1-2 is geen 3 hoor!

Nos tur gusta mustra representabel, nos tur ke ta “alguien” den bida. Pero kiko ta pasa si e kareda di “alguienheid” ei kuminsá kostabo bo bida mes? Lo bo sobra “algo” te pa bo ta “alguien”?

Nos kultura semper a para pa: ‘Sea kontentu ku loke bo tin i traha duru pa logra loke bo kier’.

Tur hende ta bai skol, siña pa bira algu pa asina nan por kontribuí positivamente na e komunidat, wòrdu pagá pa e kontribushon ei di manera ku nan por kumpra loke nan mester pa por disfrutá di bida. Esei ta normal! 1+1=2!

Pero kiko ta pasa ora ku un hende pretendé ku e mester tin algu ku e no por yega na dje òf ku no ta di dje? Stail di kòrta nanishi, daña kara. Ki ta e motivashon? Kiko ta sosodé ku salú di su famia si e ta skohe pa gasta loke e tin na algu ku ta duna plaser temporal enbes di invertié den su famia ku e tin pa semper? 1-1=0!

Ken bo ke gaña? Niun hende no tin e derechi di huzga niun hende basá riba kon kada hende ta gasta nan sèn. Pero e ta bira responsabilidat di un pueblo ora un mama di famia skohe konstantemente pa laga su yunan sin kuminda paso su uñanan i su kabei mester ta na òrdu “cueste lo que cueste”, e ta bira otro si un tata no por pone gasolin paso el a fuel su mes e anochi anterior. Ta bira un problema pa sosiedat kompletu ora un chabelito ku apénas por saka e kontesta di e título di e artíkulo aki ta pretendé ku si e no por yega na loke e ke, ku e por djis drenta den kas di un otro i kue loke e mester djis pa e bisa “mi tambe ta konta, mi tambe tin e”! 1-2=-1 mi shon!

Ken bo ke gaña? Señora bo no tin e status ei, bo ta riba ròl, un facade di make-up i bling bling pa gaña e tiradó di piropo ku no ta di bo! Mener bo no ta asina, bo no tin moda di manda tur hende rònt di serbes i broma nada na niun snèk paso ora bo yega kas, bo no sa kon pa komuniká ku bo famia! Chabelito bo no tin e “flatscreen” ei, ta di otro hende e ta, bo no a traha p’e! Damsita, bo no tin kurason di e kompai ei, ta un karchi di telefon so bo tin di dje i e tin kontròl riba bo flor. 0-1=-1!

E miedu/bèrguensa di no tin algu òf di no wòrdu rekonosé, ta bini di falta di balor propio (low selfesteem). Balora bo mes! Biba den realidat enbes di un bida di novela òf pelíkula! “Swag don’t pay no damn bills”!!! Invertí den kosnan ku tin balor berdadero. Bunitesa di bida ta den kosnan chikitu interno i no den buya temporal eksterno. Bo no ta muri si bo skohe pa paga un hende ku bo debe enbes di kumpra un sapatu mas pa bai un fiesta di 4 ora ku n’e pa despues bo tin ku kore skonde 4 luna largu pa bo kobradó no mirabo. Ki delitu bo tin? E hende ku bo a balia ku n’e no a ni mira bo sapatu paso e tabata muchu fuma. Pika! 1+2=3!

Nos ta biba muchu eksterno, pa otronan mira loke nos ke aparentá! Pa otronan gusta nos pa e manera ku nos NO ta. Pero ora un persona ke yega na e sentro di bo kurason òf sikiera den bo kas/kamber, e no por paso e zona ei no ta apto pa públiko. Ken bo ke gaña? Bin bei 1-2 is geen 3!

 

Skibi pa Nathaly Heyliger -Martina.

Advertenties

YDK positivo, Please stand up!

Mi a sintonisá  Kabe’i Boto  pa mira e lastu parti di un entrevista ku un dama yamá Liesje Obispu ta duna. Mi a sali tendé su deskripshon di kon e la wòrdu habuzá dor di su tio na mucha. I tambe ku ela wordu violá ku su 12 anja.

Mi a haña rèspèt mes ora pa e dama aki. Paso mester di kurashi pa komparti bo bèrdat i momentunan horibel asina akí den bo bida na televishon. Mas ahinda den nos kultura di miedu kaminda tur kos ta un tabú.

Sigiente dia mi a tuma tempu pa wak hinter e entrevista. Naturalmente tabata kuestion di tempu pa e hende drechi nan subi riba kabai di moralidat i kuminsa kritiká.

