Facebook ta stroba bo di haña trabou


 Awendia ta tur hende ta riba medionan sosial (Facebook, Instagram i Snapchat pa nombra un par). Asta Mai ku Pai a hañanan ta traha un profil riba Facebook, pa keep up k’e muchanan. Asta den bo buskeda di trabou, sosial ta hunga un ròl importante.

Por ehèmpel, ora bo wòrdu invita pa un sollicitatiegesprek, mayoria biaha den e invitashon, e kompania ta pone e nòmber di esnan ku lo ta enkarga ku e entrevista. Si bo ta sigiendo tepnan ku ta wòrdu duna na bo, e prome kos ku bo ta hasi ora bo kaba di dal bo happy dance (paso come-on, porfin bo a wòrdú invitá pa un sollicitatiegesprek), ta subi internèt i buska pa wak ken e personanan ku ta bai entrevista bo ta.

Pero meskos ku abo ta buska e personanan ku ta bai entrevista bo. Di mesun manera aki e kompania tambe lo por buska pa sa ta ken bo ta.

I awor e pregunta ta: Ora nan bai buska bo riba Facebook, loke ku nan haña, lo traha na bo fabor durante bo solicitatie of juist niet?

Palabra malu so ta skeiru den bo comment

vloeken

 

 

 

 

E pregunta aki ta unu, sumamente importante. Paso ora mi subi Facebook, mi ta mira hende ta reklama ku nan no ta hañando trabou. Pero ora bo bai wak, tin bia ta mesun hendenan aki ta koba mama di ken ku ta ku no ta komparti nan opinion den e sekshon di komentario riba Facebook. Ta request hende pa bai laba atras pa loko riba paginanan di notisia etc.

Awor imagina bo ku bo futuro doño di trabou tin ku bai buska bo profil i topa e kosnan aki di bo online. Kiko bo ta kere nan lo pensa?

Si den un diskushon bo ta bira koba mama di un hende ku no ta komparti bo opinion. Nan lo por pensa ku bo ta un hende ku por bira insulta bo koleganan si un dia bosnan mester tin un desakuerdo.

Bo ta kere nan lo ke un persona asinaki deal ku nan klientenan? Un hende asinaki lo por aktua segun e prinsipio di ku kliente tin rason tur ora?

Bo Potrètnan

Otro kos ku ta hala atenshon dirèkt, ta bo potrètnan. Ora nan wak bo profil, ta potrèt di bo den fiesta, fuma of sakando dede meimei so nan lo haña? Laga mi bisa esaki: Ta bo profil i ta bo ta disidi kiko bo ta pone. Pero kiko bo ta kere e doño di trabou lo pensa si e mira esaki? Ami lo pensa ku e hende aki tin un tiki mal manera (e dede meimei ei). E fiestamentu, si ta dimas, esaki lo por tin un mal influensia riba su trabou.

Loke mi ke bisa ku e blog aki, no ta ku bo no mag hasi loke bo ke. Pero bo tin ku sòru pa bo deseonan ta kuadra ku bo akshonnan. Si por ehèmpel un trabou komo polis ta bo deseo… No por ta asina ku e recruiter di polis lo por haña plachinan riba bo Facebook ku ta bisa F*#! the cops!

Esaki ta un geval kaminda duidelijk bo akshonnan no ta kuadra ku bo deseonan.

Bo tin ku keda kòrda ku maske bo no ke, e lokenan ku bo ta komparti riba medionan sosial por tin un influensia negativo riba e.o. bo solisitut/aplikashon.

Mi sa ku hopi hende lo reklama bisa ku ta nan page, nan mag hasi loke nan ke kune etc.

Pero pensa esaki.. Kiko bo ta prefera:

Komporta bo mes riba medionan sosial i haña un trabou of sigui hasi paloko sin por kobra fin di
luna?

Guestblogger Lisander Bernardina

Advertenties