Hopi Skuma pero tiki Chukulati


Puntra kualke yu di Kòrsou ku a biba na Hulanda i nan lo konta bo ku “makamba gusta zeur”. No ta importa unda nan yega, sea trabou, kas, skol, den trein, den bus nan ta kla pa reklamá. Ora koi reklamá kaba, nan ta reklamá tokante e “weer”. Awor e Yu di Kòrsou a kopia e komportashon aki.

Ami semper a kere fielmente ku hende ku ta reklamá tur ora bai ta kontagosio. E koi ta pega!. Sin ku bo pensa bo tambe ta kuminsa. Pesey mi ta forsa mi mes di keda leu foi hende negativo. Sigur esnan ku ta reklamá sin proponé un solushon. Esaki ta e kategoria ku ta sintá mas serka di mi irritatiezone. Kièrmen esunnan ku mas ta traha riba mi nervio. Asina ku un hende kuminsa reklamá kos sin pia sin kabes o ninga di proponé un solushon pa ku su reklamo, ami ta hala kita!.

Antes ora ku bo kièr reklamá algu, bo mester haña un hende dispuesto pa skucha. Awendia retnan sosial ta pone ku hopi por kanalisa nan reklamo sintá nan so den nan stul di zoya ku telefon den man. Djis primi “submit” o  “post” i miles di hende lo mira kiko bo ti na kachete. Esaki ta asina fasil ku un grupo grandi a hasi’e nan hobby. Bo no por subi FaceBook sin topa reklamo. Yu di tera a bira ta reklamá delaster un kos riba Kòrsou sin puntra nan mes kiko nan por hasi pa mehora e situashon.

Si mi wordu forsá pa nombra un kos ku lo hasi un diferensia, mi ta skohe pa e mentalidat di pueblo.

For di chiki mester kuminsa siña e YDK ku e tin ku duna su maksimo. Mayornan I e sistema eskolar ta mester soru pa e mucha tur día di nobo perkurá pa ta miho ku ayera. No ta importa e aktividat, sea ta arte, baile, deporte o simplemente resultadonan di skol. Asina e pueblo ta lanta ku un tremendo “drive” pa ta mas effisiente, rápido o servisial. Esey ta hasi tur e diferensia.

E yu di Kòrsou ta papia hopi pero hasi tiki. Asina ku loke mester sosodé ta eksigí esfuerso I sodó di frenta, e kurpa ta bira due.

E situashon di Kòrsou ta manera e garoshi ku mester yega e top di seru. Pueblo di Kòrsou kompletu ta sintá den e garoshi. Tin un kabuya largu i diki mará dilanti ku ta esential pa hala e garoshi. Ta reina un ambiente konfuso den e garoshi. Mientras ku un grupo ta diskutí, reklamá i konstatá ku e garoshi no ta moviendo, otro gruponan a disidí di forma un ambiente ameno. Ta un grupo hopi chiki a baha for di e garoshi i kuminsa kita piedra, dèmpel buraku i move rama ku ta stroba moveshon. E grupo aki mester wanta hopi kritika foi esnan sinta den e garoshi. Un garoshi ku tin sufisiente pedal pa tur hende trapa mane baiskel i kontribuí na adelanto di e garoshi.  Ta solamente si e tur hende trapa di un manera synchronisá tras di e grupo ku ta hala e kabuya e garoshi ta progresá.

Mientras tin hende ta trapa pa bai dilanta i asina yuda, tin otro ta sintá komodo sin soda lastrando nan pia abou, ku pia riba brek o asta komfortablemente ku nan pia na laira.

A yega ora pa skohe e yu di Kòrsou ku ta yuda e garoshi i baha esun ku ta stroba adelanto na mal ordu!

 

Advertenties

Auteur: Endilo Lourens

Un Yu di Kòrsou biba na Singapore ku for di e punto di bista personal lo kompara e situashon di Singapore ku esun di Korsou indikando di un manera positivo e lesnan ku Korsou por siña y ehekutá pa drecha e kalidat di bida di Dushi Kòrsou.

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s