‘Badabada’ na entiero


Antes hendenan tabata dera nan sernan kerí ku masha rѐspѐt den silensio. Hendenan ta bisti na blanku òf pretu òf un kombinashon di tur dos koló. Tur hende por pasa pone un flor den e kaha si esaki ta habrí. Ora kaha ta bai sera famianan mas serka por tuma despedida di e defuntu. Kaha ta sera. Esaki ta un dje partinan mas difisil paso bosa ku ora kaha sera di bѐrdat nunka mas bo no ta bai mira su kara. E momentu di bѐrdat mi ta yama esei. Despues e hòmbernan di famia ta hisa kaha pa hiba e defuntu su lastu lugá di sosiegu. Promé ku esei ta pasa ku ‘wabi di morto’ dilanti e defuntu su kas i ora e pasa bai ta tira awa ku habon su tras. No muchu buya. Despues di entiero ta warda bishita na kas ku chukulati kayente i lѐter.

Dimes bo ta haña bo ku e hendenan ku ta bin entiero speshalmente pa sinta wak ken tur a bini, kuantu hende tabata tin, kon tristu entiero tabata, kon bunita e tabata pa su doño i esnan ku ta kue ѐkstra lѐter hinka den tas pa haña na kas. Nan no ta keda afó. Antes e hendenan aki no tabata tin telefòn ku kamara pa graba kiermen ta na entiero mes nan graba tur kos ku nan wowo pa konta despues. E rekuerdo di un entiero ta keda pa hopi tempu graba den hende su memoria paso e momentu ei ta unu sigur tristu.

Awendia mi ta haña kosnan a bai muchu leu ora ta trata di dera un persona. Ta parse ku ta un fiesta e kos a bira. Un ban topa. Lastu tempu tambe ta hopi hoben nos ta dera. Algu masha tristu. Pero e manera ku ta hiba e defuntunan na nan kaminda di sosiegu ta unu remarkabel i di berguensa. Tur hende mester sa kon nan ta dera nan ser kerí. Naturalmente tin un diferensha ora bo ta dera un hende ku a fayesé dor di malesa, morto repentino òf el a fayesé dor ku nan a tiré mata. Òf si e hende tabata hende grandi òf hoben. Tur esakinan bo ta tene kuenta kuné.

Lastu mi ta mira nan a dera un hoben ku masha ‘fanfara’ rondó di e entiero. Parse ku e hoben tabata gusta un likor tempu e tabata na bida. Awѐl, nan a yena e kaha ku masha plachi ku e bibida aki na luga di flor. Tur miembro di famia, bario, amigunan i konosínan a bisti un T-shirt ku e defuntu su potrѐt ariba manera ta na un kompetensia pa apoya un hende nan a bai. Otronan ta kana den e awa ku habon ku nan a tira ria kaya manera ta nada. Nan a pone fever den kaya, habri e porta di e ‘wabi di morto’ pa huma drenta eiden. Henter un espektakulo. Hobennan ta saka telefon filma kuantu hende tin den kaya pará, turesten ku nan ta firma nan ta papia riba hende sin tin kunes nan ta post esaki riba facebook.

Asina leu nos a yega!

Ta bai entiero saka potrѐt dje defuntu den kaha, ta saka selfie ku asina un smile bisa ku ta sinti e defuntu su falta kaba. Henter un ‘photoshoot’ na entiero. Unda nos ta bayendo anto? Humanidat ta dunando mi walmentu di stoma kada dia mas i mas. Tin sierto Yu’i Kòrsou ku ta hiba e kosnan abnormal den direkshon di hasinan normal. Norma i balor nan tur ta bayendo pѐrdí. Awor ta tur siman tin ‘badabada’ riba internѐt.

Porfabor respetá defuntu i famia di e defuntu. Entiero no ta karnaval ni un ban topa. Respetá doló di hende. Pesei no ta keda mi nada straño ku hende no ta tuma bishita mas na kas despues di dera. Humanidat ta bayendo den su ‘muskònt’. Wake up!

