Awo mi Nigga, Nigger, Neger!


Nos hendenan di koló ta hendenan di solo, bientu, laman i tera. E ta zona mane libertat òf nò? Lastimamente ku esei no ta asina riba tur tereno ahinda. Nos a wòrdu liberá for di sklabitut na aña 1863 riba papel. Hulanda tabata un dje lastu paisnan ku a duna e katibunan nan libertat. Asina mes ta den aña 1873, despues di 10 aña, e katibunan a kuminsa biba manera un siudadanonan liber. A dura hopi pa nos a yega kaminda nos ta awe i pa e lucha di nos ante-pasadonan a kuminsa duna fruta.

Anto sí, atrobe un hende ku ta bai skibi di e tema aki.

Diferente nòmber tin ku ta asina doloroso pa tende si bo sa bo historia pero nòrmal pa hende di koló bou di otro:

‘Neger’

‘Nigga’

‘Blacka’

‘Pretu’

‘Negro’

Hende ta uza e palabranan aki pa referí na un hende di koló. Ántes nan ta tabata yama e katibunan ‘neger’. E ta bin for di e palabra Spañó/ Portuges ‘negro’. Dor ku probablemente sklabitut a kuminsa ora e paisnan di Oropa, Spaña i Portugal, a kue Afrikanonan bai Merka ku nan e palabra ‘neger’ a bini. Esaki nan a hasi’é pa mustra nan poder i pa laga mira ken ta manda. Nan ku ta e hende blanku tabata e shonnan i e hendenan di koló tabata katibu. Esnan ku ta sirbi. Ahinda hopi di nos, hendenan di koló, ta sintinan inferior kompara ku hendenan blanku. Esaki ta algu ku nos grandinan mes a pasa pa nan yunan te dia di awe. Konsiente i inkonsiente.

E palabra aki hende blanku ta uzé i bisa ku no tin niun mal intenshon su tras, kual mi por kompronde di un banda. Pero loke ta hasi e palabra ‘neger’ asina delikado ta e historia su tras. E mal rekuerdonan: sanger ku a keda deramá, libertat ku a wòrdu kitá, muhénan di koló ku a wòrdu violá, famianan ku a wòrdu separá for di otro, trato inhumano, sikatrisnan ku a keda grabá den kueru di nos hendenan. E hende blanku a okashoná tur esakinan i ta pesei nos komo hende di koló no por aseptá nan uza e palabra ‘neger’. Ora nos ta yama otro ‘nigga’ ta manera no tin nada su tras. Hende di koló a kambia e interpretashon di e ‘N-word’ dor di transforma e odio i e negativismo ku e tabata karga den amor, rekonosementu i ‘brotherhood’.

Hopi nan a yama mi ‘negerin’ na Hulanda aki. Den promé mi no tabata wòri pero awor aki mi sa miho i mi mes ta splikanan dikon mi ta preferá nan no hasi’é. Mayoria biaha nan ta kompronde tambe. E parti ku mi a splika di ‘neger’ ta djis un pida di asina un historia ku nan a skonde pa nos. Nos no sa nos mes historia. Na skol nos a siña masha tantu historia di Oropa, Tweede Wereldoorlog partikularmente, pero di tempu di sklabitut nan a duna nos un historia basíko. Mas mi lesa tokante historia di hende di koló mas mi ta keda di shòk i mas orguyoso mi ta di mi koló tambe.

E luna aki nan ta yama ‘Black History Month’ pero e no tin ku keda na e luna aki so. Laga nos ban buska mas pa sa di unda nos ta bini pa nos sa na unda nos ta bai. Si bo sa bo historia e chѐns ta chikí ku bo ta laga hende ta trapa riba bo i insulta bo. Bo por para den bo sapatu i sali pa bo derechinan paso bo sa kuantu bo hendenan a lucha pa esaki. Nos no a hañ’é, nos a lucha p’é. Ban halsa nos historia paso e ta nos guia i fuente di poder!

 

I am a house slave born Akiwa
renamed Sara
I have birthed two of my slave owners children
My fairer skin
and features
Made me appealing to him
And I had no choice but to give myself                                     slaaf
for my own safety
My children have even fairer skin
They look more like him
Than me
So they don’t know I’m Their mother
or their beautiful history
His wife could not bear children
so mine became hers
And it breaks my heart
watching them grow
Knowing the things they could never know
But I watch them as they learn to read
and do as the owner does
And I kept silent out of a mother’s love
Knowing nothing good could come from the truth
They treat me as a slave
sometimes even with unkind words
Even though from me they came
But for their sake I speak no words
So that their freedom will always remain
without knowing a slaves pain

-Author unknown

 

Ku amor,

Richailine Elisa

Advertenties

Auteur: raedreamer

Mi a sali Kòrsou na aña 2011 pa bin studia na Hulanda. Un soñadó mi ta yama mi mes, paso dia mi a sali mi pais mi tabata tin soñonan grandi sin pensa den kuantu kos mi por pasa aden pa logra esna’i. Awor aki mi a lanta fo’i soño i mi kier kompartí mi eksperiensianan ku mas hóben. Realidat no ta asina bunita manera bo ta soñ’é. Mi a kaba e aña aki ku un dimi estudionan kual ta un acteursopleiding, mi ta ofisialmente Aktris. Culturele en Maatschappelijke Vorming ta mi di dos estudio, i esei mi ta trahando riba dje pa kaba tambe. Dos opleiding den un mi a hasi. Ku mi blog mi ke konsientisá hóbennan ku ta bin biba akinan òf ku ta biba akinan kaba. Sí bo no ta bin biba akinan, e blog aki tambe ta pa abo paso mi ta bai toka hopi otro temanan ku por siña òf yuda abo tambe. Pa ami ta hopi importante duna mi aporte na yuda forma nos generashon nobo. Mi no por kambia mundu, pero si mi por yuda mi mes pueblo. Ora bo ta leu bo ta wak hopi kos otro i sigur loke por mihó. Mi stima mi paraiso chikí..

One thought on “Awo mi Nigga, Nigger, Neger!”

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s