Abo lo bati un patient den intensive care?


Insel Air ta den intensive care, ban bisa kasi e la risibi san t’olio:

Nos tur sa esaki toch ?

Mi no kier defende e akshon nan ku a hiba Insel Air na e situashon aki tampoko, esey ta responsabilidat di gerensha of doño.

Pero un patient ku ta drumí den intensive care mester di kuido intensivo toch ?

Pero dikon nos ta keda bati e patient ku yama insel air aki ku moketa i skòp tur santu dia di nobo ?

Dikon nos no ta duna e patient Insel Air aki tempu pa e rekupera, hala rosea trankil pa e por bolbe sirbi nos na un manera normaal segun kustumber ?

Nos tur sa ku nos gobiernu di Korsou a komprometé plaka pa salba e patient aki toch ? Bo por ta di akuerdo of no pero esaki ta un hecho.

Dikon nos no ta tene kuenta ku kritika konstantemente ta afektando tambe e moral i forsa di tur e empleadonan di insel air ku bou di tur sirkumstansha HOPI ferfelu ta hasiendo nan trabou 100% tur dia ?

Ta hende nos ta asinaki ?

Tene kuenta ku ami Mitch van Velzen no tey pa defende Insel Air:
– Ami no tin aandeel den Insel Air
– Ami no ta traha na Insel Air
– Ami no tin nada di haber ku Insel Air
– Ami no ta ni hasi negoshi ku Insel Air
– Ami no ta kome ni bebe di Insel Air

Ami ta duna MI opinion aki komo un siudadano di Korsou ku ta observa kon nos mes ta sigi bati kibra un kompania kibra sin duna e kompania un fair chance pa e por bin bei.

Ku tur respet, pero negoshi di aviashon no ta truk di pan ni luga di drecha tayer (djis pa duna algun ehempel) e negoshi di aviashon aki no ta fasil at all.

Laga nos tur ban duna e kompania un fair chance pa lanta para bek riba su pia i sobreviví sin keda bati i kibra tur dia por fabor !

 

Danki

Mi nomber ta:

Mitch van Velzen
E: caribex.mitch@gmail.com
W: www.caribex.nl