“Tin asina tantu YDK positivo ku por wòrdu butá den spotlight.”

“Mester kuminsa alsa norma y balornan bèk. Paso ban serio e kos akí no ta normal. “

“Niun tata lo no ke pa nan yu bai traha komo muhé di bida of strip. Paso ki bo ta hañabu despues ku ne? Malesa?”

Den su manera i pará firme den su bèrdat (sea ku bo ta di akuerdo ku n’é of nò) el a ser REAL.

Pa mi e problema no ta si loke e dama aki a disidí di skohe komo profeshon ta bon of malu. Sea ku nos ta di akuerdo òf nò, strepmentu i prosititushon ta un fishi meskos ku karpinté òf abogado.

Anto ta netamente e hipokresia aki ta ègt kansa mi chep. Tin un sierto gremio ku ta sinti nan mes superior na tur otro. Nan ta esnan ekonómikamente privilegiá, nansé den kuna di oro of a lubidá di e kuna di koper ku nan antepasadonan a bin for di dje. Nan ta midi moralidat for di nan mundu di un famia lantá ku mama i tata, frishidèr semper yená ku kompras di Appie òf Vreugdenhill. Òf nan ta huzga a base di nan religion pero pena la bida ora pastornan di nan misa wòrdu gará con la mano en la mansa. Silensio ta reina, pastornan ta disparsé for di mapa of nos ta haña versíkulonan di beibel ta skèiru pa loko pa asina diskulpá lo indiskulpabel.

Den 1 Kabe’i Boto  Liesje Obispo a toka tema di;

  1. Insesto
  2.  Habuzu seksual
  3. Frakaso di instansianan
  4. Prostitushon
  5. Kontròl propio di bo seksualidat i kurpa.
  6. Traumaverwerking

Pa esnan ku no sa, buska “traumaseksualitiet’ riba google.

Es mas, el a asta trese konsientisashon di e echo ku Afrika ta un kontinente yen di rikesa, kontrali na e imahen ku media ta duna nos.

Lo ta bon si nos pone atenshon na e puntonan aki riba un nivel nashonal pasó ta temanan importante ku mester wòrdu toká.

Kuantu mucha muhé yòn nos ta duna nòmber enbes di wak kiko ta kausa di nan kompartashon? Òf kuantu hòmber ku den boka di pueblo nos ta bisa “no por mira un saya”  por resulta di ta adikto seksual? Hopi biaha nan tabatin eksperensianan di habuzu seksual na chikitu i esaki por manifestá su mes di diferente manera.

YDK positivo, ta basta ku tabú!

Danitzah Jacobs

Bloggers gezocht!

Takimitabeba.com bestaat nu al meer dan een jaar. In die tijd hebben wij meer dan 450 blogs met jou gedeeld.  Onze blogs zijn duizenden keren gedeeld en de reacties zijn uitermate positief.  Trots zijn wij op het feit dat de  site al meer dan 1 miljoen keer is bezocht. Dit is het bewijs dat lezers graag positieve en spannende verhalen gerelateerd aan de eilanden willen lezen.

GuestBlogger

Wij krijgen steeds meer aanvragen van lezers die zelf willen bloggen of onderwerpen aandragen voor het TMTB-team. Graag geven wij onze lezers de kans om als gastblogger op de site te verschijnen. Leuke content is altijd welkom. Je hoeft geen vaste blogger bij ons te zijn om toch iets geplaatst te krijgen op de site. Je kunt dus een artikel aanleveren. Dit gebeurt uiteraard wel onder enkele voorwaarden. Op deze site verschijnen blogs van allemaal individuele en vrijwillige bloggers. We hebben dus geen centrale redactie. Om die reden hebben wij liever dat content gewoon aangeleverd wordt, zodat wij dit niet zelf in een blog hoeven te verwerken. We schrijven allemaal uit onze persoonlijke interesses en hebben geen redactionele capaciteit.

Het beste is om gastartikelen in te zenden van maximaal 650 woorden, opdat wij vervolgens op basis van verschillende criteria beoordelen of deze bij de site passen. Voorwaarden voor een gastblog zijn: er wordt duidelijk gemaakt dat het een gastartikel is, en geen artikel van onze vaste bloggers. Dit gebeurt door een korte tekst onderaan het artikel van de gastblogger (“Dit gastartikel is een bijdrage van…”). Daarbij is er ook ruimte voor een foto of het logo van degene die de bijdrage levert.

