Brùg kolonial


Apresiabel persona/organisashon responsabel pa e brùg nobo,

Na promé lugá, danki pa a tuma e inisiativa di pone un brùg ku ta fasilitá bida di nos pueblo na pia. No ta tur hende ta den poseshon di un òuto i e pida kaminda ku nan ta skapa di kana, danki na e brùg nobo aki, mi tin sigur, ta nifika hopi. Prinsipalmente ora solo ta kima riba nos dushi isla.

Mi a ekspresa mi gratitut i atmirashon pa e inisiativa, pero tambe tin algu ku mi no ta di akuerdo ku ne. I mi ta bai ekspresa mi desakuerdo na nòmber di mi pueblo ku sí a emansipá mentalmente. Anto si mi ta papia di emansipashon, mi ta papiando di unu for di sklabitut i kolonialismo mental.

Ya kaba mi por tende hopi bisa ku desgustu ku “nada ku bo hasi no ta bon nunka”. NO! Atrobe: e inisiativa di e brùg ta unu admirabel! Loke si mi no ta di akuerdo ku n’é ta e nòmber skohí pa e brùg nobo aki.

Tur nos brùgnan na Kòrsou ta karga nòmber di muhénan den e kas Royal Hulandes, pues mi ta imaginami ku ta esaki ta e motibu ku a yama e brùg nobo aki Prinsès Amalia. Sinembargo, e otro brùgnan a wòrdu trahá den un époka kaminda nos tabata praktikamente un kolonia hulandes ainda. Mi a kere ku nos pueblo ta emansipando.

Ta pornada nos a logra 10-10-’10? Nos no a bira independiente den reino? Parse manera nos a bira independiente pero solamente riba papel. Ki dia nos ta mira balor i potensial di nos yunan di tera?

Dikon no a kibra ku e kustumber kolonialista aki? Dikon no a duna honor na nos mes hendenan ku ta trahando di un manera positivo pa nos isla?  Dikon no a duna honor na baluartenan di nos mes tera? Esaki lo a asta traha komo un enkurashamentu pa nos pueblo i prinsipalmente pa nos hubentut pa kuminsa i kontinua ku aktonan positivo den komunidat.

Mi por duna hopi ehèmpel di nòmbernan ku por a duna e brùg, pero lo mi no kaba i lo mi no ke lubida niun yu di tera ku meresé.

E situashon aki ta prekupami. Si mi mira unda e estatua di Tula, nos gran heroe, ta pará, i awor brùgnan ku ta keda honra un kas royal ku ni sikiera por duna nos e respèt i rekonosementu ku nos meresé, mi ta puntra mi mes si nos ta konsiente di e importansia di edukashon historiko.

Ni reina Beatrix ni rei Willem Alexander no a haña ta nesesario pa kambia e karosa di oro ku dibuho di katibu riba dje ku nan ta kore aden. Esei ta pasó nan ta orguyoso di nos pasado kolonial. Al final nan meresé nos pordon paso e pordon ei ta pa nos mes por progresá. Pero nan no meresé nos honor.

koets-e1441535770263
bron: http://www.historiek.net

Prinsès Amalia no konose nos kultura ni nos hendenan. E no sa kiko Kòrsou i su pueblo ta kome ni bebe.

Mi sa ku probablemente esnan konserní lo no lesa e karta habrí aki. Pero tòg mi ta skibi’é. Tambe mi sa ku un simpel studiante patriotiko lo no por kambia nòmber di un brùg ku a keda inougurá kaba. Pero di mi kurason mi ta spera ku nos wowo lo habri i ku nos lo mira e importansia di balorá nos mes pueblo. Nos ta un isla chikí, pero yen yen di potensial. Duna honor na esei.

Atentamente,

Nicole Henrietta

Orguyoso yu di Kòrsou

Advertenties

6 thoughts on “Brùg kolonial”

  1. Precies! Pesei nunka nos por bira un pais patriotiko. Paso nos ta bon den balora otronan y nos mes hendenan nos ta gosa di trapa. Super compleja. Te triest and disgusting voor woorden.

    Like

  2. Ik vind dat Amalia brug best bij de 3 andere bruggen past…we praten over grootmoeder moeder kind en kleinkind….dus zo stom is het echt niet, het zit gewoon in de lijn.
    Ik vind dat we niet zo snel op onze tenen getrapt hoeven te voelen tenslotte is Curacao nog steeds deel van het koningkrijk. Curacaoenaars zijn laatste tijd meer patriotisch dan ooit, vandaar dat we Moises Da Costa Gomez Universiteit hebben ipv Universiteit Nederlandse Antillen…Collegio Jan de Paula ipv Peter Stuyvesant en zelf Helmin Wiels Boulevard….en nog meer te noemen.
    Ik ben un BON yu di Korsow en vind dat Amaliabrug best past bij Emma Juliana Beatrix en Amalia…allemaal vrouwen….thumps up voor degene die dit aandurft met Amaliabrug en niet bang is om aangevallen te voelen

    Like

  3. BON yu di Korsou lijkt u mij niet, sorry. Dan zouden we ten eerste met de taal van Curacao moeten beginnen. En dat we de laatste tijd meer patriotisch zijn vind ik GEWELDIG. Daarom juist dat we onze eigen mensen eer moeten geven. Mensen die van toegevoegde waarde zijn voor ons. Voor mij mogen ze de alle 3 bruggen een andere naam geven. Dat zou een intellectual revolution zijn. Einde van opression.
    In NL noemen ze geen bruggen naar Curacaoenaars, maar we zijn allemaal deel van het koningkrijk….think about it. Dan komt het uiteindelijk op neer dat de ene meer macht dan de andere heeft. Neocolonialisme.

    Like

  4. Hopi rason. Kompletamente di akuerdo. Ta e mesun hendenan aki tin e kurashi di reklama ku jiunan di tera no ta patriotiko. Anto ki ora ku nan ta den e poseshon pa duna ehempel kon por ta patriota y kon pa apresiá nos mes hendenan ku a nífika algu pa nos pueblo, nan ta bisti nan korona di komplejo y ta sigui primi den nos selebre ku nos mentalmente semper lo keda un kolonia y ku ta kos/ y hendenan ku ta kontribuí na esei nan ta apresia y honra.
    Mihor nan MaMa a gulinan dia nan tbt bai nanse, mi a fié un ratu Oompie Stroopie.
    Sislyn

    Like

  5. We kunnen wel deel zijn van het Koningkrijk, maar dit eiland heet Curacao. Punt. Er is maar enkel de Madurodam in Den Haag, meer niet. En het is nu 2016 en in de tussentijd hebben we veel mensen die eer kunnen krijgen. Niet alleen straatnamen maar historische objecten ook. Een bon yu di korsow eert zijn eigen mensen eerst daarna buitenlanders.

    Like

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s