13 Reasons you should..?


 

Si bo ta lesando i bo tin planiá pa bai studia afo, ataki 13 pregunta ku ta relevante pa bo situashon. Tene bon na mente, ku e kontesta ku bo duna riba e preguntanan aki ta un simpel indikashon pa bo mes, di kon kla abó ta pa tuma e stap aki. Kòrda tambe ku no ta tur kontesta a pisa meskos den bo makutu di desishon, ya ku tur hende su priorida ta otro, pues no spanta…

Let’s get right into it..

Ultimo simannan ta masha tantu potrèt mes tabata skeiru riba feisbuk, ku quotenan mane “I made it” i “On to a new chapter”. Pero ba para ketu i puntra bo mes: Mi ta kla pa laga tur kos atras? Paso dia 29 di yüli awo, ora e buelo ku destinashon pa Hulanda ei sali, “no hay vuelta atrás”. Despues ku ba sinta yora 1 ora largu den avion, a sobrabu 8 ora pa bo pensa  Kiko mi ke bira, kiko mi tei studia, mi tin un plan B? Mi por maginami ku awor bo ta bisa, “Pero ma kies un studie kaba!”. Ba kies e studie ei paso abo ke hasie, òf ta bo mayornan a impone esei riba bo?

13_Reasons_Why_Ep_5

Otro kos ku bo ta mira masha hopi ta studiantenan ku ta bin hulanda djis pa skapa di mayor, i tin ta bin asta pa sigui “e amor di nan bida” (esei nan te kere). No bin hulanda ku esei den mente i si bo ta bin simplemente p’e echo ku bo gai/chick ta biba akinan para ketu i puntra bo mes Mi  prioridat nan ta strét? Ku e libertat ku b’a haña akinan bo ta hañ’e chèns pa hasi bo mes eskohonan, kies algu paso bo sa e.o. kiko ta e bentaha i desbentahanan. Of akaso bo ta basa bo desishon riba esun di otro? Si bo mira bo amiga/amigu bula foi brug bo tambe ta bula?

Situashonnan ku lo bo hañabu ku ne aki n’e  “tera friu” lo ponebu hasi bo mes preguntanan manera Kon mi ta hasi konfia, Mi ta kla pa dil ku soledat, Mi ta kla pa kai, lanta i sigui lucha/bringa?. Un kos ku mi a siña den e 3 añanan ku mi tin biba aki na Hulanda ta, ku sea konsiente of inkonsientemente bo lo kambia i krese komo hende, pues Bo ta kla pa kambia?

No laga niun hende deskurashabu i korda bo mes tur dia di nobo ki bo meta ta. Djis purba na no perde bo kabes akinan, mirando ku Hulanda ta mas liberal ku Kòrsou riba algun tereno, paso akinan no tin mama, papa, tanchi of tio pa bisabu kiko ta bon òfno, pues Bo ta kla pa ta bo mes mayor?

20170725_165506

Bo a disidí di bin studia Hulanda, saka lo maksimo for di bo tempu akinan. Konose bo mes, ekspande e bista ku bo ta wak mundu ku n’e i inverti den bo mes. No unikamente door di bai skol ku e meta pa haal un diploma, pero hasi tur kos ku e futuro ‘abo’ lo por benefisia di dje. Si ta un kurso bo ke sigui na banda di skol, hasi’e! Si ta stazje bo ke kore na Fransia, hasi’e!
E pregunta di mas importante ta, Bo sa ken bo ta?. Si bo sa ken bo ta, kiko bo ta para p’e,  i kiko bo ke logra den bida, lo yudabu logra tur kos ku bo propone bo mes, aki na Hulanda, paso for di dia 30 di yüli awo, T’aki bo ta BEBA..

 

20170725_165434

Guestblog di Christopher Fernando

 

Advertenties

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s