Het artikel dient tevens positief, uniek, informatief of entertainend van aard te zijn. Voor het plaatsen van commercieel-getinte artikelen dient de schrijver contact met ons op te nemen. Hierbij is echter belangrijk te weten dat het belang van de lezers bij ons voorop staat. We behouden ons het recht voor om content op basis van ons gezond verstand te weigeren.

Geïnteresseerden kunnen het contactformulier op de website invullen.

Verras ons! En de lezer!

images

Kosnan ku ta hasimi doló

Mi no por sigui ignorá mi mes mas.

Zonido ta hasimi hopi doló, manera ora un hende huñabo den bo kara òf ora bo trapa riba anglo òf ora bo bolbe dal bo pia na punta di e bendita kashi pa di mil bia sin ku e sla di bia pasá a kaba di fria ainda.

Pero zonido ta kalmami tambe, manera ora mi drenta den un tobo di awa lou i un bisiña leu ta toka un longplay di big band di añanan 20 òf ora mi por dera mi pianan den santu despues di a forsa kana dèftu henter dia riba sapat’i hilchi.

Zonido por dunami agonia, manera ora un hende a kaba di hòrta mi tas fo’i mi i mi ta mir’é ta kore bai ku n’e i ma kaba di lanta tur mi salario.

Zonido ta ponemi haña nervio, manera ora nan keda tentabo ku un kos dushi na punta di kuchara, tres’é te dilanti di bo boka, kaba hal’é atras nèt promé ku bo logra hap e.

Anto tòg zonido por hasimi kontentu, manera ora mi sali trabou pa bai disfrutá di un “long weekend” òf e momentu ku nan yama nos komo pasaheronan di tal vuelo pa pasa na tal gate i mi ta bayendo un lugá ku mi no konosé ainda.

Hopi lo no komprondémi paso mi ta haña ku nan ta robòt, mester ta ku nan no ta sinti nada, nan zonido ta yega te na nan orea i kai kibra na filingrana abou band’i nan pia, pero di mi si ta keda zona, e ta keda kana manera vruminga dor di mi kabes, òf kore manera awa na mi garganta, kishikí mi kurason òf keda lora rondó di mi lombrishi.

Niun hende no ta mira kiko mi tin, kiko mi ta sinti, kon mi ta bira, kuantu mi ta fòrsa, “ik doe echt m’n best”, keremi, pero mi no por sigui ignorá mi mes mas: mi tin Misophonia i mi no por ku bochincha!! Hende ku ta papia duru mester haña but! Mi no por ku bo stèm yorá i ral aunke di mi tambe ta asina, p’esei mi ta sera mi boka si mi no tin nada na drechi di papia. Mi no por ku e manera ku bo “s” ta zona, bo tin un kos ta zona tras di bo stèm ku ta ras den mi kabes, bo komementu miéntras ku bo ta papia ku mi na telefòn ta kasi ponemi saka, mara ora por para mes, djis pa mi no tende e oloshi hasi tek, tek, tek.

Por fabor kou bo bals ku bo boka será i 10 meter for di mi, mi ta tende kon skupi ta wòrdu kreá bou di bo lenga pa yudabo fòrsa bo djente grandinan riba un pida rùber. No kou tapa di pèn, mi no ke! Sino mi tin ku lanta, kana bai te kaminda bo ta, si, e por ta 100 meter mes, mi ta tendebo! Mi no ke ponebo guli e kabes di pèn ei, aunke m’a trein ratu kaba den mi kabes kon ma pasabo un wanta, djis pa bo stòp di hasimi doló. Bo no sa mes. Bo no ta mira mi kara? Bo no ta komprondé? Ora abo ta sinta wak leu i keda primi e chanchan di e pèn den bo man, ta manera ami ta sinta lagabo keda bora mi wowo ku kada primí di e pèn. Ora bo ta kanta den bo mes ta manera bo tin un kangu mará na mi kabes.

Mi no por sigui ignorá mi mes mas. Ta kuantu suku bo a pone den bo te ku bo tin ku drei e kuchara 2,734 bia i mei pa e suku larga? Pa malu bo ta kumpra mangel ku papel krish krish pa ora bo ta sintá den misa bo habrié nèt ora pastor ta bai kuminsá papia, bo ta pone mi nòh… Dios pordonami! Si bo no por kana riba sapatu di hilchi por fabor kana pia abou paso e stail ku ta bo kana ta manera un hende ta pui mi ku un tutpik den mi lombrishi. E ta hasi doló.

