Tin basta ( Boneriaanse uitdrukking)


 

Ta ken su falta?

Ta ken mester duna falta? Ken mester duna sankshon?

Mester sankshoná, kuestioná, huzga, humilia.

Papia, mas bo papia mas nan sa.

Mas bo komparti, mas hende sa.

Mas hende sa. Mas.

Nos ta bibando den un bida kaminda bida a bira biba riba bida di otro.

Subi riba lomba djesun.

Bai for di chanchan dje otro, pa bolbe subi riba kabes di esun prime,..

Pa bòltu baha for di garganta djesun ku bo tin choká.

Ta Bürt pa bart.

Tur hende sa.

Bürt pa bürt.

Niun hende no sa.

Ma tòg . Ai esta dushi ta ora ku bo por papia dje otro sin wak den bo mes toko.

Bo mes seno, bo mes kuí.

Antes ta hasi malu.

Ta konta un dos tres.

Tur hende a lubida.

Pakiko mester korda? Tatin ku  rekordá.

Duna stèmpel.

Saka trofeo.

Nos ta bibando den un époka kaminda mester kibra ku tabu.

Nan di. Ken di?

Nan. Ami no.

No. Nan.

Nan di ku mester papia palabra kla.

Mester bisa e kos manera e kos ta.

Habrí. Na grandi.

Pa tur hende sa.

Sin a planta un simia di pas.

Di humildat.

Di no huzga.

Di no subi ba.

Nò, mester kaba ku tabu awe. Awor. Un bes. Un djis.

Niun despensa, pordon, nos no ta tene kuenta.

Nos ta habri’afó, konta.

Hasi e problema mas grandi.

Traha historia. Kologá un bara di joyas falsu na un kuenta.

Kambia figura. Kontrikante a bira viktima. Ta kon e kos tabata? Minsa.

 

Ta ken su falta ku hoy en dia bida di hende ta mas importante kesun dimi mes.

Gastando orasnan ku bo por a uza pa mas miho.

Tiki tiki e ta sluip yega.

Bo ta rabia ora bisa un ko.

Esaki ta bo manera di dibertí.

Ku blasfemia, kalumia.

Ku bida di hende, energia di hende, kos di hende.

Ta buska falta serka tur otro.

Menos bo mes.

Bo ta simplemente un marionèt di palu fini traha.

Ku ta swak, ta kana kibra, ta bolbe lanta mal di plak.

Bo leim ta un leim yená ku redu, sentimentu miksto pa ku felisidat di otro.

Lo bo keda kana kòkoi kòkoi.

Te ora bo siña ku bo tambe tin falta.

Ku bo por stòp.

Ku no tin nodi di sigi.

K’e kos por para serka bo.

Bo tambe tin falta.

Mi tambe tin falta.

Advertenties

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s