Kòrsou ta nos kas!


 

Kòrsou ta nos kas!
E ta nos enkargo pa drecha i kuida.
Ku nos voto responsabel, nos por logra esei.

 

Ku nos voto pa progreso duradero.
Kontra medida popular di un ratu ku ta kousa desgrasia pa nos tur despues.Kontra partidonan ku ta pretendé di ta iskierdista, usando táktikanan di derechi ekstremo i fasista.

Ku nos voto pa demokrasia di berdat.
Kontra intentonan maligno pa stroba votashon. Nada di kumpra voto ni asiento. Ni ku plaka ni posishon, ni wayabera ni pòrkchòp.

Ku nos voto pa desensia.
Kontra groseria, insulta, mentira, intimidashon, griteria òmbeskop.

Ku nos voto pa siguridat.
Kontra violensha, asesinato di kontrinkante polítiko, kima trùk i outo di hende, parti bòftá, tira bòm.

Ku nos voto pa òrdu den nos kas i sosten sosial balansá.
Kontra promesa falsu na hende pober inosente i yudansa kontra regla, pa gana simpatia artifisial. Kontra algun kapitalista bon pará ku ta yama nan mes pueblo.

Ku nos voto pa protekshon di Reino kontra mal maneho i kriminalidat internashonal.
Kontra independensha sin preparashon na drechi, djis pasobra Reino ta stroba nan intenshonnan maligno. Independensha por ta bon solamente ku mandatario serio i sinsero, ku no ta abusá di pueblo.

Ku nos voto pa usa nos rekursonan na bienestar di pueblo.
Kontra bendementu di nos petroli bou di laman ku mafiosonan Italiano. Kontra hinka mafioso den nos banko sentral. Kontra destrukshon di nos kompanianan.

Ku nos voto pa hende drechi.
Kontra hende ku ta oriná riba trahadó, ku ta alabá kriminal di guera, ku ta simpatisá ku FARC, ku ta bende outo di amigu, ku ta malusá credit card di amigu, ku ta bende asiento di nan partido. Kontra dòkter ku ta mishi ku menor di edat. Kontra dòkter ku ta asosiá ku konvikto.

 

 

Vota pa nos Kòrsou, nos kas, ta na drechi.
Pa bo yunan, bo grandinan, bo mes.
Vota pa bon. Vota kontra malu.
Ata bo chèns pa drecha nos kas.

ANONYMOUS GUESTSTBLOGGER

 

 

Advertenties