Ora un hende ta maniak, bo no ta riska kana ku saya chikí su dilanti pa e no kue bo tene, dikon bo ta riska kanta falsu pareu ku e radio den mi besindario anto? Bo no tin miedu di mi? Bo no sa kiko ma hasi ku bo den mi kabes? Mi tin Misophonia, zonido ta hasi mi doló!

Loke ta kalma mi i kita mi doló:

– Un blachi solitario ku ta bula den bientu
– E bai bin suave di laman mei mei di algun piedra
– Krakmentu di garganta
– Tur melodia den minor, mas melodia, mió
– Coca-Cola fresku bashá
– Ora bientu supla over di un vèlt di yerba
– Bonchi di Barb’i yònkuman den bientu
– Bientu mes!
– Bos ku welek
– Áwaseru
– Un kombersashon ameno
– Kita plèstik for di aparato nobo
– Un presentashon di un tokadó di jazz solitario
– Zonido di fèn
– Algun para ku ta kanta (den distansia)

Pan ku Horkan

Manera ta konosí, den zona di Karibe for di komienso di yüni te komienso di desèmber por tin chèns riba horkan òf ola tropikal. Dios grasia Kòrsou no ta den e zona peligroso di e ruta kustumbrá di e fenómenonan menshoná aki manera Isla ariba. Pero e tiki biaha nan ku nos haña bishita di Horkan òf Ola tropikal e ta bini ku su kosnan.

Infrastruktura

Un weer shinishi ku un poko awa ta hinka e yu di Korsòu den un esfera romántiko. Pero mal tempu si no ta nada dushi, e ta laga bo kòrda tempu ku ki ora ku bo èks bisa bo e ta bai serka su amiganan, bo brò nan ta bisa bo nan a miré ku un gai ku yama Matthew.

Kòrsou no por ku hopi awa. Dòs plaka di awa so mester spat pa algun kaya transformá nan mes den un pisina. Roi nan yená ku kotèks, eiskast bieu i mata di behísima ta yena te basha afó ku bo no sa unda ta roi, unda ta kaya. Hopi Aña diferente gobièrnu a primintí nos ku nan si lo sòru pa un mihó infrastruktura. Ta bestèl trùknan kargá ku awa di breu pa laga parse mané ta masha drecha ta bai drecha kayanan. Un kos si. Masha hopi hende a kuestioná roinan yen e delaster dianan aki. Ni unu di nan no a buska un moda pa limpié. Asina nos ta. Reklamá pero hasi algu nos mes : “Ho maar”

Lo ta bon si pa otro aña lansa un kampaña ku lo karga e nòmber: “Tur hende limpia nan mes roi” Tur pero tur roi..basta e ta di bo.

Hèpenen

Tur kos na Kòrsou tin ku bira un happening. Ora ku un Horkan ta aserkando nos tambe:
Pòmp di gasolin nan tin rei mas largu ku e rei pa tuma karchi pòrnada di North Sea Jazz.
Kuminda di bleki ta bende mané oliebol na kermis di Tilburg. Den kada makutu na supermarket tin 3 flèshlait i 14 paki di bateria. Remarkabel ta kon e generashon nobo ta prepará nan mes pa horkan: Baki di eiskrim di Ben & Jerry’s, pink moscato, bara di lomitu, saku di chips, i kaha di durex.
Laga nos no lubidá tur e hòmbernan ku tin èkstra trabou den e temporada aki. Juan 7 porta mester kumpra eternit, ranka plak i manda limpia kurá pa tur su 7 muhénan.

Ekspertonan

Meskos ku ora di festival di tumba bo tin sesenta mil kompositor i areglista, ora di Horkan ta mes un kos. Hopi ta esnan ku ta hunga eksperto i mal informá e pueblo pa krea pániko innesesario. Nan mes ta Meteo pa eksagerá kon grave e tempu lo bira. Nan mes ta Minister Dick pa avisá mayornan pa no baha nan yu na skol. Por ùltimo nan mes ta disidí kuantor Ben Whiteman tin ku kome.
Aparte di e kosnan ariba menshoná nan ta tribi na insultá diferente organisashon ku tei pa kuida i guia nos den e temporada aki. Ku boka grandi nan ta
  • Koba mama di mandatarionan
  • Zundra polis
  • Yama nos ekspertonan di Meto idiot

Ora ku kos bai fo’i man si nan lo kore grita: Yama polis!!