 

Ku amor,

Richailine Elisa

Advertenties

Auteur: raedreamer

Mi a sali Kòrsou na aña 2011 pa bin studia na Hulanda. Un soñadó mi ta yama mi mes, paso dia mi a sali mi pais mi tabata tin soñonan grandi sin pensa den kuantu kos mi por pasa aden pa logra esna’i. Awor aki mi a lanta fo’i soño i mi kier kompartí mi eksperiensianan ku mas hóben. Realidat no ta asina bunita manera bo ta soñ’é. Mi a kaba e aña aki ku un dimi estudionan kual ta un acteursopleiding, mi ta ofisialmente Aktris. Culturele en Maatschappelijke Vorming ta mi di dos estudio, i esei mi ta trahando riba dje pa kaba tambe. Dos opleiding den un mi a hasi. Ku mi blog mi ke konsientisá hóbennan ku ta bin biba akinan òf ku ta biba akinan kaba. Sí bo no ta bin biba akinan, e blog aki tambe ta pa abo paso mi ta bai toka hopi otro temanan ku por siña òf yuda abo tambe. Pa ami ta hopi importante duna mi aporte na yuda forma nos generashon nobo. Mi no por kambia mundu, pero si mi por yuda mi mes pueblo. Ora bo ta leu bo ta wak hopi kos otro i sigur loke por mihó. Mi stima mi paraiso chikí..

8 thoughts on “‘Badabada’ na entiero”

  1. Nou nou ta parse kubo tmb a bai wak redu…. Sinoh bono tbt sa tur details asina. Maar goed awendia hopi kos a kambia. Pero esei nota duna abo e motibu ni e rason di splika over di un entiero kual ku ami sa bon bon over di kua defuntu i su entiero bota papia over di dje. Komporlaga bo por duna bo mening pero over het algemeen, no precies unu anto ku details. Un tiki mas respect pa esei i vooral pa su famia nn ku a tuma e desishon di a dera e defuntu asina nan sa dikon nan a hasie asina nan konose defuntu mas miho ku kualker hende, sa kiko e tabata gusta hasi i tambe gusta bebe ect ect .
    Juf Mita kompronde bo punto di bista pero bo por a trese riba un otro manera tambe dilanti.
    esei ta ami su oppinion.

    Like

  2. Hahahaha ba skibi ekoi
    Bota kontentu awo?
    Wak redu pasa pbo bin skibi
    Sigun ami notin skibi riba nuin papel firma ku firma di Dios kon mstr dera hnde
    Pero ya esaki nn nos ta yma hnde metiche
    🙄🤗

    Like

  3. Mi a lesa bo opinion i mi por kompronde bo punto di bista pero bo mester sinja kompronde i respeta desishon di otro kada ken ta dera nan ser keri nan manera nan ta hanja ta pas ku bida di e ser ei. Berdat antes entiero tabata otro pero bida tambe. Ami mes tin hende hopi djaserka ku a fayese na entiero a bali breakdance bira kabes abou hasi hopi kinchi pero esei tbt un manera pa duna e ser ei un homenage. I e kos eino a kita niun tiki tristesa ni respet for di e entiero. Alcambio nos a mira kuantu hende tabata sigi i apresia e ser ku ya no tbt tei mas. Dus no husga niun hende. Laga pa dia morto kai serka di bo boso dera den selensio manera antes. Mundu a kambia mi shon i trata na kambia ku ne pa bo no keda atras.

    Liked by 1 persoon

  4. Enberdat ultimo añanan nos a eksperensiá hopi estilo di entiero. Esun mas original ku e otro. Diferente formanan pa verwerk i ekspresá emoshon di tristesa i tin ora rabia. Nada di eseinan no ta kita e doló ku ta dal bo ora bo yega kas bek. Forsa i konsuelo na tur esnan ku a pèrdè un ser kerí.

    Liked by 1 persoon

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s