e historianan kumi ta tende ta hopi tristu i mi kasi no por kere.

Hopi biaha e mucha ku nan ta tenta ta wòrdu mirá komo esun ku ta ketu, e ‘nerd’ òf esun ku ta pinta di no ta pas den niun grupo. Esun ku komunidat a pone den un huki paso e no ta ekspresá su mes na un manera strabagante. E mucha aki ta esun ku no por sali pa su mes òf ta haña esaki difisil. E no por defende su kurpa kontra muchanan ku mala astusia. E tentamentu por kuminsá na un palabra. Bo bisa mi ku mi ta mahos ku mi parse makaku awe, mi ta tumé. Pero bo bisa mi tur dia mi ta kuminsa kere esei. Despues di e palabra insolentenan ta bin kontakto físiko. Anto akinan kosnan ta kuminsa sali for di man masha lihé.

Tin mucha no ta konta nan mayornan pa nan no bai skol harma un eskandalo. No ta tur mayor por aktua ku kabes friu, kual mi ta kompronde paso ken kier mira nan yu sufri. Pero ora tipo di kosnan asinaki pasa nos tin ku papia ku nos yu yen’é ku hopi konfiansa den su mes. Si kosnan sali for di man bai na mishimentu mester tuma kontakto ku skol pa yama mayor di e tentadó pa nan tambe ta na altura. Tin ora esaki no tin masha influensha paso portá e mayornan ta meskos òf pihó ku e tentadó mes.

Skolnan no tin ѐgt un medida sigun ami pa ora tentamentu bai mas dimas leu. Tentamentu por trese problema sikologiko tambe kuné. Un mucha por lanta ku kompleho, depreshon òf e por tin tiki konfiansa den hende. Mayornan tin tarea grandi pa konsehá e yu. No mandé bringa paso ta mas pio so ta hasi e situashon.

pesten2

Muchanan na skol por ta kruel. Abo no tin kòntròl riba loke ta pasa den besindario di bo yu. Pero sí bo por kana e kamindanan pa ora ta asina leu. Bo yu ta bon bon, e no a pidi pa nan tenté. Laga esei ta hopi kla. Tentamentu por yega mas leu ku bo ta pensa. No bira lomba p’é!

 

Ku amor,

Richailine Elisa

Advertenties

Auteur: raedreamer

Mi a sali Kòrsou na aña 2011 pa bin studia na Hulanda. Un soñadó mi ta yama mi mes, paso dia mi a sali mi pais mi tabata tin soñonan grandi sin pensa den kuantu kos mi por pasa aden pa logra esna’i. Awor aki mi a lanta fo’i soño i mi kier kompartí mi eksperiensianan ku mas hóben. Realidat no ta asina bunita manera bo ta soñ’é. Mi a kaba e aña aki ku un dimi estudionan kual ta un acteursopleiding, mi ta ofisialmente Aktris. Culturele en Maatschappelijke Vorming ta mi di dos estudio, i esei mi ta trahando riba dje pa kaba tambe. Dos opleiding den un mi a hasi. Ku mi blog mi ke konsientisá hóbennan ku ta bin biba akinan òf ku ta biba akinan kaba. Sí bo no ta bin biba akinan, e blog aki tambe ta pa abo paso mi ta bai toka hopi otro temanan ku por siña òf yuda abo tambe. Pa ami ta hopi importante duna mi aporte na yuda forma nos generashon nobo. Mi no por kambia mundu, pero si mi por yuda mi mes pueblo. Ora bo ta leu bo ta wak hopi kos otro i sigur loke por mihó. Mi stima mi paraiso chikí..

One thought on “Dikon mi yu?”

  1. Tin tentamentu na Kòrsou tambe i no awor so, pero tur tempu. Mi mes a eksperensiá esei pa motibu di mi koló ku ta beautiful dark chocolate. Hahaha, no milk added. E tabata hasi doló, pero semper mi tabata habri mi boko defendé mi kurpa. Mi mayornan tambe mi a bisa. Na skol ora bo bisa yùfrou nan reakshon hopi biaha ta masha laks. Nan ta skucha bo i bisa e tentadó ku e tin ku stòp, pero te ei. E ta wòrdu mirá komo kos di mucha. Houtskool ku pia, Afrikano na bida, sukú NO ta kos di mucha… Un kos sí, apesar di e tentamentu mi a sa di semper keda positivo. Ken abo ta pa laga mi sinti ku mi no ta pertenesé? Mi tambe tin mag di gaan en staan waar ik wil! Lamentablemente no ta tur mucha tin e fortalesa ei.

    Liked by 1 persoon

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s