Matthew

Kòrsou lo haña un bishita di orkan Matthew. Su rabu lo pasa banda di nos isla entre djaweps anochi pa djabièrnè durante dia. Grandinan ta bisa Nada no ta pasa pornada”. Matthew a presentá nèt riba dia di elekshon ku konsekuensia ku a posponé. Hopi ta e polítikonan ku a huma henter un kaha di sigá Velasquez pa tene Matthew leu fo’i Kòrsou pa elekshon sigui tòg. Lastimamente e no a yuda. Djaweps mainta nos a haña un ñapa di Matthew, un pal’i awa ku su konsekuenshanan. Monte Vèrdè mes t’asinaki, ban kòrda Punda!!
Dios kuida nos pida baranka di Horkan i polítikonan alakran!
Vader Volk

Kimina kiminé …

A’té, e temporada a ranka sali. Nos kueru a kuminsa keinta. Nos rishi ta krishi. Tur kaminda ku bo bira, bo ta mir’é, tend’é i sinti’é. E ta parti di nos kultura. For di grandi te chikí, di Banda Riba pa Banda Bou, di koló korá te koló blou, tur bario di Korsou, nos tur ta ‘in de touw’. Kiminá kiminé… Vota pe, vota pe… Si, karnaval i elekshon tin hopi similaridat. Esaki ta algun di nan.

Den pitu

Manera semper, tin grupo di karnaval ta kore traha riba trahe i karosa den lat. Partido politiko meskos; nunka bo no ta tende nada di nan, den pitu nan ke bin hinka un lista den otro i splika bo kiko nan a/ke logra i kuantu nan ta care pa bo yu. Sedenan tambe ta wordu uza solamente den e temporada kayente, sobra ora ta :krikik krikik krikik… Yen hende ku nunka ta kuminda bo, diripiente kier bende bo lòt of vota pa nan.

Pastechi

Meskos ku den elekshon, miembronan i partisipantenan di karnaval sa wòrdu prometé pastechi (i demas pasapalu durante marcha). Hopi ta esnan tambe ku ta keda desapuntá ku e kalidat i/òf size di e pastechi. Ora nan kere ku ta pastechi di T-bone steak nan lo haña, na lugá ta pastechi ku sobrá di keshi. Konsekuentemente, tin di nan ta rabia i kambia di grupo siguiente aña.

Ki bo sa dje ko’i?

Meskos ku tur grupo di karnaval tin un tema, partido politikonan tambe ta suppose di tin un ideologia. Pero kuantu partisipante (den grupo i den partido) ta realmente kompronde? Hopi partisipante di karnaval ni miradó no konose historia di karnaval. Djayabanda hopi miebro di partido ni votadó no tin masha konosementu di nos staatsinrichting. Mas tristu mes, tin di nan ku no ta ni care. Nan tey pa otro motibu. Tabatin asta grupo di karnaval ku a yama nan mes: “Djis pa nos t’aden”. Aplouso pa nan, paso sikiera nan si tin e kurashi di bisa nos esei den nos kara.

Musika i Harkohòlll

Den temporada di karnaval nos tin tumba i brassband. Prome ku elekshon nos tin jingle nan ku ta zona meskos ku tumba i tambe brassband. Bo ta korda un tumba ku yama ‘E homber di gaña gaña’? Awel, jingle politiko ta style di ‘e promesa di gaña gaña’. Anto no ta un sekreto ku den karnaval alcohol ta kore pio ku Aqualectra su lekkage. Meskos tambe dia di elekshon, kaminda suppose di tin e asina yama ‘lei seku’, nos tur sa ku e realidat ta mas muhá ku Saliña despues di Thomas. Tin asta sierto negoshantenan ta pidi pa elekshon pasa kada 3 luna. Keremi, mi sa.

Kuaresma

Despues di fiesta un temporada kortiku, nos ta drenta den temporada pa yuna. Despues di karnaval hopi hende ta yuna dor di no kome karni korá den siman, no bai fiesta, no keda riba kaya te laat, no papia palabra malu, give up algu ku bo gusta hasi etc. Despues di elekshon hopi ta esnan ku lo haña nan ta yuna dor di no bai trabou(paso nan no tin), no bai fiesta (door di e prome motibu menshoná), keda riba kaya te lat numa paso awendia atrakador tin free delivery(te na bo kas), papia hopi palabra malu i pidi pa gobiernu kai pa kaba, i give up tur kos ku nan gusta paso nan ta depressed di e situashon. E uniko diferensha ta ku e kuaresma despues di karnaval ta dura 40 dia, pero e kuaresma despues di elekshon ta dura 4 anja. Triste chiste.

Den temporada di karnaval nos ta baila gosa mane no tin mañan. Si e seno politico di Korsou sigui asina, letterlijk lo no tin mañan.

