Humanidat


E mundu di awor aki ta desgustá mi kada dia mas i mas. Tin dia mi ta lanta ku speransa haltu ku kos lo kambia pa bon pero ora mi subi internѐt, sende televishon, skucha músikanan di awendia i mira ken tur nos ta halsa hasi nos idoló, mi ta pѐrdé atrobe. Tur dia mi ta wòrdu konfronta ku e realidat. No tuma mi na malu, mi no ta pesimista i no ta kosnan malu so mi ta mira. Klaro ku tin momentunan dushi, inovashonnan ku ta hiba nos dilanti, idolónan ku ta un ehѐmpel pa komunidat i hendenan di bon kurason tei ketu bai. Pero..

Awor aki muhénan mester ta mas sunú bistí posibel pa haña atenshon, mas grandi di tur kos mas mihó. Hende muhé a emansipá bѐrdat pero awor aki e ta na un otro nivel, ordinario na mi bista. Hòmbernan sin skol, bon bistí ku ta papia di plaka fasil i ‘bang bang’ ta konta. Sѐks ta bende, hobennan ta wòrdu manipulá pa biba den engaño paso nan ta e presa fasil. Resien nasínan tin nan mes instagram òf facebook page òf ta wòrdu eksponé for di ora nan sali for di e barika di nan mama. Politiká ta manera sekta i ta trahá pa kaba ku hende, riba tur tereno. E sistema ta inyektá nos kumindanan ku porkeria i trese malesa bou di esnan ku no por paga un bida salú. Tin kura pa diferente malesa kaba pero ta gaña nos ku nò, pa sigi chupa plaka ku nos no tin.
Pa tur doló nos ta skohe pa uza un remedi kímiko, enbes di uza remedinan natural. Nos ta biba den un mundu kaminda hende no ta biba ku otro mas pero kontra otro. Tur hende por sali eifó grita, papia e kosnan di mas ‘nonsense’ posibel i nos ta bira kere. Sierto di nos no kier uza nos kabes i ta kla pa kere kiko ku ta ku ken ku ta papia. Norma i balor a bira ouderwѐts. Nos mayornan ta chapo awendia i no sa kon biba bida mas segun nos paso nan ta di otro tempu. E komunidat ta pone preshon pa nos bira ‘thot’ ku ‘gangsters’, ta kibra tur forma di edukashon i laga mustra ku diploma no ta importante. Mal notisia, notisia negativo ta bende i esunnan positivo i inspirativo ta wòrdu skibí ku letranan chikí òf no ta haña e atenshon ku nan meresé.

humanity2

Hopi di nos ta biba for di nos forsa. Nos ta biba pa hende i lubida ken nos ta i ken nos ta destiná pa ta. Ser humano kier wòrdu asepta den un grupo. Hende a kuminsa deskonektá nan mes for di mama tera, for di naturalesa, for di e sentido di bida. Nos ta deskonektá ku nos mes. Pa kiko nos ta biba awor aki? Bo sa puntra bo mes kiko ta bo proposito riba mundu? Mi sa, e preguntanan aki ta muchu pisá pa un djaluna.

Naturalmente tin kosnan bunita pa biba pé i ku ta pasa tur dia di nobo. Mi tambe tin hendenan di bon kurason ku ta ku mi. Ami ta purba ta e diferensia ku ami kier mira. No pa ami so pero pa otronan tambe. Mi ta anhelá e dia ku nos por bira mas humano bѐk i wòrdu menos influensiá dor di un aparato. Portá ami ta un hippie moderno sin sa den 2016 aki..

Portá lokual ku mi kier ta djis un tiki mas humanidat pa nos tur! #modernhippie2016

 

Ku amor,

Richailine Elisa

 

 

Advertenties

Auteur: raedreamer

Mi a sali Kòrsou na aña 2011 pa bin studia na Hulanda. Un soñadó mi ta yama mi mes, paso dia mi a sali mi pais mi tabata tin soñonan grandi sin pensa den kuantu kos mi por pasa aden pa logra esna’i. Awor aki mi a lanta fo’i soño i mi kier kompartí mi eksperiensianan ku mas hóben. Realidat no ta asina bunita manera bo ta soñ’é. Mi a kaba e aña aki ku un dimi estudionan kual ta un acteursopleiding, mi ta ofisialmente Aktris. Culturele en Maatschappelijke Vorming ta mi di dos estudio, i esei mi ta trahando riba dje pa kaba tambe. Dos opleiding den un mi a hasi. Ku mi blog mi ke konsientisá hóbennan ku ta bin biba akinan òf ku ta biba akinan kaba. Sí bo no ta bin biba akinan, e blog aki tambe ta pa abo paso mi ta bai toka hopi otro temanan ku por siña òf yuda abo tambe. Pa ami ta hopi importante duna mi aporte na yuda forma nos generashon nobo. Mi no por kambia mundu, pero si mi por yuda mi mes pueblo. Ora bo ta leu bo ta wak hopi kos otro i sigur loke por mihó. Mi stima mi paraiso chikí..

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s