Koba mama i Defroudá


Koba Mama den privá

 

Eh eh, e la pasa e la pasa! Resultado di elekshon ta konosí i polítiko a bai skonde atrobe. Tur kanamentu di kas pa kas den bario lo sigui te aki 4 aña. Palabranan positivo, dunamentu di man, sunchimentu di baby, regalamentu di saku di kuminda tur a stop siman pasa Djarason. Sea nan a pèrdè tur asiento o gana algún niun lo no pasa a ni pa yama danki pa e konfiansa duná. Pas i trankilidat ta bèk riba Facebook poniendo polítika barata un banda i trahando espasio pa Pasku i Karnaval.  Loke ta remarkabel ta ku mientras hopi hende a yama danki pa splikashon duná den e blog di siman pasá, algún mal pèrdèdo a sinti nan mes “batata” i disidí pa yena nos inbox ku un kantidat di bagamunderia. Hasiendo esey nan a demonstrá un biaha mas ku definitivamente nan no tabata meresé un voto. Si pafó de parlamentu mes bo no por ku berdat dal un stap patras bai para tras di kortina numa! Bai atrás sea na stap, voto o asiento ta na moda.

E screenshot ta dokumentá
E screenshot ta dokumentá

Laga ta duidelijk ku henter e tìm di TMTB ta fuertísimo i stabil manera e spreekwoordelijke muraya blanku. Si porko kier bin frega su mes, be our guest!.

Simplemente un porko
Simplemente un porko

 Sin sinta ya bo a defroudá! “Sowieso”

E alegria ku a reina después di elekshon no a dura mashá. Den un tempu rèkert partidonan a haña otro pa firma un akuerdo di disponibilidat. Na momento di firma tur lider tabata djente afo, fotógrafonan ta keda invitá pa saka potrèt mane ta propaganda di Collgate tin. E papel ey no ta bal nada tanten negosashonnan no kuminsa. Ora di negoshá ta saka tur kamara pafó, dal porta sera i tur líder lo saka nan kuchu pone riba  mesa. E konsuelo ta ku Sr. Gijsbertha tin sufisiente eksperensia i sa muchu mas mihor ku kualke un di nos ku den bòm di 9 inning un bataso por kambia wega. Rápido bo por mira ku e “akuerdo di 12” ku tin firmá awor aki ta “vraagt om problemen”.

Na prome luga, MAN ta invitando partido PS na mesa. E partido di sospechoso Wilsoe. Ta ni 2 siman no tin ku MAN a laga sá di no ta traha ku sospechoso. Ta ken Sr. Koeiman ta mira pa kèns aki? E siñal aki so ya ta laga basta hende sinti nan mes defroudá. Partidonan mester sa ku pueblo tin nan tené “by the balls” i chin chan un kos ta “squeeze”.

Sakando man limpi duna hende man sushi bo man ta shusha!

Na di dos luga, MAN i PAR tur dos tin 4 asiento pues nan lo kièr tin mesun tantu minister. Si dunanan kada unu 4 minister ta sobra 1 so pa parti entre PNP i PS. Pues un di nan lo kai chiki i rabia. Pa evita ku gobiernu lo kuminsa ku desunión MAN i PAR lo tin ku haña 3 minister kada unu i PNP ku PS lo por tuma 1 minister kada unu. Den e kaso ey ta sobra unu. Esun ku hañé lo haña “dimas” i pone ku sobrá partidonan lo kièr rekompensa pa medio di komisariado o nombramentu di direktor den un NV di Kòrsou. Esaki ta pone ku e koalishon próksimo lo kuminsa riba e mesun pia ku tur sobra a kuminsa kune. Nos lo haña un gobièrnu a base di forsa di negoshamentu enbes di the right man in the right place.

Por último tur hende por konta riba nan dedenan kuantu falta pa e bòm di liderazgo den PNP eksplotá i un kacho sali heridá kana bai ku “su” asiento. Esaki lo debilitá e gobièrnu i laga nos den e situashon di 10 kontra 11 atrobe.

Si di berdat kièr demonstrá diferensia, for di negosashonnan mester kita minister number 9. Parti e responsabilidat. Manda e señal ku solamente the best is good enough.

Awor ta ora pa “the right woman/man in the right place” i si ta 8 so tin, ta 8 tin ku hasi e trabou sostené pa pueblo kompletu!

 

Advertenties

Auteur: Endilo Lourens

Un Yu di Kòrsou biba na Singapore ku for di e punto di bista personal lo kompara e situashon di Singapore ku esun di Korsou indikando di un manera positivo e lesnan ku Korsou por siña y ehekutá pa drecha e kalidat di bida di Dushi Kòrsou.

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s