Tin algun similaridat ku mi no a kai ariba? Share your thoughts, share the love.

Black&Yellow

Mi no ta bo mama

Awó mèrdia akí, mi a realisá ku e “tanchi” amiga di mi tata, no ta mi tanchi. Ta awor mi ta komprendé e mirada sugestivo ku e “tanchi” a hasi, na momentu ku e a pone man na mi tata su pia, bira wak patras, duna mi un mangel i  bisa mi “mucha grandi no ta papia,kòrda no bisa mama ku  tanchi a bini den outo awe”.

Ta awor numa, despues di 25 aña, mi ta realisá ku e señora ei tabata mi tata su baisait.

Na grandi akí, mi a bin komprendé tur e vakashonnan chikí ku nos tabata bai hasi na mi wela su kas, kaminda mi mama tabata keda drumi so. Awor mi ta komprendé ku no ta niun fakansi nos tabata bai, pero ta hui nos tabata hui pa e mònster ku mi tata tabata bira na momentu ku e a dal muchu beter, i mi mama, depresivo i dependiente, ta hañ’e ta bai bèk serka mi tata, komo ku ya, e no tabata ke otro.

Tur e realisashonnan aki a bini despues ku mi a haña mi, un muhé soltero di 30 aña ta puntra su mes, dikon mi no por mantené niun relashon? Evaluando mi mes di un manera honesto, mi a realisá ku ta AMI tin “issues”.

Ami,  e muhé moderno, emansipá, sigur ku si e hòmber no por move shelu i tera pa mi, e no meresé mi. Awor numa, mi a bin  komprendé mi “modus operandi”, kaminda ku kada bes ku mi kuminsá sinti mi djis un tiki insigur den un relashon, mi ta harma un problema, pa konvensé mi mes ku e hòmber ei, no ta pa mi.

Mi a para ketu, ku mi a deseá e amor i kompashon ku un relashon madurá tin, sin ku mi tabata ke a pasa e tempu ku tabata nesesario pa mi a kana yega einan. Na momentu ku mi a tende e kantika di JLo “Ain’t yo momma” mi a grita akiden, DAMN RIGHT! Ken mi ta, pa mi bai kria niun hòmber? Niun hende lo no tuma mi hasi kèns, manera tata a hasi ku mi mama. Den mi “ gran momentu”, kantando ainda, mi a realisá algu mas; I HAVE DADDY ISSUES.

E instabilidat di mi infansia, sekretonan di mi tata, huntu ku palabranan “wak pa bo siña, ya bo no ta dependé di niun hòmber”, a krea un hoogmoedigheidsyndroom”skondí tras di un humildat falsu. Tur esakinan tabata un máskara pa mi a tapa e insiguridat grandi ku tabata biba den mi. Den mi kurason un mi tin e deseo pa un hende realmente stima mi, sin ku mi ta “tel af” kuantu falta, pa e hende aki tambe disidí di bai laga mi.

E ponensia aki a pone mi realisá ku TA AMI ta e motibu dikon niun relashon ku mi tin no ta dura largu i kaba den drama, ta AMI ta e hende defensivo ei ku kada bes un hende purba na duna mi konseho pa adelanto di mi mes, mi ta mira esaki komo un intervenshon sumamente doloroso.

E motibu dikon ku ta awor numa mi ta realisá tur e kosnan aki ta komo ku nunka  mi no tabatin e kurashi sufisiente di para ketu, i wak ken realmente mi ta.

Mi a para ketu awe, ku mi no ta den kompetensia ku niun hende, si ta un muhé, ku mal ehèmpel, yen maña i manipuladó mi a permití mi mes para bira, AND.SO.WHAT? Esei ta mi bèrdat awe. I si ta un muhé yen di kompashon, amabel ku ta stima hende mi ke bira, it’s up to me.  Kambio realmente i berdaderamente ta kuminsá di paden, I e promé stap ta, pa realisá ku ta ami tin e problema i e ta den mi man pa solushoná my own issues, komo ku ya, di awe te dia mi dal abou bògòrò muri,  ta ku mi mes mi tin  ku  biba.

Luna

Give a ‘Kòmplimént’ noh!

We want to be acknowledged, appreciated and validated. Perfectly normal and natural psychological behaviors of being…human. Facebook, Instagram…blah blah…You all know the drill.

