Pa mi mes


Kanamentu pia abou no tin nada di haber ku pobresa.

Bo’n tabata sa?

Santu di laman , kayo na mi pia, mi tin kos ku ta tenemi na suela. |GROUNDED|

Mi koló skur, no ta di Afrika so mi por ta bin.

Bo’n tabata sa?

No reflehá bo ignoransia riba mi, pasó mi ta un palu di muhé. |ETHNICITY|

Yu di Kòrsou  ta bunita.

Mas bunita ku bo por imaginabu.

Nos pasado ta den nos kurason,

Kòrdando riba e laman salu.

Hòmbernan ku ta pis bo riba kaya,

Si, nos stimabu, nos a wardabo,

Den nos kurason.

Kurason Karibense.

Pero no ta yu’i Kòrsou so mi ta.

Ta hende mi ta.

Un hende muhé ku a legumai tur loke otro ta pensa i spera. Loke a sobra ta mi mes, un dama sin kabei.

M’a disidí di pela mi kabei pa representa mi mes filosofia; I am full of beauty and enough. Sigunmi ta tres aña kaba, ku ma lanta e kampaña pa aseptá hende manera nan ta. Komo yu di Kòrsou ma wordu kriá den un pueblo kaminda muhé mester tin kabei pa ta nèchi. Lamentablemente hopi ta pensa asina ketubai.

14954307_10211177667820360_1135160842_o

I ta komprendibel, si bo mayornan a kriabu na e manera aki, bo no sa otro. Ami a disidi di distansia mi mes for di e manera di pensa i mira hende muhé ei.

“Ku òf sin kabei, muhé mi ta i muhé mi ta keda’.

Klaro, mi tabatin miedu. E problema no ta si otro hende no gustabo. Hopi biaha nos ta pone enfasís riba loke mundu ta pensa di nos. Pero bo por wak bo mes kara kara?. Tin demasiado hende riba mundu ku ta dependé di otro hende pa por balorá nan mes.

Wak nos mes;

Nos mester di òuto grandi, pa por broma kuantu sèn nos tin. Pero na kas nos no sa si tin kuminda pa mayan. Ta ken bo ta gaña?

Tambe tin e damanan ku mester gasta masha tantu sèn pa stret nan kabei, of kumpra peluka pa sinti nan mes “bunita”. Pa ta honesto, mi no tin ku nes kiko bo ta hasi ku bo bida, ta di bo e ta. Pero si bo felisidat ta dependé di material, nunka lo bo no ta felis.

ASEPTA BO MES!

Pues komo èhèmpel PA MI MES, ma disidi di pela mi kabei. M’a forsa mi mes, pa ta e hende ku m’a nase pa bira. Ta hendenan di koló prinsipalmente ta haña ami i mi desishon straño; “ Aino yu, dikon b’a hasi e koi?  Bo tabatin kabèi hopi nèchi”. Nunka mi no tabata asina dependiente di mi kabei. E ta krese bèk, tòg?!

Òf e Hulandesnan sa kere ku mi ta malu; “ Niet zo kijken schat, misschien is ze wel ziek”. Ta hari so mi por hari. Bo falta di kurashi pa un desishon por estilo no ta hasi’é unu imposibel. Hende liber mi ta, tòg?

Despues di un ratu bo ta kustumbra, ami a sigui ku mi bida.

For di e ora ku bo ta pensa asina chikí tokante di mi desishonnan basá riba mi aparensia, e ta prueba ku bo mente ta muchu chikí pa por apresia hende manera nan ta.

Ta hende mi ta.

Un muhe sin kabei no ke men ku mi tin kanser ni ku mi ta menos muhé.

Bo’n tabata sa?

Mi ta pará den mi sapatu ku mi kara na laira sintiendo mi mes. Mas femenina ku nunka.

Advertenties

3 thoughts on “Pa mi mes”

  1. Hi Collie
    Kiko ta e balor agregá pa bo a pela bo kabes? Mi ta kere ku un muhé su kabei ta diferensié for di un hende hòmber i ta parti di su ser muhé.

    Like

    1. Halo Margie. Esaki ta un guestblog. Pues no ta ami a skibie. Pero pa kontesta bo pregunta:
      Ami tambe a pela kaal 3 anja pasa. Anto el a dunami un sintimentu di libertad. Tiki hende lo tin kurashi di hasie, vooral ora bo tin kabei nechi. “kabei” komo diferensia entre muhe i homber no ta eksisti pa ami mas. Tur dos sexo por pela of kria kabei. It’s all about LIBERTAD di haso loke bo ta sintibo bon ku ne sin worry di kiko Society ta pensa of spera di bo. Kabei no ta defini bunitesa ni inteligensia.

      Like

  2. Yaaz! Preach! Your appearance does not define you, your character and your actions define who you are! And living your life for you as opposed to living it by other people’s standards is one of the main sources or happiness! #YouGoGirl
    In the words of RuPaul: “If you can’t love yourself, how in the hell are you gonna love somebody else!”

    Like

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s