Na Trabou Tur Hende Sa Ku Bo No Tabata Niun Malu


Nan sa bon bon ku bo’n ta niun malu

Kon bo ta sinti bo awo? Ba bebe bo body, pa despues saka bo alma e ultimo weekend di 2016. Anto lanta mainta ripara ku ainda tin yen alkohòl mas pa kaba. I ya, komo e siman prome ba mèld ziek fo’i djarason pa harma un long weekend, niun hende lo no sospecha nada nada si bo bolbe mèld ziek… Segun bo!

Pero kere mi, bo ta full fout. Kompania sa kaba ku bo ta bezig ta tuma nan hasi. Band’i karnaval toevallig bo tabata malu, Pasku di webu (segun mi ta resurekshon) toevallig ba bira malu, dia di bandera tambe toevallig griep a dal bo abou un siman. I awor ta toevallig den e siman di pasku di nasementu mesun griep a bira knock bo out.

Awor djamars aki bo ke lora trabou ku bo kara seku asina, manera nad’un pasa. Mane ma bisa bo un biaha kaba, facebook ta nèk bo. Paso ata bo chef a mira bo bai live dos bia riba facebook den weekend ei. Dus ami’n sa ta ken bo ke gaña.

E no ta nice pa bo koleganan

Abo no ta worry, ta paloko bo ta bai gasta mitar dia na dòkter djis pa bo tuma un pida AO. Pero kasi sigur bo no a pensa riba bo kolega. E si mester a chup’e pruimu up anto bai trabou masha nòrmal mes. Paso abo a disidi ku fiestamentu (gastamentu di sèn) tin mas prioridat ku trabou (kaminda bo ta traha bo sèn), bo kolega a hañ’e tin ku traha bo trabou tambe banda djesun di dje mes. Pero abo no tin kunes, basta ABO a pasa bon.

Despues bo ta yega trabou tambe puntr’e kon su weekend a bai. Bo por lant’un tiend’i kurashi!!

Nan sa ku bo ta gañando

E kustumber di meld ziek di gaña gaña ei tambe ta un dje kosnan ku a bira normal bou di nos hendenan. Supervisornan ta mira e patronchi di un hende su meldmentu ziek. Tin bia nan ta asta premira ta ken ta esun ku lo bai meld ziek riba sierto dianan. Pakolmo ta juist e persona ku a meld ziek, nan ta mira ta fiesta riba Facebook. No esei so, kòrda Korsou ta chiki. Kemen e chèns pa, e kolega ku si mester a bin trabou ei su ruman ta topa ta hasi gezellig riba kaya, ta grandi. Ainda bo no tin kunes?

Plania delanta

Si bo bini 1 dia delantá pidi liber, e chèns ta grandi ku ta nò ta kai. Pero si bo plania delanta bo tin mas chèns di haña un si.|

Dunadónan di trabou mayoria bia ta duna nan trahadónan 15 pa 26 vakantiedagen pa aña. Si bo plania delantá, lo bo por plania bo dianan liber rondo di e dianan di fiesta. Esaki ta yuda bo evita di tin ku bai kansa dòkter kada bes, strobando hendenan ku si ta malu di bèrdat di haña tratamentu.

Bron: TEVH

Asumi bo responsabilidat manera un hende grandi

Dia bo no tabatin trabou, bo tabata zundra ku niun hende no ke tuma bo. Awor ku bo tin e, ta tur dia bo ta “malu”. Trabou, meskos ku tur otro kos den bida tin un parti bon i un parti ku tin bia ta eksperensiá komo menos bon. Traha durante dianan di fiesta p.e.

Pero no tin moda di hasi, si bo no haña e liber ku bo ta ke. Ta di bin traha nòrmal manera un hende volwassen i responsabel lo hasi.

Kisas si bo baha man na mèld ziek pòrnada, bo supervisor por haña un tiki mas konfiansa den bo. I akiratu si bo mester kambia di trabou i nan pidi bo pa un referentie e lo por papia bon di bo tòg.

p.s. lesa mas tokante meldmentu ziek aki.

 

Guestblogger Lisander Bernardina

Advertenties

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s