Why is it we crave so much attention these days? Or are we not giving others enough attention? “Hmm…Let me Google that on my tablet…my smartphone’s charging…”

One question that boggles my mind continuously…

Why do ladies post their skimpy outfits on Facebook? Can you Google that for me, since you’re on your phone anyways…doing Snapchat. Why am I looking at a perfect angle of your boobs in a bikini, while your caption is not even remotely related to your two ‘watermelons’. Might as well be corny about it, and just write “My knockers look super fabulous today!”. Don’t beat around the bush, guuuurl…get straight to the point! Own it! Let’s see how many ‘likes’ it takes, for you to feel good today. Tag along the #FreeTheNipple or #PublicBreastFeeding campaign. One big paradoxical mumbo jumbo. Don’t even get me started on the ‘bunda’, big ‘chan chan’ hype…#squats

One thing I’m most certain about, is that we don’t compliment each other enough!

We’re always ready to criticize, judge and talk someone else down. This only reflects the way you feel about yourself, honestly. I don’t have many female friends; correct me if I’m wrong, but it feels like a battlefield out there sometimes. I don’t know if it’s women in general, or just Caribbean women. Always gossiping and talking about other women and pointing out their flaws. I’d be generalizing. But it’s that group of people who need to get their act together…’You need Jezus’.

I’m laying at the beach, you know…minding my own business. I hear a group of young women talking about how the lady in the red bikini by the water doesn’t have a ‘sanka’, or how her ‘selulitis’ is oh, so hideous…

Stòòòp ku e kos ei!

Ladies, I’d be more shocked if I saw a plastic fantastic woman, flaunting her assets she clearly paid for, to look as unnatural as she does (oops, there you have it…I’m judging…but I swear, I’m doing it for science! Having to risk your health, just to live up to Barbie doll standards, is disconcerting). So you keep sipping on your apple martini, boo…and do you…Let the natural ladies flaunt their natural selves!!! Besides, if the lady in the red bikini had well shaped buttocks and baby tight skin, she’d still be criticized, because…Jealous much, pfff…

So many insecure ladies out there as is…It’s safe to say that it’s our own gender talking us down. The way we talk about one another and portray each other, is definitely not improving our self-esteem. I swear, I’ve never heard any of my male friends criticizing each other’s packages, pointing at each other’s flaws. In fact, they slap each other’s asses more often than we ladies should. And they’re straight! Lol.

It’s not easy to ‘simply ignore’ what others think…because words cut deep, even when you think you’re strong enough to handle anything. But just remember, everyone has baggage.

Which brings us to the next topic…

I’m a simple lady. I don’t dress up to draw attention. Never felt the need to. Let’s make one thing clear though…I don’t wear socks with sandals or weirdly patterned shirts that don’t go with those weirdly patterned pants…I said, ‘simple’…not boring or looney.

After have lived in Holland for a long period of time, I’ve hit a few clubs and cafes on Curaçao and Bonaire, just to experience the nightlife there, as an adolescent. I had no idea what to expect. Of course I’d be underdressed! But I wear comfortable clothes, because I’m a hardcore dancer! I’m not going to wear my best attire and platform pumps, to sweat my ass off and risk breaking my ‘smoel’ on tile floors.

The night is young…the dancefloor, empty. The dj is good! The dancefloor, empty. The music is blasting! Empty…

Salsa, bachata, merengue, reggaeton…heheee, kizomba…This is my jam! But why is the dancefloor still…empty?!?

Sooooooo, ladies…hair on fleek, nails did, new dress, fabulous heels, matching pouch…just to go STAND, look good and stare each other down at the club. A drink? “No yu, I’m wearing last month’s salary!”

Hepa, yega pega! The photographer! Bring it in guuuurls, let’s pose together, to show Facebook what hella good time we’re having, you know…standing here. But wait…there’s hope!…Is that Cache Royale I hear…Before I could even blink, the floor is swarming with couples shuffling on the dance floor. Oh, my bad…I was too quick to judge. We do dance! (Not much movement required though, otherwise my dress will creep up my butt and I’d have to keep pulling it down continuously…or not…)

I feel a weird tension in the air…Is it just me, or is everyone pms’ing up in here. (Pre-menstrual syndrome, in case you weren’t familiar with the abbreviation for ‘back off, I’m hormonal’…)

Before you know it. Shanté claws her fake nails into Fergianteley’s boozems. Oh no, exposed watermelons!

tilygdcfhkixr1msvz7gDuck! Take cover…deadly weapons, we refer to as, shoes…flying all over the place…

What’s…that…thing…on…the…floor…

“Shantééé, take your ponytail…”

Bèrguensaaaa…Hesta awkwaaaaard!

