Hartá di vandalismo.


Manera nos tur sa un di e lunanan mas bunita di aña a drenta den kurpa aki. Dezѐmber ta un di e lunanan tambe kaminda hende ta kumpra mas tantu i traha mas debe posibel sin ku nan mes tin esaki dor. Tuma yen bòn di dies luna porehѐmpel. Tur kaminda bo ta mira hende drecha kas manera ta mundu ta bai kaba enbes di aña. Kas mester ta ‘up and top’, bo mes sa. Kosnan ku a laga para henter aña awor ta na hal’i palu pa drecha nan. Ni dia ku a bisa ku orkan ta bai pasa mes no tabata tin un hansha asina. Pero no ta nada nobo mi ta kontando paso nos sa ku ta algu típiko di e luna aki na Kòrsou.

Loke ta asina remarkabel ta kuantu ta wòrdu dekorá. No den sentro di siudat so pero na kasnan di famia tambe. Personalmente mi ta haña ku antes tabata tin mas kas dekorá ku lus. Portá ta dor di krisis ékonomiko òf sifra di pobresa ku a oumentá òf dor di Aqualectra su fayonan tékniko ku nos no por disfruta manera promé. Pueblo riba su mes a bira mas konsiente di su koriente for di dia ku nos a haña ‘Paga tinu’ tambe. Otronan a bin ta pensa ku Dezѐmber ta pasa unbes i no ta bale la pena pa gasta asina tantu sѐn na adorno di Pasku, paso mesun lihé ku e luna aki a yega, asina lihé  Yanuari tambe ta yega. E orei ta pan ku diabel a mansa nos tur ta kome.

Dilanti porta di Isla tur aña tin eksposishon di lus ku un tema en konekshon ku Pasku i Aña Nobo. Mayoria famia ta kore den outo wak lus rònt Kòrsou i esaki no por keda afó. Aña pasá nan tabata tin e Arka di Noah. Masha bunita mes. Dios gracias ku esaki hendenan no por drenta mishi kuné te pa nan haña chѐns di kibré. Den e siman ku a pasa a kibra e dekorashon na e rotònde di Lucina Da Costa Gomez pegá ku Riffort. Algun di e binánan di Pasku a lanta sin kabes i un otro biná nan tabata kier a ranké saké for di tera.

image1-3 image3-1  image2-1

image4-1

 

Mi ta puntra mi mes pakiko lo mester hasi algu asina. Bo no por bai pone e biná den bo kurá di kas paso tur hende lo sa ku ta abo ta ladron. Pakiko kibré siendo a dura asina tantu tempu pa trahé i nos gobiernu porfin ta hinka sѐn pa hasi sentro di siudat un tiki bibu den fin di aña. Despues di par di dia ku nan a pone e Papa Paskunan tambe hende a kibra unu. Dikon nos no por disfrutá di e kosnan bunita ku tin sin tin ku hasi dimas? Ora hende bin bo kas tambe lo bo haña great pa nan mishi ku bo kosnan i yega asina leu pa kibranan? NÒ TÒG?

Ami leu for di kas aki atrobe no por admirá Punda ku Otrobanda di aserka pero si riba potrѐtnan ku ta pasa riba redanan sosial. Hopi pero hopi bunita mes el a keda. Ora kos ta bon tambe nos tin ku bisa. Duna Cesar loke ta di Cesar! Kada aña nan ta dekorá mas great ku e aña anterior. Asina e ta keda atraktivo tambe pa turistanan ku kier bin pasa dianan di fiesta na nos dushi Isla. Ban protehá loke ta di nos. Si bo mira un hende ta hasi dimas ku e dekorashonnan, bisa algu. Nos tur ta forma parti di Kòrsou. Tá e bon Yu’i Kòrsou ku tur hende ta grita di boka pafó ku nan ta ei.

image1-5

Ku amor,

Richailine Elisa

Advertenties

Auteur: raedreamer

Mi a sali Kòrsou na aña 2011 pa bin studia na Hulanda. Un soñadó mi ta yama mi mes, paso dia mi a sali mi pais mi tabata tin soñonan grandi sin pensa den kuantu kos mi por pasa aden pa logra esna’i. Awor aki mi a lanta fo’i soño i mi kier kompartí mi eksperiensianan ku mas hóben. Realidat no ta asina bunita manera bo ta soñ’é. Mi a kaba e aña aki ku un dimi estudionan kual ta un acteursopleiding, mi ta ofisialmente Aktris. Culturele en Maatschappelijke Vorming ta mi di dos estudio, i esei mi ta trahando riba dje pa kaba tambe. Dos opleiding den un mi a hasi. Ku mi blog mi ke konsientisá hóbennan ku ta bin biba akinan òf ku ta biba akinan kaba. Sí bo no ta bin biba akinan, e blog aki tambe ta pa abo paso mi ta bai toka hopi otro temanan ku por siña òf yuda abo tambe. Pa ami ta hopi importante duna mi aporte na yuda forma nos generashon nobo. Mi no por kambia mundu, pero si mi por yuda mi mes pueblo. Ora bo ta leu bo ta wak hopi kos otro i sigur loke por mihó. Mi stima mi paraiso chikí..

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s