Kon difisil por ta pa ‘come out of the closet’?

Een anonieme gastblogger vertelt een persoonlijk verhaal hoe het is om uit de kast te komen.

Advertenties

E no ta fasil pero imposibel tampoko.

E no ta fasil, vooral si bo ta biba den un sosiedat kaminda e perspektiva religioso ta hunga un rol sentral den manera ku ta definí e preferensha seksual pa e mesun sekso komo inadekuá, bergonsoso, un abominashon….asina mi por sigi menshoná mil palabra negativo (i dus inkorekto) ku algun bia mi a yega di tende serka mi mama. Hopi hende ta konsiderá ‘coming out’ komo algu ku bo ta hasi pa bo mes i no pa otro hende, manera bo famia i ser kerinan.

Dimes bo a “aseptá bo mes” kaba, awor ta na bo hendenan bo tin ku manisfestá esaki, tòg? Miedu di hurt nos mama? Mas ku miedu di e doló ku nos lo kausa ta esun miedu di: rechaso. Ei e kos ta sintá, e ekspektativa di aseptashon ta un señal di inseguridat di nos mes balor i ta pa e motibu ei mes ta buska afirmashon ku nos ta “ok”.

Foi dia mi tin memoria mi tabata sa, ku 13 aña mi a realisá kiko kiermen gusta bo mesun sekso den komunidat: ‘ It’s no good and you’ll go to hell for it’. Mi a reprimí mi sentimentunan i a hasi mi best pa ta mas ‘straight’ posibel. Sin e kurashi pa ekspresá mi sintimentunan mi a buska alivio den droga i fiesta te ora ku mi a bai Hulanda pa mi estudio. E poblashon di Hulanda ta asina grandi i diverso (kompará ku Kòrsou) ku den e komunidat  ei bo ta un ‘burgelijke service nummer’ mas, den otro palabra: ‘nobody cares, nobody talks’. Einan mi a tribi di ta mi mes i a kuminsá aseptá mi mes. Danki na un amiga ku a motivá mi pa kuminsá kana e kaminda di ‘coming out’. Mi amiga no por a kompronde kon mi preferensha seksual tabatin un efekto negativo riba mi ‘zelfbeeld’. Pasó si, ami tabata echt kere ku mi meresé fièrnu i ku mi tabata un desecho di sosiedat (what a brainwash!).

dollarphotoclub_47670362-1024x512
Bron: Patheos.com

Despues di hopi lucha interno mi a disidí di hasiele, mi a pensa ku mi mama lo a tumé basta OK ,pero mi a kiboká. E tabata destruí, tabata fin di su mundu i di mi tambe. Esei ma pensa na e momentu ei. Awor, 7 aña despues ku mi a duna mi mama e mihó regalo ku un yu por duna su mama i esei ta su mes: honestidat total, hopi kos a kambia. Awor mi por bisé ku mi tin un frei sin miedu ku e lo disgustá, pero kas si mi no por bin kune. Baby steps.

Dia mi a sali foi ‘closet’ mi a hasié pa mi mama, no pa mi mes. Asina mi a sali for di un kashi imaginario  pa drenta e kashi ‘real’: mi mes. Ami mester aseptá mi mes, sin laga hende su aseptashon (òf no aseptashon) ta di influensha riba mi imagen propio. Ami ta kere ku hende, ser humano, ta meresé di tin un bon imagen propio, esaki ta duna un sentido di seguridat i bienestar, loke na hulandes nos ta yama : ‘lekker in je vel zitten’. Sinti nos mes di e manera aki ta benefisiá no solamente nos mes pero sobra di sosiedat tambe, pasombra ta konosí ku ora un hende ta sintié bon, tur loke ta sali for di dje ta bon tambe.

self-reflection-and-self-responsibility-1
Bron: Stufflook.com

Mi mester ta honesto, e aseptashon selektivo di mi mama ta hasi doló ahinda. E ta manera kramp den bo stoma of un doló di djente. E kos ei por lagabu sinti ku tin algu robes ku bo i ku bo mester hasi algu pa aliviá/kompensá e ‘tekortkoming’ ei. Kiko por garantisá mi ku mi mama lo aseptá 100% algun dia?

Mi ta kere un mihá pregunta ta: ami i abo, nos lo aseptá nos mes algun dia?

Saludos,

Anonieme Gastblogger

One thought on “Kon difisil por ta pa ‘come out of the closet’?”

  1. Hopi bunita i konmovedor. Ami komo mama por imagina mi mes kon duru esei ta pa un mama pero di otro banda lo ta mas duru pa e yu ku tin ku come out of the closet. Fasil sigur e no ta pero ku hopi amor i komprenshon di tur dos banda, mester por logra, manera bo ta bisa ku babysteps. Hopi bendishon i hopi eksito den bo bida. By the way, mi tin 67 aña i mi tin dos yu i tur dos ta straight. Semper ma bisa ku si un dia un yu di mi konfiami su doló, prome kos ku lo mi hasi ta primie na mi kurason i sigure ku esei no ta hasie niun tiki menos mi yu stimá. Segun mi lo mi stime ainda mas tantu pasobra e doló ku e lo pasa den lo bira parti di mi doló tambe p.e. e rechaso i e palabranan menos nèchi. Bendishon!

    Like

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s