E asuntu di bròmer ei!


 

Mi ta sali desea tur hende ku ta lesando awoki un felis dia, paso despues djaki nos ta ban aden riba e punto en kuestion mas skèrpi ku un blet Gilette.

Hopi hende mester kumisa bin bei riba nos isla.

Nos ta biba riba un pais chikitu, kaminda tin kustumbernan ku a bira kultura, i tambe algun kosnan kultural ku a bai pèrdè a konsekuensia ku nos ta muchu bezig ku nos kustumbernan.

Awo den e dianan aki nos por a bin ripara ku tin basta un komoshon rondo di e suseso ku ta bai prohibi nos motosiklistanan di kore ku nan zweefbar/arm of manera nan ta yame na bon ingles “extended swing arm” riba kareteranan públiko!. Anto esaki tin que haber ku e cultura di fever i kareda riba kareteranan públiko!

Esaki no kemen ku nan no ke pa niun hende kore bròmer, pero nan ke pa hasi esaki na un manera safe, anto na un manera ku no lo forma peliger pa otro hendenan ku ta usando e kareteranan públiko di Kòrsou.

Awo nan a bisabu bo no tin mag di kore ku zweefarm/bar riba kaya, ba kore grita… Burduga… Mane semper…

Okay, nos ke rabia paso nos a traha masha duru mes, spar pa por paga “Junny” e sèn ku mester pagé pa e pega e “zweefbar/arm” pa nos kore “flos” den kaya, kore kareda òf pone fever.

Awo tin un par di problema ku e situashon aki. E zweefarm/bar ku ba spar pe òf gewoon sak’e sèn manera nada no a pasa pa bo buta riba bo bròmer, ku ba paga hopi sèn pe mi ta kalkula ei no… E koi NO ta legal ni un kaminda na MUNDU pa kore kuné riba kaya públiko pa loko manera nos kemen ei… E uniko kaminda ku e kos aki ta wordu mira komo “style” ta na Kòrsou, Aruba, Boneiru i Ulanda. Anto pa kolmo nos ta brui mané abea na tur e luga nai. Anto by the way e koi ta pa tene e wil di dilanti ei riba tera ora e ko’i sali na liña ora di drag paso e ta hòp.

Ma buske…

Awo no tumami na malu, mi no tin problema ku e zweefarm/bar. Pero nos tin ku siña realisa nos mes kiko ta logiko i kiko no. E zweefarm/bar ei no, pa kiko bo a pege? paso e ta style? paso e ta di spuit chroom? Of ta paso bo ta gusta BARI lku bo bròmer, anto e ta yuda bu “BARI” mihó?

Pa mi no zona negatief mi ta asta bin ku un inisiativa pa boso. Hasi un fundraising drecha Koraal Tabak anto buska un manera pa atende ku gobièrnu pa hasi e ko’i tereno publiko pa bosnan por hasi i laga di hasi manera bosnan ke. Problema resolve. E no ta sosode den 1,2,3 pero kanando e kaminda korekto bo ta yega.

Anto un kos mi sa sigur, ku tumamentu di hende hasi, no por sosode mas riba nos dushi isla di Kòrsou paso awo si a bira dimas.

Enbes di kada biaha ku gobièrnu buska moda di hasi nos pueblo safe of miho, nos mes rebeldia hinka nos pueblo kaminda ela sali, ban para ketu anto realisa ku, “Hey!, porta ta pa un motibu nan ta bisando nos ku e koi ta peligroso, anto nos tinku tene kuenta ku otro hende berdat paso ta nos huntu ta forma e pueblo ku yama Kòrsou!”..

Den e bida djawendia nos a bira asina “selfish” ku ni bo bisinja bon tin kunes kune. Pero no ta nos tur a give up anto ke biba manera un parti di e komunidat.
Tin di nos ku ahinda ta kere den un gezellige avond na un kroegje, dal pari biter, bai kas wak un movie, pega sonjo. Sin baila ni Dreams, ni Buleria, ni Cache pa mane 6 luna. Min bai para den salinja gewoon tampoko wak fever of hasie mi mes paso mi tin koi paga fin di luna. Anto tin otro kosnan ku mas importante noh… klaro! TRABOU ku SKOL mes ta dos ehempel. Nos ta laga esakinan ATRAS, panos ban bringa e kaso di kore ku zweefarm/bar riba kaya. Foei!

Loke mi ke bisabu ke artikulo aki ta ku ta hopi ridikulo e kuenta di bringa pa brommer aki, kaminda un dje motibunan di mas prinsipal ku nos ta perde bida di HOPI hoben riba nos pais ta pa motibu di e mesun kos ku nos ta defendiendo.

Atrobe!, no tin NADA malu, na kore brommer basila kun peki bo tras ku su atras ta pop sali patras ey mane solo den mahinta. As a matter of fact dal bai!… pero korda semper ku mester tene kuenta ku otro hende. Kemen “ban stret ke konan”, “keda ruste” anto ban traha pa hasi Korsou unu miho pais paso “E asuntu di brommer ey” tin nos TE AKI.

Anto by the way,

Elekshon ta den bocht ey… vota konsiente!

 

 

Advertenties

2 thoughts on “E asuntu di bròmer ei!”

  1. E koi NO ta legal ni un kaminda na MUNDU pa kore kuné riba kaya públiko????
    Sorry pero na hulanda ta keur anto kore ku zweefarm normaal…fever riba kaminda publiko no tin mag

    Like

  2. E zweefarm ta pa tene e wil dilanti riba tera ora bo kore velosidat haltu, kiermen bo no mester di dje riba e kayanan di Korsou. Pa loke ami sa no tin kaminda ku bo tin mag di kore mas ku 80km pa ora. No tin motibu pa sigi diskuti riba e punto aki. Tur ensnan ku ke kore fever, drag etc, bosnan sera kabes anto bin ku un bon plan pa Koraal Tabak.

    Like

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s