So, what was the fight about anyways? Please, don’t let it be over some guy, whose neck’s covered in white powder, smelling like gazillion gallons of cologne. Because no civilized man is worth this humiliation…

It better have been a battle between ‘Who’s hot and who’s not’…now that, I can substantiate.

To recap:

  • Stop looking for the wrong kind of attention (I’ll spare you the whole, stop objectifying women’ speech…Because if that’s the kind of attention you need, guuuurl…Vaya con Dios…)
  • Start complimenting each other (more), instead of talking each other down. In case you weren’t aware, compliments could actually save lives! Besides, after getting complimented, you’ll definitely smile. Smiling burns calories!
  • Know your worth and keep (self-)degrading comments to yourself. Keep the nasty talk for in the bedroom, where it’s appreciated.
  • If you want to enjoy life, do so! Who cares what others think of the way you dress or dance. Just do it accordingly.
  • And last but not least, why do women… always go for the hair!!! Talk it out, like civilized human beings. If you’re not of that caliber, take it outside…with the rest of the caps.

Without further ado, by all means…Please help yourself to a compliment today!

 

Stay beautiful,

Cariba

Ki mishi bu ei den?

Via diferente medionan di komunikashon a bin sali na kla ku tin un kaso basta fèrfelu tumando lugá na Kòrsou kaminda un ‘apòstel’ lo a abuzá di un mucha pa medio di un forma strukturá pa añanan largu. Ta klaro ku un hende ta ‘innocent until proven guilty’, ma si e pastor a hasié òf laga ta hopi freak ku akusashonnan di algu asina grave a tuma lugá. P’esei mi hashtag #KiMishiAboEiden. Mi tin fe ku e bèrdat lo sali na kla i ku e hobensita aki lo haña yudansa pa atendé ku tur loke ta pasando rondó di dje.

Ban lanta un iglesia!

Tin iglesia ku ta wòrdu lanta dor di hende pa satisfasé nan ambishon egoista despues ku nan no a haña e posishon ku nan tabata deseá den nan iglesia anterior. Nan ta rabia bai lanta nan mes kos pa loko. I si den nan misa anterior nan tabata parti di e schoonmaak team limpiando wc, nan ta bira promové nan mes den un tiru komo pastor. Hopi biaha sin niun klase di estudio Bíbliko na nivel, resultando den práktikanan spiritual ku ta oprimí nan siguidónan kual no tin niun base for di Beibel. Siñansa falsu, paso ni nan mes no ta sigui e reglanan ku nan ta bin kuné.

Mi ke ta hopi kla, no ta paso e kaso lamentabel aki a sosodé tur iglesianan na mundu ta malu! Kreyentenan, por fabor hasi research promé bosnan drenta kualke un iglesia. Aki mi ta resumí algun pregunta ku bo por hasi bo mes promé bo pòlish bo sapatu, mara dashi strak den garganta i drenta bo outo bai iglesia.

Background check di e iglesia

Puntra bo mes semper, di unda e binimentu huntu aki a start? Ta un iglesia yòn ku a kaba di lanta òf ta un iglesia ku tei pa añanan kaba? No ku e iglesia ku tin mas tantu aña ta mas mihó ku e otro, pero sa ku tin un diferensia entre e dos tipo di iglesianan aki. Hopi biaha un iglesia ku ta eksistí hopi aña kaba tin chèns di ta mas konservativo i pega den e vishon di ántes. Di e otro banda un iglesia yòn por falta e konosementu i eksperensia ku un iglesia mas madurá tin. Tene kuenta ku esaki.

Background check di e pastor

Ki e pastor aki su background ta? E pastor a studia algu di Beibel (na un nivel rekonosí) pa e por añadí algu na mi bida spiritual? Semper check ta ken bo ta deal kuné i no kere tur kos djis paso un hende tin un título. Meskos ku nos niun lo no laga un amatùr operá nos na hospital, no laga ken ku ta bira bo guia spiritual. Sea ta pastor, korant, polis, hues, músiko, no kere i aseptá tur kos komo bèrdat pa loko!

Check e frutanan di e palu

Beibel ta papia den Galatanan 5:22-23 over di e frutanan di Spiritu Santu i e ta bisa: “Ma fruta di e Spiritu ta amor, goso, pas, pasenshi, kariño, bondat, fieldat, mansedumbre, dominio propio; kontra kosnan asina no tin lei.” Nos por papia di un iglesia sano ora e frutanan aki ta visibel den e iglesia i su miembronan.

Den último dianan hopi profeta falsu lo lanta i nan tei kaba. Es ku tin orea, skucha.

 

Riëndy Holder