Bo peso riba mi


Dikon bo tin asina tantu nesesidat pa komentá riba mi peso, si mi a subi òf baha?
Ta bo asuntu? Bo ta konsiente ku e komentario ku bo a duna tokante mi aparensha na momentu ku bo mirami ta kana ta bin, ta hasi doló? Bo no ta kere ku mi mes no sa? Ku mi mes no a kuestioná kada eskoho ku mi a hasi ku a guia na e aparensha aki?
Bo a yega di konsiderá ku porta mi ta malu i e kanser ku ta komiendo mi di paden, ta komiendo mi balor propio na e mes momentu,?
Que hubo bo  interesá den konta ku ami, realmente AMI, no superfesial pero e interes legítimo kaminda intelektual of emoshonalmente nos por konektá ku otro..

Si akaso bo sa kuantu kos mi a pasa den dje,pa apesar ku lokual ku abo ta konsiderá debilidat i defektonan tòg mi a sali mi kas i hasi mi mes representabel, lo bo a komportá bo mes diferente? Ku un tiki mas kompashon?

Mi ta konvensí ku e mal kustumber aki, di bo remarkenan no deseá ta asina hinká den bo, ku sigun bo ta lesa esaki, bo no sa mes ku ta di abo mi ta papiando.
Lagami deskribí bo:

Abo ta e hòmber ku mi a topa riba e promé aniversario di mi tata su fayesementu ku a bisa na bos haltu, kòrda hasi algu ku e peso. Bo tabata sa ku ta abo tabata e último gota ku tabatin mester pa mi a kai i drenta un  lugá sukú, ku bo no por imaginabo kuantu a dura pa mi a sali afó. Danki

Abo ta e telefonista ku tur mainta ku mi kana pasa bo ta biba pa mirami sak un tiki mas den mi mes sigun bo ta hari i bisa “poko poko ke buskuchinan”. Mi tin gana di sa ki satisfakshon esaki ta dunabo?

Abo ta e famia ku mi ta mira na fiesta, ku despues di kada tantu luna ku nos topa mi kurpa ta bira manera un eksibishon pa publiko general por hasi remarke i kritiká riba dje. Tanchi, tio porfabor…. no mishi ku mi barika, no hasi remarke di mi chanchan.

Abo ta e amigu ku ta mirami den kaya, i ta puntrami tur spantá ta kiko a bai robes, dikon gordo asina?

Abo ta e kolega ku ta mirami ta bira flaku tur dia, i sin ku bo bisa ami mes nada, bo suspiro mes ta grita i redábo. Please stòp.

Si bo no sa kiko ta pasando i ni tampoko no ta importabo mi bienestar. Kumindami i sigui bai. Mi no por splikabo ku palabra kon doló e ta hasi na momentu ku bo ta husga e hende ku mi ta pa mi peso. I bo lenga sin frena ta zwip i kòrta lugánan ku mi sa ku mi no mester dunabo akseso, pero bo’n buska drechi, i kana bo a kana drenta i hasi bo mes di kas den mi insiguridat sigun bo ta venenámi ku bo palabranan destruktivo. Bai. Pero no bai i hasi otro hende daño. Stòp.

Mi ta primintibo, ku mi mes a pidi yudansa na esnan ku mi tabata ke, pues si mi no a puntrabo, ni tampoko mi no a  bisabo nada, ni mi no a envolví bo, keda afó. Mi ta bon, i sin bo komentarionan, mi ta mihó.

 

Luna

 

Advertenties

2 thoughts on “Bo peso riba mi”

  1. Bondia, lokual ami a ripara ta ku mayoria hende ku ta bisabu: “bo a bira gordo, dikon bo ta kome atrobe, sibo sigi asiba bo ta bira meskos ku talital hende”, ta hendenan ku tin un problema kunan mes porta riba mes un kos kunan ta komenta otro riba dje. Pero nan ke kritika un otro pa nan sinti nan mes miho.
    Ki ta interesami si bo kome un pida of henter bolo? No ta kai boi mi. Paso porta bo ta kome y bai kore rond schottegat bahe bek y ami porta no ta kome bolo pero kome truck di pan anochi y bai drumi despues. Pfff.
    Mensen, sibo no por juda of bisa algu na tinu na bo prohimo, sera bo boka y wak bo mes.

    Like

  2. Bonochi na prome luga. E kos a para bira kustumber berdat. I ta den tur rango eta kai. Asta esnan ku supuestamente ta eduka of hoogopgeleid. Na mucha e kos tabata molestiami pero awor ku mi ta grandi i stima mi mes i a acepta mi mes mane mi ta. Mi ta bira puntrabu mi ta kome foi bo wea of foi bo saku. Si bo no ta mantenemi no hasie bo problema. Paso ami sa ki komplikashonnan mediko mitin ku mi tin sobre peso. I aworaki keremi mi self confidence ta haltu. Ku mi sa kiko mi ensera komo hende, ku mi no por duna niun e importansia. Because I do me!!!! I hende mester sinja wak nan mes . Si bo no por duna un komentario konstruktivo sera klep. Paso dia ku e hende kontestabu un koi sokete. Ta bo mes a buske. Animo i no laga hende ku no tin balor agrega den bo bida kita bo energia.

    Like

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s