Amigu pa semper?!


Amistat, un proseso di duna i risibi.

Amistat, un palabra ku den tur hende su vokabulario tin un otro nifikashon.

Amistat, algu di kua hopi hende no sa e nifikashon berdadero.

Awendia, nos ta kore yama tur hende bff, mati, asmigaaa èts. Riba tur relashon ku nase entre nos i un otro persona, nos ta bira plak un label di amigu, amiga i tin be asta bo ta konsidera e hende bo “best friend”. Sin nos para ketu i realisa ki e palabranan ei ta berdaderamente implika i ensera. Sin importa kuantu tempu bo konosé, bou di ki sirkunstansha b’a konosé of ki tipo di hende bo ta deal ku ne, tur hende bo ta kla pa konta bo asuntunan priva.

Bo frei a kibra kubo, ba bèl bo asmiga pa bo kont’e kon mal gai e tabata, kuantu kos b’a soportá na su man i ku tòg bo lo bo drenta bèk ku ne. Ba have sèks ayera despues di fiesta, ba video call bo bestie pa bo konte delaster un detaye i asta midi.. Ba pega 2 peiki ayera, ba konta bo brònan bò’i palu.. Natural, ta leuk pa bo tin e asmiga ei pa bo bèl, e bestie ku bo por video call ku ne i e brònan pa bo chill ku ne..

Pero, ba yega di para ketu i puntra bo mes kiko bo tin na e amistat i persona ei? E persona ku bo ta konsidera bo miho amiga/amigu ei, su intenshonnan pa ku bo ta genuino? E persona ku mi ta yama mi “best friend” aki ta ora ta kumini’é i kos ta bon só e tei, òf tei pa dunami un man ora mas mi mester di dje?!

Un amistat no tei komo eksküs pa bo usa hende..Un amistat no mester nase komo obligashon, ni tei komo obligashon pa mustra ‘interes’. Un amistat no meste ta un kausante di strès. Un amistat no meste ta e motibu di bo malbeis, al kontrario, un amistat mester ta kaminda bo por let bo freak flag fly i tá bo mes. Un amistat meste ta e konsekuensia di bo gana di ta den un hende su bida i pone un sonrisa riba su kara.. Un amistat meste ta algu ku bo por konta ku ne den bon i den malu..

Un amistat berdadero ta unu kaminda tur hende ta riba mes liña. E ta loke bosnan ta sinti komfortabel ku ne. E ta ora ku bo por konfia di ta bo mes sin wordu huzgá.

E ta ora ku madures semper lo solushona problemanan ku bosnan enkontra ku ne.
E ta basá riba konfiansa, honestidat i mutualidat!

 

Pues,

Un amistat ku no  ta mutuo, KAP E!

Un amistat ku bo no tin nada na dje, KAP E!

Un amistat ku no ta aporta ku nada bon na bo bida, KAP E!

 

Kòrda semper ku meskos ku e komienso di un amistat por ta algu alegre, ora ku sirkunstansianan ponebu KAP e amistat, lo bo feel “Like a Bird Set Free”.

Di dos pic

 

Blogger  Christopher Fernando

 

Advertenties

Geef een reactie

Vul je gegevens in of klik op een icoon om in te loggen.

WordPress.com logo

Je reageert onder je WordPress.com account. Log uit / Bijwerken )

Twitter-afbeelding

Je reageert onder je Twitter account. Log uit / Bijwerken )

Facebook foto

Je reageert onder je Facebook account. Log uit / Bijwerken )

Google+ photo

Je reageert onder je Google+ account. Log uit / Bijwerken )

Verbinden met %s