Bon Siman! Komienso nobo!


Bon siman! Un deseo bunita ku ta kompaña e kumindamentu na komienso di un siman nobo. Tin hende ta duna i tuma e ‘Bon Siman’ ku grasia. Meskos tin otro ku nan kara largu no ta ni kontestá te pa nan deseá niun hende un ‘Bon Siman’ bèk.

Bon siman! Un kustumber bunita ku nos konosé den nos kultura. For di tempu di nos wela bin ariba, semper nos ta duna otro ‘Bon Siman’ na kuminsamentu di un siman nobo. E diskushon di ku ta djaluna of ta djadumingu tin ku hasi’é, nos ta lagé pa 8 dia.

Manera semper, medionan sosial no ta keda atras, i nos ta usa e kanalnan aki tambe pa deseá otro ‘Bon Siman’. Algun hende ta preferá di ekspresá nan disgusto pa e siman nobo.  Ami semper ta risibí esaki komo un bendishon, un deseo di kurason for di e persona ku bisa mi i un deseo sinsero na esun ku ami bisa. Mi ta mira e ‘Bon Siman’ komo un komienso nobo, un chèns pa hasi’é atrobe. Si!, un chèns pa drecha tur kos ku por a bai mènos bon.

Skirbiendo e artíkulo aki, mi ta reflekshoná riba e bunitesa i importansia di un siman nobo. No solamente e siman, pero e dia ku ta marka un komienso, ku kada bes di nobo hopi di nos tin suerte i oportunidat pa disfrutá di dje. Un siman nobo ta yena mi ku speransa, ku alegria i speransa, pasó mi sa ku mi tin 1 chèns mas pa hasi loke a bai mènos bon, di nobo. Esaki ta un regalo ku Dios ta duna nos asina tantu bia tras di otro i den un forma strukturá. Ironia ta ku nos no ta para ketu na esaki ni apresiá e regalo bunita aki. Ken lo no ta kontentu si tur dia di e por hasi’e atrobe? Koregí un fayo, pidi despensa, duna un palabra di sosten, stima di nobo, pordoná, seka lagrimanan, drecha bo kurpa i sali  bèk ku un smail riba bo kara!

Esta bon mi ta sintimi ora ku e inspirashon aki a yega serka mi. Pará den mi bentana, disfrutando di e bientu fresku di mainta trempan, disfrutando di e dia nobo i mas ainda sabiendo ku mi por kompartí esaki ku boso.

Esta dichoso nos ta! Esta un regalo bunita! Kuminsando awe, tur dia yama danki pa e dia nobo i sali kara na laira pa hasi’é mihó ku ayera!

Guestblog di Nayseline Jamanica

Advertenties

One thought on “Bon Siman! Komienso nobo!”

  1. Bunita mensahe. Aunke awe ta djamars mi ta sintimi enkurashá dor di e palabranan bunita aki. E ta duna ánimo i laga mi lubidá loke a pasa ayera of a lo menos mira ayera ku otro bista i sa ku Dios a dunami awe i E lo sòru pa mi awe tambe.

    Like

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s